Toshkent davlat iqtisodiyot universiteti m. M. Tashxodjayev, M. G. Umarxodjayeva
Yoshlarda korrupsiyaga qarshi kurashishda ijodiy
Yüklə 3,39 Mb. Pdf görüntüsü
|
|
10.3. Yoshlarda korrupsiyaga qarshi kurashishda ijodiy
tafakkurni rivojlantirish masalalari Har bir jamiyatning rivojlanib borishi jarayonida uning yoshlari hamisha zamon bilan hamnafas yashab, ijtimoiy hayotdagi salbiy illatlarga qarshi kurishib kelgan. Mana shunday faoliyatda ijobiy tafakkur orqali mavjud muammolarga qarshi kurash olib borish, ayniqsa, korrupsiyaga nisbatan o‘zining erkin dunyoqarashiga ega bo‘lishda muhim ahamiyat kasb etadi. Ayni paytda O‘zbekistonda amalga oshirilayotgan huquqiy islohotlar negizida barcha sohalarda korrupsiyaning oldini olish, bu borada joylarda izchil chora-tadbirlar 173 ishlab chiqib, amaliyotda qo‘llash masalalariga alohida e’tibor qaratilmoqda. Mana shunday muhim ahamiyatga molik masalalardan biri “korrupsiyaga qarshi kurashning eng samarali yo‘llaridan biri davlat boshqaruvi organlari rahbar xodimlari madaniyatini oshirish, ularni vatanparvarlik, mas’uliyatlilik ruhida tarbiyalash bo‘yicha ma’rifiy ishlarni kuchaytirish hisoblanadi”. Yurtimizda bugungi kunda ma’naviy-ma’rifiy ishlarni kuchaytirish, yoshlarni ijodiy tafakkur qilishga o‘rgatish, korrupsiyaning salbiy oqibatlarini ularning ongiga chuqur singdirish asosiy vazifamiz sanaladi. Shunday ekan, jamiyatda yoshlarning siyosiy va huquqiy ongini o‘stirish, inson uchun, uning ma’naviy dunyosi uchun salbiy illat sanalgan turli ko‘rinishdagi korrupsion jarayonlarga qarshi ijodiy tafakkur qobiliyatini kamol toptirish muhim sanaladi. Davlatimiz rahbari tomonidan O‘zbekistonda korrupsiyadan xoli jamiyat yaratishga qaratilgan chora-tadbirlar izchillik bilan amalga oshirilmoqda. Mana shu yo‘lda barchamiz yoshlarning huquqiy savodxonligini oshirishimiz, qabul qilinayotgan qaror va qonunlarning mohiyatini ularning ongiga chuqur singdirib borishimiz, ularning bu o‘zgarishlarda o‘z hissalari borligini his etishlariga erishishimiz, yoshlarning qo‘shayotgan hissalarini ijtimoiy hayotda fuqarolarimizga yetkazishimiz darkor. Chunki keyingi yillarda barcha sohalarda shaffoflikni ta’minlash borasida islohotlar amalga oshirilmoqda. Bunday ishlarni qilmasak, jamiyatda ko‘p erishgan yutuqlarimizni yo‘qotib qo‘yishimiz hech gap emas. “O‘tish davrining muayyan qiyinchiliklari sharoitida fuqarolar ongida, ayniqsa, yosh avlodning bir qismida, hayotda yuksak turmush darajasiga erishishning asosiy usuli qonunga xilof faoliyat bilan bog‘liq, degan mutlaqo axloqqa zid nuqtai nazar shakllanishi va qaror topishi mumkin. Qing‘ir yo‘l bilan boylik orttirishga intilish, basharti, u jamiyatning va huquqiy nazoratning e’tiboridan chetda qolsa, insonlarni, ayniqsa, hayotga endigina qadam qo‘yib kelayotgan yoshlarni yomon yo‘lga og‘diradi. Axir, jamiyat va davlat