Şer
Qılınc da yağsa, baş verərik biz,
Sənin yolunda hökmüylə Rəbbin.
292
292
Beytin farscası:
Gər tiğ barəd dər kuye-an mah,
363
Bu əsnada [İsmayıl Mirzə] bir dəstə adamı ustacluların
çadırlarını onların öz başlarına uçurmaq və yoxsullar tərəfindən
onların var-dövlətlərini taraca etmək üçün yolladı. Əhali hücum edib
qarətə başladı. Ustaclular, Allah göstərməsin, bu rüsvayçılıqdan
qaçıb özlərini yaşadıqları yerlərə atdılar.
Pirə Məhəmməd xan bir neçə gün qəzəbli gəzdi. Bir nəçə
vaxtdan sonra [İsmayıl Mirzə] onu yanına çağırıb belə izhar etdi:
"Sultan Mustafanın Sultan Heydərlə dostluğunu, Sultan Süleymanın
isə öz bacısı Pərixan xanımın zahiri etibarını qazanmalarına
baxmayaraq, istəkləri yerinə yetmədi. Onların mənimlə ədavətləri
olduğu üçün mən onlardan arxayın deyiləm".
Pirə Məhəmməd xan ona cavab verdi: "Əgər padşahın
mübarək xatiri onlardan şübhəlidirsə, qoy onları qalalardan birinə
göndərsin ki, ömürləri orada keçsin".
İsmayıl Mirzə iztehza ilə dedi: "Sultan Mistafa ustaclı
tayfasının tərbiyəsi ilə böyümüşdür ki, onu sənə, Süleymanı isə
dayısı Şamxal Çərkəsə tarşırıram. Onları qalada tərbiyələndirib,
sonra əgər istəsəniz padşah edin".
Ertəsi gün hökm verildi ki, Sultan Mustafa Mirzəni qoy
Hacı Veys Sultan Pirə Məhəmməd xanın evinə aparıb ona tapşırsın
və bu barədə qəbz alsın. Həmçinin Sultan Süleyman Mirzənin də
dayısı evinə göndərdi.
Bu barədəki söhbətlər bir neçə gün ustaclılar arasında
davam etdi, onlar hərçənd ki, cənnətməkan şahın övladının qanına
bulaşmaq istəmədiklərinə baxmayaraq, bu tayfanın ağıllı adamları
İsmayıl Mirzənin şahzadələri edam etməkdən başqa heç nə ilə
razılaşmayacağmı başa düşdülor. Başqa çarələri qalmamışdı.
Nəhayət, onların hamısı şahzadəni (Sultan Mustafa Mirzəni - Ş.F.)
aradan götürmək qərarına gəldilər.
Sultan Mustafa Mirzə və Sultan
Süleyman Mirzənin öldürülmələri:
Şahzadə [Sultan Mustafa Mirzə] ağıllı və fərasətli
olduğundan bu fikri anladı. O, Pirə Məhəmməd xanın evində
yaşadığı bu bir neçə gün ərzində hər gecə öz qətlini gözləyir, taət
Gərdən nehadim əl-hökmi-Allah.
364
və ibadətlə məşğul olurdu. Gecə o tayfanın bir neçə nəfər rəzil üzvü
şahzadənin yataq otağına girib onu boğdular.
Şamxal da Sultan Süleymanla elə rəftar etdi və onların hər
ikisi bir gecədə şəhadət şərbəti içdilər, onların cəsədlərini İmamzadə
Hüseyn müqəddəs zövzəsinə (astanə) aparıb dəfn etdilər.
Bu qəziyyələrdən sonra Pirə Məhəmməd xan şəfəqqətə nail
oldu. [Belə ki,] İsmayıl Mirzə nişanlısı olduğu onun qızı ilə evləndi,
şahanə bir toy məclisi qurdu, zifafa girdi. O, Şamxal Sultan
Çərkəsin və Hüseynxan Sultan Xəbuşlunun qızlarını da istədi və
qızların hər ikisini bir gecədə hərəmxanaya gətirdilər.
Bu qohumluqdan (damadı) sonra İsmayıl Mirzə ustaclılarla
mehribanlaşaraq Yegan Şahqulunun oğlanları İbrahim Sultanı və
Mürşüdqulu Sultanı öz tərbiyəsi altına aldı. İbrahim Sultanı -
Qəzvinə, Mürşüdqulu Sultanı isə Sistana hakim təyin etdi. Beləliklə,
bütün ustaclu tayfasının abır-həyası yerinə qayıtdı və bundan sonra
heç kimin onlara əliuzunluq etməsinə yol verilmədi.
