Termiz davlat universiteti tabiiy fanlar fakulteti biologiya kafedrasi
Yüklə 0,95 Mb. Pdf görüntüsü
|
- Bu səhifədəki naviqasiya:
- 2-usul (Xuker modifikatsiyasi).
|
Ishning bajarilishi:
Yog’sizlantirilgan buyum oynasida har xil mikroorganizmlardan 3 ta mazok tayyorlanadi: o’rtada – tekshiriladigan kulturaning mazogi, chapda va o’ngda kontrol mazoklar (masalan, Bacillus subtilis ning musbat bo’yaluvchi hujayralari va Escherichia coli ning bo’yalmaydigan hujayralari). Aniqlash uchun faqat yosh, asosan bir kunlik kulturalardan foydalaniladi. Mazok yupqa qilib tayyorlanadi, hujayralar oyna yuzasiga bir tekis yoyiladi, keyin quritilib, gorelka alangasiga tutib fiksirlanadi. 1 usul. Fiksirlangan mazok ustiga filtr qog’oz orqali karbolli gentsian violet bo’yog’i quyiladi va 1-2 minut davomida bo’yaladi. Keyin filtr qog’oz olib tashlanadi va bo’yoq moddani to’kib olib, preparatni suv bilan yuvmasdan, to qorayguncha 1-2 minut davomida Lyugol eritmasi bilan ishlov beriladi. Shundan so’ng uni rangsizlantirish uchun 0,5-1,0 minut davomida 96% li etil spirt bilan yana ishlov beriladi. Bunda oynani sekin qimirlatib turib spirt quyiladi va u bir necha marta almashtiriladi. Hujayralar juda ham rangsizlanib ketmasligi uchun spirtga yod qo’shiladi (100 ml etanolga yodning 10% li spirtli eritmasidan 2 ml qo’shiladi). Keyin preparatni suv bilan yuvib, yana 1-2 minut davomida suvli fuksinda qo’shimcha bo’yaladi. So’ngra bo’yovchi eritmani to’kib olib, preparat suv bilan yana yuviladi, quritiladi va mikroskopning immersion sistemasida ko’riladi. Agar to’g’ri bo’yalgan bo’lsa, grammusbat bakteriyalar ko’k-binafsha rangga, grammanfiy bakteriyalar qizil rangga kiradi. 2-usul (Xuker modifikatsiyasi). Bunda mazoklar 1 minut davomida kristal holdagi fiolet bo’yog’i bilan (1-ilova) tez, 3-4 sekund davomida bo’yaladi. Keyin bo’yovchi eritmani to’kib, preparat yuviladi, suvning ortiqchasi chiqarib yuboriladi, so’ngra 1 minut davomida Lyugol eritmasi bilan ishlov beriladi. Shundan keyin Lyugol eritmasini yuvib tashlab, preparat suv bilan yaxshilab yuviladi va xuddi 1 usuldagi kabi, taxminan 30 sekund davomida 96% li spirt bilan rangsizlantiriladi. Bunda to rangi yo’qolguncha spirtni sekin asta tomizib turiladi. Keyin spirtni suv bilan yuvib, preparatga 30 sekund davomida safranin bilan ishlov beriladi. So’ngra bo’yovchi eritmani to’kib, preparat suv bilan yuviladi, quritiladi va mikroskopning immersion sistemasida ko’riladi. To’g’ri bo’yalgan bo’lsa, grammusbat bakteriyalar ko’k, grammanfiy bakteriyalar qizil rangga kiradi. Yüklə 0,95 Mb. Dostları ilə paylaş:
|