Əmisi İkinci Şah İsmayılın əmrindən
Sultan Həsən Mirzənin xəbər tutması:
[İsmayıl Mirzə] bu sözləri əlində əsas tutub, həmin
günahsız şahzadənin həyat ipinin qırılması xüsusunda fərman verdi.
Əvvəlcə, nəvvab Sultanımın bacısı oğlu və nəvvab İsgəndər şanlı
İsmayıl Mirzənin dayısı oğlu olan Müseyib xan Şərəfəddinoğlu
Təkəlini bu işin icraçısı təyin etdi.
Müseyib xan ikrah hissi ilə yola düşdü. Dörd-beş gündən
sonra xəbər çatdı ki, o, yavaş-yavaş hərəkət edir və hələ [indiyədək]
Kərəcdən keçib Savucbulağa çatmamışdır.
İsmayıl Mirzə onun ləngimə və səhlənkarlığından inciyərək
türkman əmrlərindən olan Kosa Əliqulunu hər oymaqdan iki nəfər
374
olmaqla qırx-əlli nəfər qorçi ilə birlikdə göndərdi ki, iyirmi iki
nəfərin hər biri əllərinə ip götürərək şahzadəni boğsunlar. Bu
vəziyyəti eşidən Müseyib xan sevindi və geri qayıtdı. Göndərilənlər
[isə] qəfil bəla kimi Tehrana çatdılar. Şahzadə Tehranda çox
ləngidiyindən iltifatsızlıq rayihəsini ciyərlərinə çəkib, namehriban
əmisinə qarşı qəlbində olan şəfqətini tamamilə itirdi, vəziyyətdən
çıxış yolunu qapalı gördü. Qorçilər gələn zaman o, giriş qapısını
bağlayıb öz ox qabını kamanla birgə dama apardı, qüvvəsi
qalıncayadək onlarla atışmağı və kişi kimi ölməyi qərara aldı.
Qorçilər vəziyyəti belə gördükdə Kosa Əliqulu dedi: "Biz
əmrə görə şahzadəni aparmaq üçün gəlmişik".
Onlar Quranı ələ götürüb sözlərinin düzgünlüyünə
yalandan and içdilər. Şahzadə gələnlərin andlarına inanıb onlarla
görüşdü. Qorçilər Allahdan bixəbər halda birdən-birə onun üstünə
atılaraq, aldıqları tapşırığa əsasən şahzadənin nazənin boğazını iplə
tarıma çəkdilər, izzət çəmənində böyüyüb boya-başa çatan və
səltənət arxı kənarında bitən həmin sərv ağacını həlak etdilər. Elə
həmin gün İsmayıl Mirzə Qazı bəy adlı zülqədər qorçisini İsgəndər
şanlı nəvvabı və onun fərzəndlərini həbs etməyə, onların yanına heç
kəsi buraxmamaq, zülqədər və başqa tayfalardan bir nəfərə də
onunla görüş icazəsi verməmək və gələcək əmri gözləməkdən ötrü
Şiraza yollamışdı. Söyləyirlər ki, İsmayıl Mirzə nəhayət Heratda
olan İsgəndər şanlı nəvvabın və fərzəndlərinin dəf olunması və
onların qətli xüsusunda hökm vermişdir. Amma, o buna nail ola
bilmədi. Bu alçaq işin yerinə yetirilməsindən əvvəl elə özü əcəlin
qaçılmaz hadisəsinə giriftar oldu, həyatına əlvida etdi. Bu əhvalatın
təfsilatı öz məqamında yazılacaqdır. Allah-taala əlahəzrət zilləllah
şahın müqəddəs zatında bir neçə təəccüblü işin baş verəcəyini
müəyyənləşdirdiyindən, [həmçinin] səltənət və padşahlığı
xüsusunda onun alın lövhəsində (lovhe-məhfuz) "[Ey Allah] mülk
sahibi sənsən, istədiyin kimsəyə mülk verirsən..."