Adlı-sanlı şahzadələrdən Sultan İbrahim Mirzə onun
müsahibi və xüsusi məclisinin yaxın adamı idi.
İsmayıl Mirzə ona dedi:
- Sən cənnətməkan şahın fərzəndi idin və ona can-başla
xidmət edirdin. İndi isə mənim qardaşımsan, eşikağasıbaşı vəzifəsi
sənə layiq deyil.
Vəzifəsini dəyişərək, onu möhrdar* etdi ki, qoy həmişə öz
gözü önündə əyləşib, onunla həmsöhbət və yekdil olsun. O eşikağası
mənsəbini Hüseynqulu Sultan Şamluya verib cənnətməkan şahın
mustovfiül-məmaliki olan Mirzə Şükrullah İsfahanini ali divanın
vəziri təyin etdi, mustovfiül-bəqaya olan Mir Şah Qaziyə
mustovfiül-məmalik vəzifəsini verdi.
İsmayıl Mirzənin özünə təyin etdiyi cülus gününə hələ çox
qaldığından, hələlik ölkənin mühüm vəzifələrində çoxlu dəyişiklik
etmədi, amma ali saraya gəlməkdə olan türkə, tacikə, əskərə və
rəiyyətə culus gününün tezliklə olacağını bildirdi. Dövlətxanada ali
imarətlər tikdirildi. [Tikinti işlərində] hər gün mahir ustadlar işləyir,
onların hər birinə bir mötəbər qızılbaş başçılıq edirdi. Xülasə,
[İsmayıl Mirzə] səltənətin əsasını və padşahlıq təmtərağını elə
mərtəbəyə qaldırmışdı ki, qeysərləri və xaqanları özünün ən aşağı
rütbəli mülazimi hesab edirdi. Onun cidd-cəhdinin, cahanbanlığının
vüsəti, [həmçinin] səltənət və kamranlıq əzəməti hər yerə
yayıldığına görə, heç bir şərəfli padşahın xəyal aynasında onunla
365
müxalifət etmək nəqşi görünmürdü. Bütün sərhədlər əmirlərdən,
gözətçilərdən aə döyüşçülərdən xali olmuşdu. Heç bir düşməninsə
qüdrəti deyildi ki, ona tabe olmaqdan əl çəkib hücum etmək fikrinə
düşsün, yaxud qızılbaş dövlətinin sərhədlərindən bir keçi belə
aparıla bilsin. O, həqiqətən də böyük təmtəraqa və sərtliyə (səlabət)
malikdi.
Vəd etdiyi cülus günü yaxınlaşdığından, əvvəlcə nəvvab
cənnətməkanın ruhunu xatırlamaqdan ötrü ehsan verdi, onun hələ də
dövlətxanada qalan pak nəşini müqəddəs Hüseyn imamzadəsinə
aparıb orada saxlamaq və payızda müqəddəs Məşhəddə dəfn etmək
istədi. Şahın yaraq və başqa şeylərini həmin imamzadə məzarına
aparıb, orada çoxlu çadır qurdurdu, böyük yas mərasimi keçirdi. Bu
münasibətlə on iki min qab növbənöv yemək və halva (həlavə)
hazırlanmasına sərəncam verdi, hər min qaba sərkarlıq olunmasını
böyük əmirlərin birinə tapşırdı. Sonra [Şah Təhmasibin] pak cəsədi
dövlətxanadan çıxarıldı. Günahları bağışlanılmış o cənazəni İsmayıl
Mirzənin özü çiyninə aldı və başqa şahzadələr də kömək etdilər.
Dövlətxanadan eşikdə o, ata süvar oldu, amma digər şahzadələr
cənazəni müqəddəs Hüseyn imamzadəsinədək öz çiyinlərində aparıb
məzara çatdırdılar. Onlara bəzi əmirlər də kömək edirdi. Nəşi
məscidin içində imamzadənin qəbrinin yanında bir sandığa qoyub
yavaş-yavaş məzara endirdilər. Hafizlər Quran təlavətini xitama
yetirdikdən sonra, İsmayıl Mirzə ehsan məclisinə getdi. Orada on iki
min ədəd qaba xörək və halva çəkildi, füqəra, miskinlər, mömünlər,
döyüşçülər və rəiyyət ehsan yeməyə başladılar.
