31 - Yəhya, o da əl-Aməşdən, o da Amr b. Murrədən, o da Əbul-Baxtəri yolu ilə Əli - radıyallahu anhu –dan rəvayət edir ki, Allah Rəsulu – sallallahu aleyhi və səlləm – məni hələ gənc yaşda ikən Yəmənə göndərdi. Dedim ki: «Ey Allahın Rəsulu! Aralarında münaqişələr olan bir qövmə mənim kimi gənc bir adamımı göndərirsən?». Peyğəmbər: «Allah, qəlbini (hökm verməkdə) hidayətə gətirəcək və dilini sabit edəcəkdir». Ondan sonra (Yəməndə) iki nəfər arasında cərəyan edən (hər-hansı) bir hadisədə hökm verərkən qətiyyən şübhəyə düşmədim36.
