Turabbayev X. A., Xusanov A. D. Ballistik ekspertiza: Darslik
Yüklə 39,61 Mb. Pdf görüntüsü
|
|
mm
«Star» Mod. E to‘pponcha); pastda (9 mm Radom (VIS–35) to‘pponchasi); quyidan chap va o‘ng tomonlarda o‘zaro simmetrik joylashgan (9 mm «Praga» vz. 20 to‘pponchasi). Qaytargich turtib chiqqan qirrasining ishchi sirti shaklining izlari to‘g‘ri burchakli (ko‘plab to‘pponchalarda), uchburchak (6,35 mm Warnant to‘pponchasi), aylana (6,35 mm Owa to‘pponchasi) bo‘lishi mumkin. Qaytargich turtib chiqqan qirrasining ishchi sirtining gilzalardagi izining shakli bu qismning shakliga va uning patrondon orqa kesimining markaziga nisbatan joylashishiga bog‘liq bo‘ladi. Qaytargich turtib chiqqan qirrasining ishchi sirti izlarining shakli quyidagicha bo‘lishi mumkin: birinchi — iz ishchi sirtining shakli to‘g‘ri burchakli to‘rtburchak yoki uchburchak bo‘lgan qaytargich turtib chiqqan qirrasining pastki chap yoki o‘ng tomonda joylashishida vujudga keladi. Qaytargichning turtib chiqqan qirrasi izi bu holda gilza qalpoqchasining chetida, uchburchak yoki to‘g‘ri burchakli to‘rtburchak ko‘rinishidagi ezilish, to‘g‘ri burchakli to‘rt burchak ko‘rinishidagi qavs, burchaksimon yoki tik shilinishlar shaklida aks etadi (7,62 mm 1930/33-yil namunali TT to‘pponchasi, 6,35 mm Walther «Selbstlade pistol» Mod.7 to‘pponcha); ikkinchi — iz ishchi sirtining shakli to‘g‘ri burchakli to‘rtburchak bo‘lgan qaytargich turtib chiqqan qirrasining, zatvor chuqurchasining tik yoki yotiq o‘qining cheti bilan pastda, chapda yoki o‘ng tomonda kesishishida joylashganda vujudga keladi. Bu holda ishchi sirtning izi 316 to‘g‘ri burchakli to‘rtburchak yoki chiziqli shilinish shaklida, gilza aylanasiga o‘tkazilgan urinmaga parallel holatda aks etadi (6,35 mm , 7,65 mm Bayard 1908-yil namunali to‘pponchalari, 6,35 mm Ceska zbrojovka vz. 1936-yil namunali to‘pponchasi). uchinchi — iz ishchi sirtining shakli cho‘zilgan to‘g‘ri burchakli to‘rtburchak bo‘lgan qaytargich turtib chiqqan qirrasining zatvor chuqurchasi aylanasiga o‘tkazilgan urinmaga burchak ostida joylashishida vujudga keladi. Ishchi sirtining izi gilza qalpoqchasi chetida, bu qalpoqcha aylanasiga o‘tkazilgan urinmaga o‘tkir burchak ostida joylashgan bo‘ylama ezilish (shilinish) shaklida aks etadi (9 mm Borchardt–luger Mod. 1908 (P 08) to‘pponchasi); to‘rtinchi — iz ishchi sirtining shakli cho‘zilgan to‘g‘ri burchakli to‘rtburchak bo‘lgan qaytargich turtib chiqqan qirrasining zatvor chuqurchasi aylanasiga perpendikular joylashishida vujudga keladi. Ishchi sirtning izi gilza qalpoqchasi chetida, bu qalpoqcha aylanasiga o‘tkazilgan urinmaga perpendikular joylashgan ezilish yoki shilinish shaklida aks etadi (6,35 mm Frommer «Baby» to‘pponchasi, 7,65 mm va 9 mm Frommer «Stop» to‘pponchalari); beshinchi — iz ishchi sirtining shakli to‘g‘ri burchakli to‘rtburchak bo‘lgan ikkita simmetrik qaytargich turtib chiqqan qirrasining pastki chap yoki o‘ng tomonda joylashishida vujudga keladi. Qirralar izi ikkita simmetrik joylashgan birinchi iz shakliga o‘xshash akslarga egadir (6,35 mm Delu to‘pponchasi, 7,65 mm «Praga» vz. 20 to‘pponchasi); oltinchi — iz ishchi sirtining shakli uchburchak bo‘lgan qaytargich turtib chiqqan qirrasining pastki chap yoki o‘ng tomonda joylashishida vujudga keladi (qirraning o‘tkir burchagi — zatvor chuqurchasining ichiga yo‘nalgan). Qaytargichning turtib chiqqan qirrasi izi — gilza qalpoqchasidan ichkariga