uchun yosh avlodning axloqan buzilishi va yuztuban ketishidan ham ayanchliroq, hol bormi o‘zi?” Demak, har qanday vaziyatda ham jamiyat taraqqiyoti va uning taraqqiy etishi uchun unda shakllanadigan turli mafkuraviy xurujlardan xoli bo‘lish, yoshlarning ongida zamonaviy dunyo bilan hamnafas 174 ko‘rinish kasb etadigan milliy tarbiyani vujudga keltirish muhim ahamiyatga ega. Yoshlarda ijodiy tafakkurlashni shakllantirishda, eng avvalo, keksa avlodning dono tajribasini ularning ongiga singdirish, insoniy fazilatlarni shakllantirish va rivojlantirish, Vatan va millat oldidagi burch va mas’uliyatni his qilishga o‘rgatish, qonunlarga rioya etish fazilatlarini qaror toptirishdan iborat. Chunki Vatanga sodiqlik, vatanparvarlik o‘zining qudratli ildizlari bilan oila, avlod-ajdodlarning nomus-origa chuqur ehtirom bilan qarashga, insonning o‘z vijdoni va burchiga sodiqligiga borib taqaladi. Shundagina yosh avlod jamiyatdagi korrupsiyaga qarshi kurashishda Vatan va yurt manfaati yo‘lida, qolaversa, ertangi kelajak yo‘lida pok va vijdonan ishlashga intiladi. Bu borada yoshlarda korrupsiyaga qarshi mafkuraviy immunitetni shakllantirish muhim ahamiyat kasb etadi. Chunki xalqimizning tarixan shakllanib kelgan yuksak milliy qadriyatlari vatanparvarlik, insonparvarlik, adolat, milliy g‘ururni ma’naviy yuksaltirish kabilar jamiyat ravnaqi yo‘lidagi qiyinchiliklarni engib o‘tishda yordam beradi. Biz hoshlarimizda jamiyatdagi mavjud salbiy illatlarga, jumladan, korrupsiyaga qarshi kurashishda umuminsoniy, milliy, dunyoviy, axloqiy, estetik, ijtimoiy, oilaviy, tarixiy, diniy, iqtisodiy, ma’naviy, siyosiy jarayonlardagi an’ana va udumlarni to‘g‘ri yo‘lga qo‘yish mexanizmlarini o‘rgatishimiz lozim. Shundagina yoshlar ma’naviyatini kamol toptirish va rivojlantirishda o‘ziga xos ijodiy tafakkur shakllanishiga keng yo‘l ochgan bo‘lamiz. Mamlakatimizda yoshlarning korrupsiyaga qarshi kurashishga doir faoliyatlarini doimiy ravishda kuchaytirib borish, milliy va madaniy merosimiz asosida farzandlarimizning huquqiy tarbiyasini oshirish bizning bosh maqsadimiz sanaladi. Yoshlarning mafkuraviy va huquqiy immuniteti qanchalik rivojlanib borsa, beg‘araz raqobat muhiti va sog‘lom avlod shakllanadi. Biz bugun mana shunday yosh avlodni tarbiyalash uchun bor kuch-g‘ayratimizni sarflamoqdamiz. Bu yo‘lda barchamiz inson ongini zaharlovchi korrupsiya illatlaridan ogoh bo‘lishimiz, har qanday salbiy holatlarning oldini olishda yoshlarimizni to‘g‘ri yo‘lga boshlashimiz kerak. Korrupsiyaga qarshi kurashishda aholining barcha qatlamlarida huquqiy ong va milliy tarbiyani yuksaltirish, bunga nisbatan barcha 175 zarur chora-tadbirlarni ko‘rish, qolaversa, yoshlarimiz uchun doimiy ravishda huquqiy savodxonlik va estetik tarbiyani, targ‘ibot va tashviqot ishlarini tashkil etib borishimiz kerak. Yüklə 3,39 Mb. Dostları ilə paylaş:
|