Bu işi yerinə yetirib rahat olandan sonra cəmadül-əvvəl
ayının iyirmi yeddisinə, (22 avqust) çərşənbə gününə təyin etdiyi
hümayun cülus həyata keçdi və "Çehelsütun" qəsrində padşahanə bir
ziyafət və şahanə bir məclis quruldu. Əmirlər, şahzadələr və dövlət
başçıları toplaşdılar. İsmayıl Mirzə böyük təntənə və əzəmətlə qəsrə
gəlib şahlıq taxtında cülus etdi və cənnətməkan şahın məkanında
əyləşdi. Qəddar və [qərarında] möhkəm olmayan zəmanənin
vəziyyəti bu şerdə olan kimiydi:
Şer
Saqinin zülfünü oxşar o həriflər hələlik,
Versə imkan fələk qoy belə olsun həmişə.
293
293
Beytin farscası:
366
Bir sözlə, əvvəlcə şahzadələr, sonra seyidlər, üləmalar,
müctəhidlər, onlardan sonra Qəhəqəhə qalasından çıxarıb
gətirdikləri Ləvənd xanın oğlu İsa xan və Luvarsab Gürcünün oğlu
Səmayun, həmçinin Şah Rüstəm Lur, onlardan sonra alişan əmirlər,
qızılbaş əyanları, vəzirlər, qələm əhli, hörmətli şəxslər, ayrı-ayrı
məmləkətlərin əhalisi, Nizamşahın (Moğol hökmdarı - Ş.F.) elçiləri,
İbrahim xan, Mazandaran valisi Mirzə xan, Ərəbistan valisi Seyid
Səhhar və firəng elçiləri ayaq öpmək şərəfinə layiq oldular. Qaladan
çıxmasından bu cülus gününə qədər sarayda toplaşan ətraf
məliklərin yolladıqları töhfə və hədiyyələri şahın ali nəzərinə
yetirdilər. Cülusdan sonra ölkənin ali vəzifələrinə təyinatlar
yubadıldı. Heç bir vəzifəyə adam təyin olunmurdu. Xalqın intizarı
öz həddini keçdi. Camaatın söz-sovunun qarşısını almaqdan ötrü şah
nəvvab Sultan İbrahim Mirzəyə tarşırdı ki Məhəmmədi xan
Toxmaq, Mirzə Əli Qacar və Mirzə Şükrullah Vəzirlə birlikdə ədalət
qəsrində əyləşib xalqın maliyyə ölkələrin xeyriyyə işlərini yoluna
qoysunlar, ali divandan sadir olan hökm və məktubları məhz bu
işlərdən ötrü hazırlanmış mübarək divan möhürü ilə möhürləsinlər.
[Şah] şer yazırdı və təxəllüsü "Adili" idi. Öz hökm və
məktublarına da "Hüvəl-adü"
294
sözləri yazılırdı.
O, ölkənin yarısının sədarət mənsəbini seyid olan Mirzə
Məxdum Şərifiyə, başqa yarısını isə cənnətməkan şahın zamanında
qaziye-əskər olmuş Şah İnayətulla Nəqib İsfahaniyə verdi, əhaliyə
şəri hökm və göstərişlərlə rəhbərlik etməyi onlara tapşırdı. Bir-iki ay
hər diyar əhalisinin şəri və mali işlərinin bəziləri ədalət divanında
həll edildi, hökmlər və məktublar ali divanın möhürü ilə
möhürləndi. Amma ölkənin böyük dövlət işləri, əmirlərin təyinatı və
buna bənzər başqa işlər yenə də yubadılmaqda idi. Şah əksər
vaxtlarda Mirzə Şükrullah Vəzirin bacarıqsızlığından şikayətlənir,
ona haqsız yerə etiraz edirdi. Heç kim bu vəziyyətə fikir vermir,
etinasızlıq edirdi.
Belə bir vəziyyətdə, cənnətməkan şahın hökmü ilə
Qəndəhar vilayətində hakim və hökmran olan Bəhram Mirzənin
oğlu Sultan Hüseyn Mirzənin vəfatı xəbəri gəldi. O, təbii əcəllə
Xoş gereftənd hərifan sore-zolfe-saqi,
Gər fələkşan begozarəd ke qərari girənd.
