Birinchi qadam. Laboratoriya a’zolariga aniq ko‘rsatmalar berish. O‘quvchiga quyidagicha ko‘rsatmalar berib
o‘tilsa maqsadga muvofiq:
Agar siz hali mashg‘ulot uchun belgilangan badiiy asarni o‘qimagan bo‘lsangiz, o‘qiyotganingizda muhim
joylarni eslatma shaklida yozib oling.
Agar siz kitobni allaqachon o‘qigan bo‘lsangiz ham, diqqatga sazovor joylarni yozib olishga tezda kirishing. Bu
kitob hisobotini yozishni boshlaganingizda katta yordam bo‘ladi, chunki biror narsa topish uchun har safar kitobni
varaqlash o‘rniga sizning oldingizda muayyan shakllantirilgan ma’lumot bo‘ladi.
3. O‘qiyotganingizda lug‘atlar, metafora va adabiy elementlar, masalan, tasvir va simvolizmlarga e’tibor bering.
Muallifning yozish uslubiga diqqat qiling. O‘zingiz tushunmaydigan narsalarni yoki keyinroq qidirmoqchi bo‘lgan
muhim deb hisoblagan har qanday atamalarni tagiga chizing yoki qayd daftaringizga yozib qo‘ying. Agar bu bilan
muammoga duch kelsangiz, Feynman usuli
3
dan foydalaning.
Ikkinchi qadam. Kitob haqida hisobot yoki sharh tayyorlayotganda, avvalo, asar tahlil qilish yo‘nalishini
aniqlashtirib olish. Masalan, asarning kompozitsion qurilishi, syujet elementlari, sarlavha poetikasi, ilk jumlaning
asar voqealariga ta’siri, so‘nggi gapning amaliy ahamiyati kabi qiziqarli rubrikalar bilan hisobot tayyorlashingiz
mumkin.
Uchinchi qadam. Tanlab olgan yo‘nalishingiz bo‘yicha asarni tahlil qilish yoki unga sharh yozishni boshlash.
Namuna:
Nomi: “Nyurnbеrgga sayohat”
Manba: timur_books
Nomi: “Amerika fojiasi” bo‘yicha book_revyu
Manba: mahinsworld
To‘rtinchi qadam. Tayyor bo‘lgan materialni laboratoriyada taqdimotini o‘tkazish. Taqdimot qisqa, aniq va
tushunarli bo‘lishi kerak. Bunda quyidagicha jadvaldan ham foydalanish mumkin:
68
e-mail: til_adabiyot@umail.uz
2023-yil 7-son Tadqiqot
