Toshkent farmatsevtika instituti

IV.Mustaqil tayyorgarlik uchun savollar

1. Nazorat-ruxsatnoma tizimining asosiy vazifasi va uning shakllanish bosqichlari.

2. O‘zbekiston Respublikasi Sog‘liqni saqlash vazirligi Farmatsevtika tarmog‘ini rivojlantirish agentligi «Dori vositalari, tibbiy buyumlar va tibbiy texnika ekspertizasi va standartizatsiyasi Davlat markazi» DUK haqidagi me’yoriy hujjatlar.
3. Farmakologiya, farmakopeya, narkotiklar nazorati, yangi tibbiy texnika qo‘mitalari va ularning vazifalari.
4. Metrologiya bo‘limi, ro‘yxatdan o‘tkazish bo‘limi, matbaa bo‘limi, zarur amaliyotlar GxP milliy inspektoriati bo‘limi vazifalari.

V.Axborot qismi

Nazorat-ruxsatnoma tizimining asosiy vazifasi va uning shakllanish bosqichlari

• 
  dori vositalarini tibbiyot amaliyotida ishlatish uchun ruxsat berish va tatbiq etish bosqichida to‘laqonli o‘rganilishini ta’minlash;
  
• 
  korxonalar tomonidan sifatsiz mahsulotning ishlab chiqarilishi yoki mamlakatga horijdan olib kelinishi;
  
• 
  saqlanish va sotish (tarqatish) sharoitlarining buzilishi bilan bog‘liq noxush oqibatlardan iste’molchilarni himoya qilishdir.
  

O‘zbekiston Respublikasi Farmatsevtika xizmatining nazorat- ruxsatnoma tizimining shakllanish bosqichlari:

• 
  dori vositalarini tibbiyot amaliyotida ishlatish uchun ruxsat berish va tatbiq etish bosqichida to‘laqonli o‘rganilishini ta’minlash;
  
• 
  korxonalar tomonidan sifatsiz mahsulotning ishlab chiqarilishi yoki mamlakatga horijdan olib kelinishi;
  
• 
  saqlanish va sotish (tarqatish) sharoitlarining buzilishi bilan bog‘liq nohush oqibatlardan iste’molchilarni himoya qilishdir.
  

O‘zbekiston Respublikasida dori vositalari, tibbiy buyumlar va tibbiy texnika sifatini nazorat qilish haqidagi me’yoriy hujjatlar

Yangi dori vositalarni ishlab chiqarishga tibbiy amaliyotda qo‘llashga Sog‘liqni saqlash vazirligi ruxsat beradi. Yangi dori vositalarini amaliyotda qo‘llashdan oldin tegishli tartibda nazoratdan o‘tadi. Ushbu ishlar asosan dori vositalari va tibbiy texnika sifatini nazorat qilish bosh boshqarmasi tomonidan amalga oshiriladi.

O‘zbekiston Respublikasi Vazirlar Mahkamasining 1995 yil 25 maydagi 181-sonli qaroriga asosan dori vositalari, tibbiy buyumlar va davolash profilaktika oziq-ovqatlari sifatini nazorat qilish, standartlash va sertifikatlash sohasida yagona davlat siyosatini ta’minlashni muhim vazifa qilib qo‘ydi. O‘zbekiston Respublikasi Sog‘liqni saqlash vazirligi 1995 yil 2 iyundagi 250-buyrug‘iga asosan, O‘zbekiston Respublikasi Sog‘liqni saqlash vazirligi tarkibida «Dori vositalari va tibbiy texnika sifatini nazorat qilish bosh boshqarmasi» tashkil etildi.
Hozirgi kunda «Dori vositalari va tibbiy texnika sifatini nazorat qilish bosh boshqarmasi»ning vakolatlarini O‘zbekiston Respublikasi Sog‘liqni saqlash vazirligi huzuridagi Farmatsevtika tarmog‘ini rivojlantirish agentligining ‘‘Dori vositalari, tibbiy buyumlar va tibbiy texnika ekspertizasi va standartlashtirish davlat markazi’’ DUK olib bormoqda.

• 
  O‘zbekiston Respublikasi Prezidentining 2017 yil 12 iyundagi
  PQ-3052-son “Sog‘liqni saqlash organlari faoliyatini yanada takomillashtirish chora-tadbirlari to‘g‘risida”gi qarori va Sog‘liqni saqlash vazirining 2017 yil 13 iyundagi 310-son buyrug‘i tasdiqlandi.
  
• 
  Dori vositalari va tibbiy texnika sifatini nazorat qilish bosh boshqarmasi (keyingi o‘rinlarda Bosh boshqarma deb yuritiladi)ning huquq va burchlarini huquqiy vorislik tartibida boshqa shaxsga o‘tkazmagan holda bekor qilish orqali tugatildi.
  
• 
  Dori vositalari, tibbiy buyumlar va tibbiy texnika ekspertizasi va standartizatsiyasi davlat markazi davlat unitar korxonasining (keyingi o‘rinlarda Davlat markazi deb yuritiladi) yangi tahrirdagi Ustavi tasdiqlandi.