SİLLABUS (İşçi tədris proqramı) Fənnin sillabusu hazırlanarkən Azərbaycan Dövlət Pedaqoji Universitetinin Tədris-Metodiki Şurasının 2019-cu il tarixli iclasında təsdiq olunmuş “Pedaqogika” proqramı əsas götürülmüşdür. Ümumi məlumatlar:
Pedaqogika fənni pedaqoji təmayüllü institut və universitetlərdə tədris edilən əsas fənlərdən biridir. Fənnin qarşısında duran əsas məqsəd ali bakalavr təhsili alacaq tələbələri gələcək müəllim üçün zəruri olan istiqamətdə formalaşdırmaqdır. Pedaqogika fənni tələbələrə təhsilin, təlimin, tərbiyənin mahiyyəti və əhəmiyyəti haqqında məlumat verməklə yanaşı istər təlim, istərsə də tərbiyə zamanı istifadə edəcəkləri metodlar, prinsiplər, təlim-tərbiyənin təşkili formaları və s. haqqında bilik, bacarıq və vərdişlər formalaşdırmağı qarşısına məqsəd qoymuşdur.
“Azərbaycan dili və ədəbiyyatı müəllimliyi ” təhsil proqramının Pedaqogika fənninə aid olan kompetensiyaları və həmin fənnin təlim nəticələri arasında əlaqə
3.1. “Azərbaycan dili və ədəbiyyatı müəllimliyi ” təhsil proqramının Pedaqogika fənninə aid Peşə kompetensiyaları (PK- peşə kompetensiyaları)
“Pedaqogika” fənnini mənimsəməklə təhsilalan aşağıdakı peşə kompetensiyalarına yiyələnmiş olur:
PK1. Pedaqoji elmin və təcrübənin qarşılıqlı əlaqəsini, onların inkişaf tendensiyasını, pedaqogikanın müxtəlif sahələrinə aid problemlərin həllini təqdim edir.
PK2. Klassik pedaqoqların mütərəqqi, bu günümüz üçün dəyərli olan fikir və ideyalarından yaradıcılıqla istifadə etməyi bacarır.
PK3.Müasir təhsil sənədlərinin tətbiqi üzrə praktik bacarıqlar nümayiş etdirir.
PK4. Qrupda və kollektivdə, rəhbərliklə əlaqəli şəraitdə, sosial mühitdə insanlarla işləmək bacarıqları nümayiş etdirir.
PK5. Dünya xalqlarının məktəb və pedaqoji fikrin inkişaf tarixi haqqında nəticələrini təqdim edir.
PK6. Bəşər cəmiyyətinin müxtəlif dövrlərində mövcud olmuş məktəb sistemi və pedaqoji fikrə tarixilik baxımından düzgün yanaşmağı, müqayisəli təhlillər aparmaq bacarığını nümayiş etdirir.
PK7. Hüquqi və pedaqoji cəhətdən tənzimlənən müəllim-şagird, müəllim-ailə və məktəb-ailə münasibətlərini qura bilir.