294
"Hüvəl-l-adil" - o, adildir (Allaha ünvanlanan ifadədir – Ş.F.)
367
müvəqqəti olan dövlətə və ömrə vida etmiş, bəqa aləminə
yollanmışdı. Qardaşının vəfatı xəbərini eşidən İbrahim Mirzə yas
paltarı geyinib, onun təziyəsi ilə bağlı işlərin icrasına başladı.
İsmayıl Mirzə təskinlik verməkdən ötrü onun evinə gedib, başsağlığı
mərasimini yerinə yetirdi, nəvvab mirzəyə, onun hərəminə
müqəddəs qızı ilə birlikdə, həmçinin ali sarayda olan Sultan Hüseyn
Mirzənin oğlu Məhəmməd Hüseyn Mirzəyə qiymətli xələtlər verib,
onları yas libasından çıxardı. Amma, bu hadisədən çox keçmədən
İsmayıl Mirzənin onunla rəftarı dəyişildi, İbrahim Mirzənin burnuna
bir daha şahın şəfəqqət və iltifat qoxusu dəymədi. Şahin ona yersiz
etirazları başlandı, get-gedə İbrahim Mirzəyə və başqa şahzadələrə
yönələn davranışı elə bir mərhələyə gəlib çatdı ki, belə vəziyyət
onların hamısının həmin bir neçə gün ərzində edam edilməsinə
gətirib çıxartdı.
SƏBATSIZ VƏ QƏDDAR ZƏMANƏNİN QƏHRİ
ÜZÜNDƏN ADLI-SANLI ŞAHZADƏLƏRİN ŞƏHADƏTƏ
YETİRİLMƏLƏRİ, SOYUQ KÜLƏYİN (SƏRSƏR)
ƏSMƏYİ NƏTİCƏSİNDƏ ONLARIN ÖMÜR
AĞACLARININ QIRILMALARININ ZİKRİ
Bütün məxluqatı yaradan qadir Allah qohumluq tellərinin
qırılmasını (seleye-rəhm) mənfur rəzillik, həmin tellərin qalmasını
isə bəyənilmiş əməl (mohəssənat) bilmişdir. İsmayıl Mirzənin
amansızlığı məşhur idi və o, belə əməldən heç vaxt heç bir xeyir
görməmişdi. Qardaşlarına, əmisi oğlanlarına və qardaşı uşaqlarına
qarşı məhəbbəti və mehribanlığı olmamasına və onların vücudlarını
öz dövlət gülzarının tikanları hesab etməsinə baxmayaraq, o,
hərdənbir nəvvab Sultan İbrahim Mirzəyə ehtiram göstərirdi.
Nəticədə məlum oldu ki, bu ehtiramın səbəbi Qəndəharda olan onun
qardaşı Sultan Hüseyn Mirzə ilə əlaqədardır, çünki İsmayıl Mirzə
onun Xorasanda ona qarşı fitnə-fəsad yaratmasından ehtiyat edirdi.
Sultan Hüseyn Mirzənin vəfatından çox keçməmiş İsmayıl Mirzənin
Sultan İbrahim Mirzəyə münasibəti dəyişdi və öz etiraz dilini açdı.
Öz istedadı sayəsində Əflatun biliyinə malik olan nəvvab mirzə
(İbrahim Mirzə - Ş.F.) [özünə qarşı] iltifatsızlıq qoxusunu hiss etdi,
[şahın] onun həyat rişəsini qırmaqdan başqa təsəlli tapmayacağını
bilərək, mülaziəti və xidməti tərk edərək, inzivaya (guşənişinliyə -
Ş.F.) çəkilməyi qərara aldı ki, belə etməklə, ola bilsin ki, öz qəmgin
368
həyatının davamına iki-üç gün təsəlli vermək imkanına ümidvar
olsun. O, ağa və mülazimlərinə də evlərində oturub, işi tərk
etmələrini əmr etdi. Amma, hər ləhzə öz qətlini gözləyirdi.
[İsmayıl Mirzə] on-on beş nəfər göygöz (əzrəq) və
nifrətəlayiq (kerye) çərkəsi Mirzənin evinin keşiyini çəkməkdən
ötrü yolladı. Çərkəslər onun evinə yetişdikləri vaxt mirzə öz hərəm
otağında idi. Çərkəslər giriş və çıxış qapılarını bağlayaraq, keşik
çəkirdilər. Beləliklə, dörd-beş gün keçdi. Günlərin bir günü "Səadət
meydanında camaat ilə Qəzvinin darüğəsi
295
Əbdülqəni bəy
Ustaclının tabeliyindəki mülazimlər arasında bir qoyunun alqı-
satqısı üstündə dava-dalaş başladı.
