Tog’ kon sanoati va geologiya vazirligi
Geologiya fanlari universiteti
“Neft va gaz konlari geologiyasi” fakulteti
“Iqtisodiy geologiya” kafedrasi
“Geologiya qidiruv ishlari iqtisodiyoti” yo’nalishi
4-kurs talabasi Xolmirzayev Jamolning
Biznes yuritishni rejalashtirish fanidan tayyorlagan
3. Korxonani baholash
“Moliyaviy nazorat” tushunchasi, uning turlari va uslublari.
Moliyaviy nazorat moliyaning maxsus funksiyasi bo‘lib, uning maqsadi moliyaviy resurslarni boshqarish qonuniyligi va samaradorligi bo‘yicha qabul qilingan andozalardan chetga chiqish hollarini aniqlash, bunday chetga chiqishlar mavjud bo‘lganida esa, ularni tuzatish va oldini olish bo‘yicha tegishli choralarni o‘z vaqtida qabul qilishdan iborat. U nazoratning boshqa turlaridan farqli o‘laroq, ijtimoiy ishlab chiqarishning barchasohalarida mavjud bo‘lgan holda, pul jamg‘armalari harakatining butun jarayonida kuzatiladi. Shu sababli moliyaviy nazorat har qanday ishlab chiqarishda xo‘jalik yuritish mexanizmining obyektiv ravishda zaruriy bo‘lgan tarkibiy qismidir, deb tasdiqlash mumkin.
Moliyaviy nazorat obyekti bo‘lib, avvalambor, moliya tizimining barcha bo‘g‘inlaridagi moddiy ishlab chiqarish hamda noishlab chiqarish sohalarida moliyaviy resurslarni shakllantirish va ulardan foydalanish jarayonida yuzaga keladigan pul munosabatlari hisoblanadi. Moliyaviy nazoratning amal qilish ko‘lami xo‘jalik munosabatlarining butun majmuini ham o‘z ichiga qamrab oladi.
Moliyaviy nazoratning subyekti bo‘lib, davlat organlari, shuningdek moliyaviy qonunchilikka rioya etilishi ustidan tekshirishlarni olib borish bo‘yicha tadbirlarni amalga oshirish vakolatiga ega bo‘lgan nodavlat tashkilotlari va muassasalari hisoblanadi.
