189
Yangiliklar va innovatsiyalar portfellarini shakllantirish - bu hamma vaqt
korxonaning
strategik vazifalari, ushbu vazifalarni hal etish korxona faoliyati
muvaffaqiyatini, uzoq muddatli istiqbolda uning raqobat
kurashi natijadorligini
belgilaydi.
7.4.Sarmoyalarning bahosi va o‟rtacha o‟lchangan
qiymatini belgilash
Baho - tovarni tavsiflovchi pirovard ko‘rsatgich bo‘lib, u tovar almashinuvi
jarayonidagi
barcha ishtirokchilar, ishlab chiqaruvchilar va iste‘molchilarning
manfaatlarini teng holda inobatga oladi. Tovarning bahosi - bu muayyan valyuta
tizimining xaridor butun tovar yoki uning birligi uchun
sotuvchiga kelishilgan
shartlarda to‘lashi kerak bo‘lgan pul birliklari miqdoridir. Xilma-xil ne‘matlarning
miqdori cheklanganligi va hammaga yetmay qolishi mumkinligi tufayli tovar va
xizmatlar baholar asosida taqsimlanadi. Baholarning ko‘tarilishi
va pasayishi
amaldagi yoki bo‘lg‘usi ishlab chiqaruvchilarning xatti-harakatlariga ta‘sir
ko‘rsatadi. Baholarning oshishi yangi ishlab chiqaruvchilarni jalb qiladi, pasayishi
esa ularning ba‘zilarini bozordan chiqarib yuboradi. Shunday qilib baho tovar va
xizmatlarni ishlab chiqaruvchilarni ishlab chiqarish hajmini ko‘paytirish yoki
kamaytirishga rag‘batlantiradi. Baho funksiyasi uning umuman xalq xo‘jaligini va
har bir korxonani alohida boshqarishdagi vazifalaridan iborat.
Bozor sharoitida
baholar ikki asosiy vazifani bajaradi:
-resurslar iste‘molini cheklaydi;
-ishlab chiqarishni motivatsiyalaydi.
Undan tashqari bozor iqtisodiyotida baholar bajaradigan beshta muhim
vazifani ajratib ko‘rsatishi mumkin:
-hisob;
-rag‘batlantirish;
-taqsimlash;
-talab va taklifni muvozanatga keltirish;
-ishlab chiqarishni oqilona joylashtirish vositasi.