Qəzvin darüğəsinin sufilərlə döyüşü və sufilərin qətli:
Sufilər hücum edib darüğənin bazar darüğəsini və başqa
mülazimlərini döyməyə başladılar. Bu xəbər darüğəyə çatanda bir
dəstə döyüşçünü onları həbs etmək üçün göndərdi. Sufilər onun
əmrinə baş əyməyərək ifrat şəkildə tabesizik göstərdilər. Darüğənin
özü bütün adamları ilə atlanıb meydana gəldi. Sufilər darüğəni daşa
basaraq get-gedə bıçaq-xəncərə əl atdılar, hücumla darüğəni məğlub
etdilər. Bu xəbər İsmayıl Mirzəyə çatdı. Xüləfa ilə ittifaqa
gəldiklərinə görə onun sufilərlə rəftarı pişləşmişdi. Bütün əmirlərə
yaraqlanıb, "Şah atı meydanına" gəlmələri əmrini verdi. Əmirlər
yaraqlarına sarılaraq dəstə-dəstə gəlir və [şah] onları sufiləri
cəzalandırmaq üçün yollayırdı. İşin sonunda, sufilərin qətliam
edilmələri əmrini verdi. Museyib xan Təkəli və Murtəzaqulu xan
Pornak başda olmaqla bir dəstə qoşun Xüləfanın evinə yaxın olan
sufi mənzillərinə hücuma keçdilər. Sufilər vəziyyəti belə görüb
silahları ataraq qaçır, qızılbaş qaziləri isə onlara çatıb qətl edir, əsir
götürürdülər. Bir göz qırpımında (türfətül-eyn) sufilərin beş yüz
nəfərə yaxını öldürürdü.
Döyüşçüləri sufilərin üzərinə göndərib, onları qırmaqla
məşğul olan İsmayıl Mirzə şahzadələrin qətlinə hökm etdi.
295
Darüğə istilahı və vəzifəsi haqqında geniş məlumat üçün baxın: Doktor Şahin
Fazil. "Təhəvvole-məfahime-estelahe-daruğə (məqalə), "Xorasan" jurnalı, 1360, № 5,
Kabul, səh. 154-167.
369
II Şah İsmayıl olan İsmayıl Mirzənin əmri
ilə altı şahzadənin qətli:
Tapşırığa əməl olunması üçün hər bir keşikçinin yanına
adam yolladı. Çərkəslər əvvəlcə nəvvab Sultan İbrahım Mirzənin
hərəmxanasına hücum edib, onu cənnətməkan şahın pak qızı olan
arvadının yanından çıxararaq iplə boğdular. Elə o andaca [İbrahim]
Mirzənin evindən fəryad və fəğan səsləri eşidilməyə başladı və onun
artıq qətl edilməsi bəlli oldu. Belə əməli həmçinin hər bir şahzadə
ilə də etdilər. Şahzadələrin qətl edilmələri xəbəri [Şah İsmayıla]
çatandan sonra arxayınlaşdı, sufilərin cəzasından keçdi, onların sağ
qalanları nicat tapdı. Məlum oldu ki, [İsmayıl Mirzə] bu mərəkəni
şahzadələrin qətlindən ötrü qaldırıbmış. O, qorxurdu ki, məbadə
qızılbaşlar onun əmrindən baş qaçırar və nəsə bir fitnə törədərlər. O,
beləliklə onları bu işlə məşğul edib, özünü arxayınlaşdırdı. Həmin
gün Qəzvində şahzadələrin altısı şəhadət şərbəti içdi. Dövrün
savadlı adamlarından bir çox fəzilət və kamal öyrənən, sənət
fənlərini mənimsəyən, olduqca gözəl nəstəliq xətti yazan, incə
qələmli rəssam olan, musiqi və dövrün elmləri sahəsində
məşhurlaşan Sultan İbrahim Mirzə də öldürülən şahzadələrin biri
idi. O, təsnif sahəsində Mövlana Qasım Qanuninin şagirdi idi, yaxşı
saz çalırdı, dülgərlik (dorudgəri), saztəraşlıq (saztəraşi) və mozaika-
inkrustasiya, (xatembəndi) sənətlərində çox mahir idi. Xorasanda
vaxtının çox hissəsini şairlərlərlə, nəzm və bəlağət sahibləri ilə
söhbətdə keçirirdi. Özünün təxəllüsü "Cahi" idi. Ondan aşiqanə
qəzəllər qalmışdır. O cümlədən, bu iki məqtə (qəzəlin son beyti -
Ş.F.) onun əhvalını yazarkən yadımıza düşdü:
Qitə
Gəldi yarın yola düşmək zamanı, ey Cahi,
Taqətin varsa əgər baxmağa, göz aç bax ona.