298
yazısı artıq
yazılmışdı. Elə buna görə də [İsmayıl Mirzənin] çıxardığı hökmə
[Allah tərəfindən] imza atılmadı, hökm yerinə yetirilməzdən əvvəl
qəddar zəmanə onun dövlət tuğrasını* xətm qələmi ilə yazdı və
[İsmayıl Mirzə] ömür və dövlətdən həzz ala bilmədi.
298
İfadənin ərəbcəsi: "... tu-ti-l-mulkə mən-təşa-u..."
375
İSMAYIL MİRZƏNİN ŞAHLIĞI DÖVRÜNDƏN VƏFATINA
QƏDƏR BAŞ VERƏN BƏZİ ƏHVALATLARIN ZİKRİ
Qardaşları və əmioğlularından İsmayıl Mirzə xətircəm
olandan sonra ölkə işlərinin icrasına başladı. Vəzir Mirzə
Şükürullahın hərəkətləri İsmayıl Mirzənin təbinə müvafiq olmadığı
üçün o, həmişə bu vəzirdən şikayətlənirdi. [Buna görə də] onu ali
divan vəzirliyindən kənar edib, həmin ali mənsəbi nazir Mirzə
Salmana verərək, onun qədr-qiymətini fələyə qədər qaldırdı. Mirzə
Salmana tapşırdı ki, alişan əmirlərin heç biri önündə əyilməsin.
[Yeni vəzir] müstəqil surətdə bu vəzifənin icrasına başladı. İsmayıl
Mirzənin özü isə dövlət məsələləri ilə az məşğul olurdu. O
ölkədaxili işlərdən və sərhəd məsələlərindən təmamilə bixəbər
olmaqla işlərin həllini hər neçə gündən bir müxtəlif şəxslərə
tapşırırdı. Amma, bəzi əmirləri öz yerlərinə hakim təyin etdi ki
onların bir neçəsi öz ülkalarına yollandılar. Əmirlərin hamısı ali
orduda olan vaxt isə İsmayıl Mirzənin vəfatı hadisəsi baş verdi.
İsmayıl Mirzənin təkəli tayfasından yaxın qohumu olan xanzadə
Müseyib xan Şərəfəddinoğlu əyalət və xanlıq mərtəbəsinə
(hakimliyə - Ş.F.) qaldırıldı və Rey ülkası ona inayət edildi. Solağ
Hüseyn Təkəlini Kürdüstan səmtinə yollayaraq Əli Şükür uluslarını
və bəzi başqa yerləri ona verdi. Əliqulu xan Şamlını və onun atası
Sultan Hüseyn xanı əmirlik rütbəsinə qaldırıb, Herat hakimliyinə
Əliqulu xanı təyin etdi. Cənnətməkan şahın qızı Zeynəb bəyimin
kəbinini onunla kəsdirdi və qərara alındı ki, bəyimi gələn il Herata
[ərinin yanına] yollasınlar. [İsmayıl Mirzə] Murtəzaqulu xan
Pornakı müqəddəs Məşhədə hakim yollamaqla onu şərəfləndirdi.
Cənnətməkan şahın Yusif Xəlifə Ziyadoğluya vermiş olduğu Gəncə
əyalətini və Qarabağ əmirülüməralığını onun əmisi oğlu Peykər
Sultana tapşırdı. Peykər Sultan isə Yusif Xəlifə Zİyadoğlunu Sultan
Heydər tərəfdarı olduğuna görə töhmətləndirib, onun qətlinin öz
şövkət və etimadının artacağına səbəb olacağını düşünürdü. [Belə
ki,] Yusif Xəlifə sübh vaxtı hamamdan çıxıb paltarlarını geyindiyi
zaman bir neçə mülazim qılınclarını sıyıraraq hamama girdilər və
onu qətl etdilər. O bununla kifayətlənməyərək, Yusif Xəlifənin
anasını və qardaşını da öldürdü. Bu iş İsmayıl Mirzənin xoşuna
gəlmədiyindən Peykər Sultanı vəzifəsindən kənar edib Gəncə
əyalətini İmamqulu xan Qacara verdi. O, Kirman hakimi Allahqulu
376
bəy Əfşara qorçibaşı vəzifəsi verib, Kirman hakimliyini Mahmud
Sultan Əfşara tapşırdı. Şiraz əyaləti Vəlixan Qalxançıoğluya verildi.
