O‘qituvchining o‘quvchilar bilan ishlash kompetentligini oshirish. Ko‘pgina dars jarayonlarida o‘qituvchi
o‘zining fikriga urg‘u berib, o‘quvchilarning fikriga ko‘proq e’tibor qaratmaydi. Bu esa o‘qituvchi va o‘quvchi o‘rtasida
to‘siqni yuzaga keltirishi mumkin va dars jarayonining borishida o‘quvchilar faol harakatlari susayishi holatiga
olib keladi. Bunday holatlarda o‘qituvchining pedagogik texnologiyaga doir, bola shaxsiga yo‘naltirilgan psixologik
bilimlarini boyitishi qaratilgan kontentlar yaratish.
O‘qituvchining tarbiya berish kompetentligini oshirish. Har bir zamonda ta’lim va tarbiyaning o‘zaro
uyg‘unligiga e’tibor bilan qaralgan. Hech kimga sir emaski, sinfdagi o‘quvchilarning dunyoqarashi va tarbiyasi
turlicha bo‘lganligi sababli, har bir o‘quvchiga alohida yondashish talab etiladi. Ba’zi hollarda o‘quvchining dars
jarayonidagi o‘zini noto‘g‘ri tutishidan o‘qituvchi qattiq ranjiydi. Lekin bir narsani yoddan chiqarmasligimiz kerakki,
o‘qituvchi sinfdagi har bir o‘quvchining kelajagi uchun mas’ul ekanligini his etgan holda tarbiyani to‘g‘ri bera olish
kerak. Buning uchun o‘qituvchida o‘quvchi tarbiya nazariyasiga oid bilimlarini yanada boyitishi, zamonaviy ta’limga
yo‘naltirilgan adabiyotlarni ko‘proq o‘rganishga mo‘ljallangan kontentlar yaratish.
O‘qituvchining ta’lim berish kompetentligini rivojlantirish. Ko‘proq o‘qituvchi ta’limni barcha sinf uchun bir
xil yo‘nalish asosida olib borishga harakat qiladi. Chunki, har bir sinf uchun turli yo‘nalishda dars ishlanmalarni
tayyorlash qo‘shimcha mehnat talab etadi. Bir uslubda tayyorlangan ishlanma yoki dars o‘tish metodlari boshqa
sinfda samara bermay qolish mumkin. O‘qituvchining ta’lim berish uslubi, sinfdagi o‘quvchilarning o‘zlashtirish
ko‘rsatkichini hisobga olgan holda tashkil etilsa, o‘quvchilarning dars jarayonidagi bilimlarni o‘zlashtirish imkoniyatini
yanada oshadi. Bunday vaziyatlarda o‘qituvchi innovatsion usullar, ilg‘or tajribalarni chuqurroq o‘rganishi va amalda
qo‘llashga mo‘ljallangan kontentlar yaratish maqsadga muvofiq bo‘ladi.
Xulosa o‘rnida shuni aytish mumkinki, maktab ta’limi tizimi xodimlarining boshqaruv hamda kasbiy kompetentligi
bo‘yicha ehtiyojlarini aniqlash, uzluksiz kasbiy malaka oshirish bo‘yicha muammolarni o‘rganish va ularni tahlil qilish
asosida tinglovchilarning ehtiyojlariga asosan o‘z kasbiy kompetentligini rivojlantirib borishi, o‘z mutaxassisligi
bo‘yicha malakasini doimiy oshirish, jahon tajribasi va ilm-fan yangiliklaridan muntazam ravishda xabardor bo‘lib
borishga xizmat qiluvchi malaka oshirish tizimini tashkil etish maqsadga muvofiqdir.