296
Qitə
296
Qitənin farscası:
Yar aməd besərət dər dəme-rəftən, Cahi,
Dide bogşay əgər taqete-didən dari.
370
Min gün ötmüş və onun məclisinə gəlmişsən,
Cahiya, çəkmə göz ondan, bu qənimətdi sənə.
297
O, ali bir kitabxana yaratmışdı ki, orada sabiq ustadların və
mahir xəttatların, tayı-bərabəri olmayan qızıl qələmli (zərrinqələm)
rəssamların və sairənin əsərləri və başqa töhfələr də çox idi. Onun
çinixanası Çin və Xəta* rəssamlıq sərgilərinin (negarxane) həsədinə
səbəb olurdu. Onun xanımı Mirzənin başına gələn hadisədən sonra
həmin əsərləri, İsmayıl Mirzənin əlinə keçməməsindən ötrü, suya
tökdü, çiniləri sındırdı, yerdə qalanları odladı. O, mirzənin matəmini
saxlayaraq həddindən çox kədərləndi, yataqa düşdü, elə həmin ay
fani dünyanı tərk etdi, bəqa aləminə getdi.
Qardaşı oğlu Məhəmməd Hüseyn Mirzə on yeddi yaşlı
qabiliyyətli cavan bir oğlan idi. Əvvəlcə onun gözlərinə mil
çəkdilər. O, ağrının şiddətindən bərk fəryad edir, sakitləşmək
bilmirdi. Bu xəbər İsmayıl Mirzəyə çatan kimi o, onun çəkdiyi
işgəncədən azad olması üçün [qətlinə] fərman verdi. Fərmanı alan
adamlar dərhal buna əməl etdilər.
Sultan Mahmud Mirzənin bir yaşlı oğlu
Məhəmməd Bağır Mirzə ilə birlikdə qətl olunması:
Rumlu camaatının arasında yaşayan Sultan Mahmud
Mirzə olduqca nəfsitox və sağlam bir cavan idi. Onun xəyal
aynasında ucalmaq və Mirzə ilə birlikdə qətl yüksək vəzifə tutmaq
fikri heç zaman olmamışdısa da, oz namehriban qardaşının əmri ilə
başqa qardaşları kimi əmrə tabe oldu. Amma qüsl və təkfin vaxtı
tərpənib gözlərini açdı ki, bu hadisə İsmayıl Mirzənin nəzərindən
yayınmadı. Məlum oldu ki, boğdurulması zamanı ip onun boyun
damarının birini tutmamışdır. Bundan agah olan və bəsirət gözü belə
qəbahətli və alçaq əməllərdən tutulmuş İsmayıl Mirzə, onun işinin
bitirilməsi üçün əmr etdi və mirzəni bir yaşlı oğlu Məhəmməd Bağır
Mirzə ilə başqa şahzadələr kimi qətl etdilər.
297
Qitənin farscası:
Bəd əz hezar şəb ke be bəzməş rəsideyi,
Cahi, qənimətəst, əz u bər mədar çeşm.
371
İmamqulu Mirzənin qətli:
İmamqulu Mirzəni və Sultan Əhməd Mirzəni birlikdə
dövlətxanaya gətirib "At meydanı"nın yaxınlığında saxlayırdılar.
Elə orada da onlara ölüm şərbəti içirdirdilər. [İsmayıl Mirzə]
həmçinin Sistana adam yollayıb, Bəhram Mirzənin oğlu
Bədiüzzaman Mirzəni Bəhram adlı azyaşlı oğlu ilə birlikdə qətl
etdirdi. Sonra Gəncədə olan Sultan Əli Mirzədən ötrü adam
göndərdi. Bir neçə gün keçəndən sonra Qacar camaatı Mirzəni
gətirdi. İsmayıl Mirzə ona rəhm edib öldürmədi, amma gözlərinə
mil çəkdirib, onu dünya nurundan məhrum etdi.
