Toshkent farmatsevtika instituti ijtimoiy fanlar kafedrasi dinshunoslik fanidan
Yüklə 1,95 Mb.
|
|
Hadisi Sharif
Muhammad alayhis salomning aytgan so‘zlari, qilgan ishlari yoki u kishiga berilgan sifatlarni o‘zida mujassam qilgan rivoyatlar – hadislar deb ataladi. “Hadis” so‘zining lug‘aviy ma’nosi – yangi, xabar, hikoya, so‘z bo‘lib, to‘liq ko‘rinishi – al-hadis an-Nabaviy Payg‘ambar so‘zlari)dir. Hadislar ikki qismdan: aynan xabar beruvchi matn va uni rivoyat qilgan roviylar zanjiri isnoddan iborat. Hadislar Islom dinining Qur’ondan keyingi ikkinchi manbasi hisoblanib, sunna unga asoslanadi. ko‘pgina fiqhiy masalalarni hal etishda ularga asoslaniladi. Hadis ikki xildir: al-hadis al-qudsiy bu kabi hadisda, ma’no Allohdan, lafz esa PayG‘ambarniki bo‘ladi); al-hadis an-nabaviy bunisida esa, ma’no ham lafz ham PayG‘ambarnikidir). Tafsir ilmi bilan bir qatorda hadis ilmida musnadlar yozila boshladi. Islomning avvalgi vaqtida faqatgina oyatlarni yozma holida saqlab kelingan bo‘lsa, keyinchalik turli darajadagi soxta hadislar ham musulmonlar orasiga singib ketdi. Bu esa olimlar oldiga katta mas’uliyatli vazifani, ya’ni mana shu “mavzu” to‘qima hadislarni va “sahih” ishonchlilarini ajratib berish vazifasini qo‘ydi. “Sahih”, “Hasan”, “Zaif” kabi uch qismga bo‘lib o‘rganila boshlandi. “Sihoh as-sitta” olti ishonchli to‘plam) nomli hadislar majmuasi paydo bo‘ldi. Ularning asoschilari: Imom Abu Abdulloh Muhammad ibn Ismoil ibn Ibrohim ibn Mug‘ira ibn Bardazbeh al-Buxoriy 194/810 yilda Buxoroda tug‘ilgan, 256/870 yili Samarqandning Xartang qishlog‘ida vafot etgan.), u “Sahih al-Buxoriy” nomli asar muallifidir. Imom Abu-l-Husayn Muslim ibn Hajjoj Qushayriy Nishopuriy 202-261/817-875), u “sahih Muslim” asari muallifidir. Imom Abu Dovud Sulaymon ibn Jorud ibn Ashas Sijistoniy Siystoniy) 202-275/817-889), u “sunani Abi Dovud” asari muallidir. Imom Abu Abdurrahmon ibn Ali ibn Shabiy Nasoiy 215-303/830-915), u “sunani Nasoiy” asari muallifidir. Imom Abu Abd Alloh Muhammad ibn Yusuf ibn Mojja 209-273/825-887), u “sunan Ibn Mojja” asari muallifidir. Imom Abu Iso at-Tirmiziy vaf. 279/893 y.), u “Sunan at-Tirmiziy” asarining muallifidir. Yana bu muhaddislar qatorida Abdulloh ibn Abd ar-Rahmon ad-Dorimiy Samarqandiyni 181/798-255/869) ham aytib o‘tish lozim. U “Sunan ad-Dorimiy” asari muallifidir. Imom Dorimiy hadis ilmini Samarqandda rivojlantirishga o‘zining katta hissasini qo‘shgan. XI-XII asrlarga kelib Movarounnahrda hadis sohasida ancha olg‘a siljishlar bo‘ldi. Bu davrda yashagan olimlar faqatgina ma’lum bir chegaralangan doira ijod qilish bilan kifoyalanmay, balki imkon qadar ilmning ko‘proq qirralariga ega bo‘lishga intilganlar. Shunga ko‘ra biror-bir olim masalan, faqatgina mufassir yoki faqihning o‘zi emas, balki bir vaqtning o‘zida muhaddis ham bo‘lganlar. Chunki bu davrda, yuqorida aytib o‘tilgandek, diniy ixtiloflar kuchaygan edi. Shunga ko‘ra ulamolar bu ixtiloflarni oldini olish, bartaraf etish uchun har taraflama kuchli bilimga ega bo‘lishlari lozim edi. O‘tilgan mavzu bo‘yicha savollar Qur’oni Karim qachon nozil bo‘la boshladi? Qur’on nozil bo‘lish davriga ko‘ra qanday qismlarga bo‘linadi? Qur’on qachon yaxlit kitob shakliga keltirildi? Qur’on qanday qism va bo‘limlardan iborat? Qur’onning jamlanishi kimlar tomonidan amalga oshirildi? Toshkentdagi “Mushafi Usmoniy” haqida nima bilasiz? Mashhur mufassirlardan kimlarni bilasiz? Qanday tafsirlarni bilasiz? Qur’onning o‘zbek tiliga tarjimasi kim tomonidan amalga oshirildi? Hadis deganda nimani tushunasiz? Hadislar qachondan boshlab yozila boshlandi? Eng mashhur muhaddislar kimlar? Qanday hadis to‘plamlarini bilasiz? Qanday hadis turlarini bilasiz? Imom al-Buxoriy kim bo‘lgan? Adabiyotlar Islam. Ensiklopedicheskiy slovar. M., 1991, ss. 141-144, 262-263. Islam na territorii bivshey Rossiyskoy imperii. Ensiklopedicheskiy slovar. Vipusk 1.-M., 1998, ss. 47-58. Xrestomatiya po islamu. Per. s arabskogo. vved. i primech. -M., 1994. Ismoil Maxdum. Toshkentdagi “Mushafi Usmoniy” tarixi. Imom al-Buxoriy. al-Jomi as-sahih: IV jild. T.: Qomuslar bosh tahr., 1991-1993. Imom al-Buxoriy. al-Adab al-Mufrad. T.: O‘zbekiston, 1990. At-Termiziy. Shamoili Muhammadiya/Sayid Mahmud Taroziy-Alixon to‘ra tarjimasi. T.: Mehnat nashr., 1991. At-Termiziy. Sahih at-Termiziy/A.Abdullo tarjimasi. T.: G‘. G‘ulom n. Adab. va san’at nashr., 1993. Uvatov U. Muslim ibn al-Hajjoj. T.: A. Qodiriy n. xalq merosi nashr., 1995. Uvatov U. Muhaddislar Imomi. T.: Ma’naviyat, 1998. inson xohlagan dinga e’tiqod qilish yoki hech qaysi dinga e’tiqod qilmaslik huquqiga ega. Diniy qarashlarni majburan singdirishga yo‘l qo‘yilmaydi”. Yüklə 1,95 Mb. Dostları ilə paylaş:
|