Toshkent moliya instituti b. I. Nurmuxamedova, sh. K. Xamdamov davlat moliyasi
Yüklə 3,44 Mb. Pdf görüntüsü
|
|
184 O‘zbekiston Respublikasi Prezidentining 2017-yil 7-fevraldagi “O‘zbekiston Respublikasini yanada rivojlantirish bo‘yicha Harakatlar strategiyasi to‘g‘risida”gi PF-4947-son Farmoni, O‘zbekiston Respublikasi qonun hujjatlari to‘plami, 2017-y., 6-son, 70-modda. 405 O‘zbekiston Prezidentining 2017-yil 13-martdagi “Pensiya va nafaqalarni to‘lash mexanizmini yanada takomillashtirish chora-tadbirlari to‘g‘risida”gi PQ- 2826-son qaroriga muvofiq, endilikda Xalq banki butun respublika bo‘yicha pensiya va nafaqalarni to‘lash bo‘yicha yagona vakolatli bankka aylandi. 2017-yil iyulgacha pensiya, ijtimoiy nafaqalar, kompensatsiya va boshqa to‘lovlarni naqd pulda to‘lash ‘O‘zbekiston pochtasi’ Aksiyadorlik jamiyatidan Xalq banki bo‘limlariga o‘tkazildi. Hududiy ijroiya organlari bankni pensiya va nafaqalarni naqd pullarda beruvchi maxsus kassalarning ishini tashkillashtirish uchun fuqarolar yig‘ini binolarida va pensionerlar tomonidan pensiyalarni olish uchun qulay bo‘lgan boshqa ma’muriy binolarda alohida xonalar bilan bepul asosda ta’minlashlari belgilab qo‘yildi. Pensiya yoki nafaqani olish uchun maxsus kassalarga mustaqil bora olmaydiganlarga pensiyalar ularning yashash joylari bo‘yicha Xalq banki tomondan etkazila boshladi. Markaziy bank esa pensiya va nafaqalar har oyning 27-sanasigacha to‘lab bo‘linishini hisobga olgan holda Xalq banki arizalariga muvofiq, pensiya va nafaqalarni uzluksiz berishi uchun uni zarur bo‘lgan naqd pul bilan ta’minlaydi. Xalq banki buni amalga oshirish uchun kassirlar va nazoratchilar sonini oshiradi, markaziy apparat va filiallarni zaruriy sondagi mutaxassislar bilan butlaydi hamda kerakli jihozlar va kompyuter texnikasini xarid qiladi. Naqd pullarni maxsus kassalargacha yetkazish uchun 590 ta inkassatorlik “Damas” avtomobillari xarid qilinadi. Markaziy bank ko‘magida Xalq bankida o‘z inkassatsiya xizmati tashkil etiladi. Moliya vazirligi huzuridagi Pensiya jamg‘armasi va Xalq banki mablag‘ oluvchilarni SMS-xabardor qilish texnologiyasini joriy qilish bilan onlayn rejimda aholiga pensiya va nafaqalarni berish va uni nazorat qilishni avtomatlashtirish maqsadida tegishli ma’lumotlar bazalarining integratsiyasini ta’minlaydi. |