Texnologiyalari va kommunikatsiyalarini rivojlantirish vazirligi

O’ZBEKISTON RESPUBLIKASI AXBOROT
TEXNOLOGIYALARI VA KOMMUNIKATSIYALARINI
RIVOJLANTIRISH VAZIRLIGI
Muhammad Al-Xorazmiy nomidagi
Toshkent axborot texnologiyalari universiteti
Qarshi filiali

“Kompyuter injiniring” fakulteti KI-13-22 (S) guruh

Talabasi Bobomurodov Abbosning
Chiziqli algebra fanidan

2-MUSTAQIL ISHI

MUSTAQIL ISH №2

MAVZU: Chiziqli bo’lmagan tenglamalar sistemasini taqribiy yechish usullari haqidagi umumiy tasavvir. Berilgan chiziqli bo’lmagan tenglamalar sistemasini Nyuton usulida taqribiy yechish. Ushbu usulda yechim topishni dasturlash.

REJA:

1. 
   Tenglamani yechishning taqribiy (iteratsion) usullari va iteratsion jarayon tushunchalari.
   
2. 
   Algebraik va transendent tenglamalar, ularni yechishning geometrik talqini
   
3. 
   (Nyuton teoremasi)
   

Algebraik va transendent tenglamalar, ularni yechishning geometrik talqini
Dastlabki tushunchalar. Ushbu
f(x) = 0 (1.1)
chiziqli bo‘lmagan tenglamaning ildizini (ildizlarini) topish talab etiladi.
Agar f(x) funksiya ko‘phad bo‘lsa, u holda (1.1) tenglama n–darajali algebraik tenglama deb ataladi, ya’ni
f(x) = P_n(x) = a₀xⁿ + a₁x^n–1 + . . . + a _n–1x +a_n = 0, (1.2)
bunda a₀, a₁, ..., a_n–1, a_n – berilgan P_n(x) ko‘phadning koeffisiyentlari.
Boshqacha aytganda, algebraik tenglama deb algebraik (butun, ratsional, irratsional) funksiyalardan tashkil topgan tenglamaga aytiladi.
Darajasi to‘rtdan yuqori bo‘lgan algebraik tenglamalar uchun uning ildizlarini koeffisiyentlari orqali ifodalovchi aniq formula mavjud emas. Algebraik tenglama ildizlari sonini ko‘phadning darajasiga qarab, ularning xarakterini esa shu ko‘phad koeffisiyentlarining ishorasiga qarab aniqlash mumkin. Quyiroqda n–darajali algebraik tenglama, ya’ni P_n(x) ko‘phadning ildizlari haqida kengroq tushunchalar berilgan.
Algebraik bo‘lmagan har qanday tenglama transendent tenglama (transendent funksiyalar: ko‘rsatgichli, logarifmik, trigonometrik, teskari trigonometrik va boshqa funksiyalarni o‘z ichiga olgan tenglama) deb ataladi. Masalan,
(2,1x+1)/(0,3x+1) sin(2x)–0,4x² = 1 yoki 2^0,1x–6lg(44-x)+5,5sin(x) = 0.
Kamdan kam hollardagina transendent tenglamalar ildizlarining aniq qiymatini topish mumkin. Transendent tenglamalar birorta ham haqiqiy ildizga ega bo‘lmasligi, chekli yoki cheksiz sondagi ildizlarga ega bo‘lishi mumkin. Masalan, yuqorida keltirilgan misollardan birinchi tenglama 7 ta, ikkinchisi esa 5 ta haqiqiy ildizga ega (buni mustaqil aniqlang, masalan, Maple dasturi yordamida uning grafigini chizing).
Shularga ko‘ra tenglamaning taqribiy ildizlarini topish usullari va ularning aniqlik darajasi muhim ahamiyatga ega.
Shunday qilib, algebraik va transendent tenglamalar ikki turga bo‘linadi: chiziqli (bitta yechimli) va chiziqli bo‘lmagan (bir yoki bir nechta yechimli) tenglamalar. Chiziqli bo‘lmagan tenglamalar esa: algebraik (yechimlari n ta) va transendent (yechimlari soni noma’lum) tenglamalarga bo‘linadi (1.1-rasm).

1.1-rasm. Tenglamalar klassifikatsiyasi.