yo‘nalgan o‘tkir burchakli uchburchak shaklidagi ezilish, burchaksimon yoki bo‘ylama shilinish shaklida aks etadi (7,65 mm Izarra to‘pponchasi); yettinchi — iz ishchi sirtining shakli to‘g‘ri burchakli to‘rtburchak yoki uchburchak bo‘lgan qaytargich turtib chiqqan qirrasini, pastki chap yoki o‘ng tomonda joylashishida vujudga keladi. Qaytargichning turtib chiqqan qirrasi izi uchburchaksimon, burchaksimon yoki bo‘ylama shilinish shaklida gilza qalpoqchasi chetida bo‘ladi (6,35 mm Mann WTM to‘pponchasi). sakkizinchi — iz qaytargich turtib chiqqan qirrasi ishchi sirti doira yoki yarim doira shaklga ega bo‘lganda vujudga keladi. Hosil bo‘lgan iz 317 gilza qalpoqchasining chetida, yarim doira ko‘rinishidagi ezilish shaklida bo‘ladi (6,35 mm Owa to‘pponcha); to‘qqizinchi — iz ishchi sirtining shakli doira yoki yarim doira bo‘lgan ikkita simmetrik qaytargich turtib chiqqan qirrasining pastki chap yoki o‘ng tomonda joylashishida vujudga keladi. Turtib chiqqan qirralar izi sakkizinchi iz shakliga o‘xshash ikkita simmetrik akslardan iborat bo‘ladi (6,35 mm Harrington and Richardson to‘pponchasi). Chiqarib tashlagich ilmog‘i va qaytargich turtib chiqqan qirrasi izlarining o‘zaro joylashishining 17 turi mavjud: 1) qaytargichning turtib chiqqan qirrasi pastki chap tomonda, chiqarib tashlagichning ilmog‘i yuqori o‘ng tomonda joylashgan; 2) qaytargichning turtib chiqqan qirrasi pastki chap tomonda, chiqarib tashlagichning ilmog‘i o‘ng tomonda joylashgan; 3) qaytargichning turtib chiqqan qirrasi pastki chap tomonda, chiqarib tashlagichning ilmog‘i yuqorida joylashgan; 4) qaytargichning turtib chiqqan qirrasi pastki o‘ng tomonda, chiqarib tashlagichning ilmog‘i yuqori chap tomonda joylashgan; 5) qaytargichning turtib chiqqan qirrasi pastki o‘ng tomonda, chiqarib tashlagichning ilmog‘i chap tomonda joylashgan; 6) qaytargichning turtib chiqqan qirrasi pastki o‘ng tomonda, chiqarib tashlagichning ilmog‘i yuqorida joylashgan; 7) qaytargichning turtib chiqqan qirrasi chap tomonda, chiqarib tashlagichning ilmog‘i yuqori o‘ng tomonda joylashgan; 8) qaytargichning turtib chiqqan qirrasi chap tomonda, chiqarib tashlagichning ilmog‘i o‘ng tomonda joylashgan; 9) qaytargichning turtib chiqqan qirrasi chap tomonda, chiqarib tashlagichning ilmog‘i yuqorida joylashgan; 10) qaytargichning turtib chiqqan qirrasi o‘ng tomonda, chiqarib tashlagichning ilmog‘i yuqori chap tomonda joylashgan; 11) qaytargichning turtib chiqqan qirrasi o‘ngda, chiqarib tashlagichning ilmog‘i chap tomonda joylashgan; 12) qaytargichning turtib chiqqan qirrasi o‘ngda, chiqarib tashlagichning ilmog‘i yuqorida joylashgan; 13) qaytargichning turtib chiqqan qirrasi pastda, chiqarib tashlagichning ilmog‘i yuqorida joylashgan; 14) qaytargichning turtib chiqqan qirrasi pastda, chiqarib tashlagichning ilmog‘i chapda yoki yuqori chap tomonda joylashgan; 15) qaytargichning turtib chiqqan qirrasi pastda, chiqarib tashlagichning ilmog‘i o‘ngda yoki yuqori o‘ngda joylashgan; 318 16) qaytargichning, ishchi sirti to‘g‘ri burchakli to‘rtburchak shakldagi, ikkita simmetrik turtib chiqqan qirrasi pastki chap va o‘ng tomonlarda joylashgan, chiqarib tashlagichning ilmog‘i yuqorida joylashgan; 17) qaytargichning, ishchi sirti doira shakldagi, ikkita simmetrik turtib chiqqan qirrasi pastki chap va o‘ng tomonlarda joylashgan, chiqarib tashlagichning ilmog‘i yuqorida joylashgan. Yüklə 39,61 Mb. Dostları ilə paylaş:
|