|
В2 vitamin - riboflavin inson organizmining barcha to`qima va a'zolarida uchrovchi, to`q sariq rangli kristall moddadir. Bu vitamin erkin va oqsil bilan birikkan holda bo`lib, degidrogenaza fermentlarining kofermentidir. Mazkur vitamin ishtirokida qahrabo va yog` kislotalarining oksidlanishini tezlashtiradi, nafas olish zanjirida elektron va protonlarni tashiydi. U kimyoviy tabiatiga ko`ra izoalloksazin va ribitolning hosilasidir:
V itamin B2 yetishmasa, organizmda koferment kamayishi, jumladan, flavinmononukleotid miqdorining ozayishi kuzatiladi. Organizmda bu vitamin yetishmasa, shilliq qavatlar, birinchi navbatda og`iz bo`shlig`i yallig`lanadi, lab bichiladi. Ko`z tez charchaydigan bo`lib qoladi. Keyinchalik ko`zning muguz pardasi yallig`lanib, katarakta rivojlanadi. B2 vitamin o`simliklar va hayvonlar organizmida keng tarqalgan. U ayniqsa, achitqi zamburug`lar, sut va go`sht mahsulotlari tarkibida ko`p bo`ladi.
Dostları ilə paylaş: |