Onun doğma qardaşı İsgəndər şanlı nəvvabın isə [gələcək
Şah Məhəmməd Xudabəndə - Ş.F.] gözləri zəif görürdü. İsmayıl
Mirzə onun adlı-sanlı övladını məhv etmək fikrinə gəldi, amma
Bilqeys məkanlı cənnətməkan ülyacənab anası Sultanımın oğluna və
nəvələrinə olan böyük məhəbbətindən çəkinirdisə də, gecələr onların
da işlərini bitirmək fikrinə dalmaqda idi. Nəticədə, onlara qarşı
ürəyindəki xəbis niyyətini büruzə verib, öz məqsədini onlara qarşı
da həyata keçirdi, əvvəlcə, İsgəndər şanlı nəvvabın Tehranda olan
böyük oğlu Sultan Həsən Mirzəni qətl etdirdi.
Həmin yaxşı xasiyyət və rəftarlı şahzadənin şərhi-halı belə
olmuşdur: Cənnətməkan nəvvab (Şah Təhmasib - Ş.F.) onu [Sultan
Həsən Mirzəni - Ş.F.] Herat darüssəltənəsindən geri çağırıb, sarayda
öz yanında saxlamışdı. O, bir neçə il alimiqdar atasının (Sultan
Məhəmmədin - Ş.F.) yanında yaşayıb, kamal mərtəbəsinə
yüksəldikdən sonra, Mazandaran valisi Sultan Murad xanın vəfatı
ilə əlaqədar [şah] həmin vilayətin yarısını ona, başqa yarısını isə
Sultan Murad xanın oğlu Mirzə xana verdi və Mazandaran
divlərindən (böyüklərindən - Ş.F.) olan və öz əqli və bacarığı ilə
başqalarından başda dayanan Mirək Divi onun vəkili təyin etdi.
Nəvvab Mirzə xan şahanə inayətlə mükafatlandırılıb izzət
və etibarla Mazandarana getdi, həmin əyalətin taxtına və o vilayətin
yarısının var-yoxuna yiyələndi. Mirək Div isə onun vəkili və
işlərinin tənzimçisi vəzifəsini yerinə yetirməyə başladı. Amma,
onun işi nəvvab mirzənin xoşuna gəlmədi, çünki o, işləri yalnız öz
bildiyi kimi idarə edir, şahzadənin çoxdan bəri yanında olan
mülazimlərinin işlərə qarışmasına razılıq vermirdi. Bu əməl
şahzadənin xoşuna gəlmədi, onun iqtidar və sərbəstliyinə dözmədi,
bir dəstə mülaziminin təhriki ilə amma bu barədə cənnətməkan
372
şahın əmri və işarəsi olmadan, onu qətl edərək Mazandaran
divlərinin əlini o mülkün işlərindən uzaqlaşdırdı. Bu hadisə o
tayfanın (mazandaranlıların - Ş.F.) etirazına səbəb oldu. Məsələ şaha
çatdıqda şahzadənin cəsarət və özbaşınalığından narazı qaldı, ondan
incidi. Şaha xəbər verdilər ki, şahzadə bu işi bir müddət orduda
onunla dostluq edən ögey dayısı Mir Abdulla xanın oğlu Mir Əziz
xanın təhriki ilə həyata keçirmişdir. Adam yolladı və qəfildən
mirzənin bütün kağızlarını və əşyalarını ona gətirdilər, Kağızların
arasında mirzəni bu işə təhrik edən Mir Əziz xanın məktubunu
tapdılar. Buna görə də onu həbs edib Estəxr qalasına saldılar.
Mazandaran divlərinə təsəlli vermək və onların ürəklərini ələ
almaqdan ötrü mirzənin köhnə mülazimlərinin Mazandarandan
çıxarılmasına hökm etdi, şahzadənin yanında yalnız bir neçə
xidmətçi qaldı.
