41
Biz biznes hamkorlarimiz bilan o‘zaro ishonchga asoslangan ikki
tomonlama munosabatlarni shakllantiramiz va ularni strategik hamkor
sifatida tan olamiz. Biz jamoaviy o‘sishni davom ettiramiz va axloqiy,
qonuniy qo‘llab-quvvatlash orqali hamkorlarimizning raqobatbardosh-
ligini mustahkamlashga intilamiz.
Biz mintaqa an’analari va madaniyatni hurmat qilamiz va bir-
galikda o‘zaro foydali hamkorlik olib borish va gullab-yashnashga
intilamiz.
Biz mahalliy jamiyatlarning qonunlari, madaniyati va qadriyatlarini
hurmat qilamiz va mahalliy aholining hayot
sifatini yaxshilash ishiga
hissa qo‘shamiz. Biz jamoatchilik qiziqishini uyg‘otuvchi ta’lim,
madaniy va sport tadbirlari o‘tkazib, sog‘lom jamiyatni rivojlantirishga
yordam beramiz. Ko‘ngillilik (volonterlik) ishlarini olib borish va ta-
biiy ofatlarda aholiga yordam berish yo‘li bilan ijtimoiy foydali ishlar-
da faol ishtirok etamiz.
Hozir “Samsung Group” konserni tarkibiga kimyo texnologiyalari
sanoati, og‘ir va yengil sanoat, qurilish, avtomobilsozlik, marketing va
reklama, moliya va sug‘urta, sayyohlik va dam olish xizmati kabi so-
halarda faoliyat yuritadigan yetakchi korxonalar kiradi.
Samsung
Group tuzilmasi Konsernga tegishli LCD monitorlari va televizorlar
ishlab chiqaradigan zavodlar Janubiy Koreya – Suvon shahri (1981),
Vengriya (1990), Malayziya (1995), Buyuk Britaniya (1995), Meksika
(1998), Xitoy (1998), Braziliya (1998), Slovakiya (2002),
Hindiston
(2001), Vetnam (2001), Tailand (2001) va Ispaniyada (2001) faoliyat
yuritadi. Bu tarmoq kompaniyaga yiliga 5 mlrd. AQSH dollaridan or-
tiq daromad olib keladi. “Samsung” 2012-yilning 1-choragidan
boshlab LCD monitorlar va mobil aloqa
vositalari ishlab chiqarish
bo‘yicha dunyoda birinchi o‘rinni egallab turibdi. Qurilish sohasi
kompaniyaga yiliga 2 mlrd AQSH dollari keltiradi. “Samsung Engi-
neering” asosan xorijiy buyurtmachilarga xizmat ko‘rsatadi
va katta
loyihalar bilan shug‘ullanadi. “Samsung Group”ning bosh ofisi binosi
(Seul), jahondagi eng baland bino – Burj Xalifa (Birlashgan Arab
Amirliklari), Petronas egizak minorasi (Kuala Lumpur), Taybey 101
binosi (Tayvan) kabi dunyoga mashhur inshootlarni ana shu kompani-
ya qurgan. Hozirda Samsung kompaniyasining savdo belgisi Forbes
jurnalining “Dunyoning eng qimmat Brendlari” ro‘yxatidan 9-o‘rinni
egallagan. Uning asosiy raqobatchisi “Sony” esa 81-o‘rinni egallagan.
