Ballistik ekspertiza. Xasanov Sh.X., Turabbayev X.A., Xusanov A.D. ... (1)
275
Savol va topshiriqlar 1. O‘qotar qurollarning otilgan o‘qlardagi izlarga ko‘ra identifikatsiya qilishning ilmiy asosi nimalarda ifodalanadi? 2. O‘qotar qurol stvolini tayyorlash texnologiyasining o‘ziga xos xususiyatlari nimalardan iborat? 3. Aynanlikni aniqlash (identifikatsiyalash) deganda nimani tushunasiz? 4. Aynanligi aniqlanayotgan (identifikatsiyalanyotgan) obyekt hamda aynanlikni aniqlovchi (identifikatsiyalovchi, qabul qiluvchi, aks etuvchi, qayd etuvchi) obyektlar haqida so‘zlab bering. 5. Iz hosil bo‘lishining barqarorligiga ta’sir ko‘rsatuvchi asosiy omillar haqida tushuntiring. 6. O‘qlarda iz hosil bo‘lish mexanizmi haqida tushuntiring. 7. Qurol stvol kanali belgilarining o‘qlardagi izlarda aks etishiga ta’sir qiluvchi omillar nimalardan iborat? 8. Qurol stvoli kanalida o‘qning kontaktli harakati natijasida, uning sirti (yetakchi qismi)da hosil bo‘ladigan izlar haqida tushuntiring. 9. Narezlar maydonlarining birlamchi va ikkilamchi izlari nimalardan iborat? 10. Qurol stvoli kanalining yeyilishiga ta’sir ko‘rsatadigan omillar deganda nimalarni tushunasiz? 11. Bir narez va uning maydonidan qolgan birlamchi va ikkilamchi izlarda o‘zaro farq qilishi mumkin bo‘lgan belgilarni tushuntiring. 12. Narezli o‘qotar qurollarni otilgan o‘qlardagi izlarga ko‘ra identifikatsiya qilish bo‘yicha dastlabki tadqiqotlar haqida so‘zlab bering. 13. Narezli o‘qotar qurollarni otilgan o‘qlardagi izlarga ko‘ra identifikatsiya qilish bo‘yicha alohida tadqiqotlar bosqichi haqida so‘zlab bering. 14. Narezli o‘qotar qurollarni otilgan o‘qlardagi izlarga ko‘ra identifikatsiya qilish bo‘yicha taqqoslash tadqiqotlari qanday amalga oshiriladi? 15. Narezli o‘qotar qurollarni otilgan o‘qlardagi izlarga ko‘ra identifikatsiya qilish bo‘yicha tadqiqotlar natijalarini baholash va yakuniy xulosalarni shakllantirish haqida tushuntirib bering.