[Beləliklə], cənab mirzənin etibarı Mazandaranda bir qədər
zəiflədi. Şahzadə [Şah Təhmazibə] belə ərz etdi: "Mirək Div
ayağını itaət dairəsindən çıxarmış, üsyan və tüğyan məqamına
gəlmişdi. Biz əgər onun şərinin dəf olunmasını şaha ərz və işarə edə
bilsəydik, tezliklə müxtəlif fitnə-fəsad zahir olacaqdı. Buna görə də
özbaşına olaraq belə bir ədəbsizliyə yol verdik." Şahzadənin
üzürxahlığı qəbul olundu və vəziyyəti yüngülləşdi, amma [şah] bu
məsələnin üstündə çox da dayanmadı. Mirzə çox naqis tərzdə
hakimlik edirdi. O, nəhayət bir neçə Mazandaran əhlini mülayim və
iltifat tərzi ilə özünə ram edərək, düşdüyü vəziyyəti islafi etməkdə
ikən cənnətməkan şahın vaqiəsi baş verdi yə İran padşahlığı [Sultan
Həsən Mirzənin] doğma əmisi İsmayıl Mirzənin əlində qərar tutdu.
Baş verən əhvalatdan Sultan Həsən Mirzə xəbər tutduqda
İsmayıl Mirzənin ali anası, özününsə nənəsi olan Sultanının bu əziz
nəvəsinə ifrat məhəbbət bəslədiyini düşünüb, möhtərəm əmisinin
şahlığı dövründə özünün ixtiyar və iqtidar sahibi olacağım təsəvvür
edirdi, çünki hal-hazırda bu əmisinin oğlu yox idi. Buna görə də, o,
Mazandaran vilayəti kimi [bir yerdə] çox kiçik (mohəqqər) hakim
olması ilə razılaşmayaraq, düşündü ki, möhtərəm əmisinin və nənəsi
[Sultanımın] yanında xidmət etməklə bütün İran işlərinin ixtiyar
sahibi, lap elə bəlkə də [əmisinin] vəliəhdi və qayimməqamı
olacaqdır. [Buna görə də,] İsmayıl Mirzənin əmri və razılığı
olmadan Mazandarandan çıxdı. Amma, əsla düşünmürdü ki,
namehriban əmisi onun barəsində də qəddar bir əməl düşünmüşdür.
373
Tehrana gəlib çatdıqda İsmayıl Mirzə onun gəlişindən
xəbər rutdu. Öz fikir və ehtiyatkarlığına rəğmən onun gəlişindən razı
qalmadı, amma zahirən hələ onun dəfi xüsusunda heç bir tədbir görə
bilmədi. Onun bir qardaşı Şirazda zülqədər tayfası arasında, başqa
qardaşı isə Heratda ustaclı tayfası içində yaşayırdı. Həmçinin,
əhalinin yanında ana ehtiramına riayət etmək lazım idi. Onun yanına
bir adam yollayıb bildirdi. "Sənin nənən olan mənim möhtərəm
anam Qumdadır. İstəyirik ki, onu tam izzət, ehtiram və şahanə
təmtəraq ilə buraya gətirək. Eşitmişəm ki, şahzadənin də işləri
yararsız (bisaman) vəziyyətdədir. Hal-hazırda mən anamdan ötrü
yaraq hazırlanması ilə məşğulam, buna görə də qoy o fərzənd hələ
Tehranda qalsın ki, mən anaraın yarağı tədarük olunduqdan sonra
onun da çağırılmasından ötrü adam yollayacağam. [Əlbəttə] o
fərzənddən ötrü də yaraq hazırlamaqdayam, tezliklə əzəmətli
əmirlərin birini onun ardınca göndərəcəyəm ki, anası ilə onun
görüşü birdəfəlik baş tutsun". Buna görə də nəvvab mirzə əmrə baş
əyərək Tehranda qaldı.
Amma, İsmayıl Mirzə onun və anasının gətirilməsini hələ
ləngidirdi. O, gah imarət tikilişinin tamamlanmasını, gah da onlara
mənzil ayrılmasını və sair məsələləri bəhanə gətirib vaxtı uzadırdı.
Orduda məzhəb ixtilafı başlayan vaxta qədər mirzə Tehranda qaldı.
"Xoş gəldin"ə gələn bəzi adamlar İsmayıl Mirzəyə dedilər ki,
qızılbaşların əksəriyyəti ali nəvvabın təsənnünə (sünniliyə - Ş.F.)
meyil etdiyini güman edib, o cənabdan dönmüşlər və istəyirlər ki,
Sultan Həsən Mirzəni gətirib özlərinə padşah etsinlər.
Dostları ilə paylaş: |