İsmayıl Mirzənin oğlu Şah Şücanın təvəllüdü:
O vaxtlarda İsmayıl Mirzənin hamilə olan cariyələrindən
biri doğuşdan azad olub dünyaya bir oğlan gətirdi. İsmayıl Mirzə bu
münasibətilə olduqca sevindi. Təvəllüd müjdəsindən ötrü hər əmirin
yanına adam göndərildi, hər kəs öz imkanına rəğmən müjdə pulu
(mojdegani) verdi. Bir neçə gündən sonra adını Şah Şücaəddin
Məhəmməd qoydu və onun lələliyini müzəffərilər sultanlarının
məkanı olan Şirazda hakim olan Vəli Sultan Zülqədərə tapşırdı ki,
həmin vilayətdə "Şah Şücaye-Müzəffəri" ayinini (qayda-qanununu -
Ş.F.) yenidən bərpa etsin. Vəli Sultan [bu münasibətlə] öz evində
şahanə bir ziyafət verib, şahzadənin beşiyini mübarək dövlətxanadan
çıxardı, ata süvar olub yola düşdü. Əmrə müvafiq olaraq bütün
əmirlər və dövlət adamları piyada halda beşiyin ardınca hərəkət
edib, onu Vəli Sultanın evinə gətirdilər. [Beləliklə] İsmayıl Mirzə
Vəli Sultanın qədr-qiymətini və məqamını olduqca ucaltdı. Şirazda
isə onunla İsgəndər şanlı nəvvab arasında soyuqluq yarandı. Vəli
Sultanın belə yüksəlişinin səbəbi bu idi ki, Şirzada onunla İskəndər
şanlı nəvvab arasında narazılıq (ğobar) baş vermiş, zülqədər tayfası
sufilik adətinə əməl edərək İskəndər şanlı nəvvab ilə xoş, Vəli
Sultanla kobud davranmağa başlamışdılar. Buna görə də o, [Vəli
Sultan - Ş.F.] etibarını itirib Şirazdan çıxdı və saraya gəldi. Öz
böyük qardaşına qarşı bərk inadı olan İsmayıl Mirzə nəvvab şahzadə
ilə qaba davranmış zülqədər ağalarını, xüsusilə Əli bəyi və
qardaşlarını, həmçinin sabiq Şiraz hakimi Məhəmməd xan ağa
Şadibəylinin övladını etibardan saldı, onları məzəmətləndirdi.
Bu arada xalq arasında məzhəb əxlaqı barədə danışıq
başlandı. İsmayıl Mirzənin hərəkətlərinə və şiə məfkurəsi barədə
gizli və üstüörtülü söhbətlərinə görə camaat onu şiəlikdə süst
etiqadlı şəxs kimi tanıdı, onun sünni olduğunu güman etdi.
İsmayıl Mirzənin şiə məzhəbinə qarşı əqidə zəifliyi və
onun sünni məzhəbi əhlinə qarşı meylinin bəyanı:
Bu gümanın birinci səbobi o idi ki, o, Ayişəni**
lənətləyənlərə qarşı çıxdı, özünün xidmətində olan islam
377
üləmalarına, xüsusilə Xacə Əfzəl Türkəyə şiə tayfasının hansı
dəlillə Allahın Peyğəmbərinin möhtərəm hərəmini lənətləmələrinin
cayiz olması xüsusunda sual verib dedi. Halbuki onun isməti və
təmizliyi barədə ayələr vardır. O, Peyğəmbər (s) xidmətində
durmuş, o sərvərə mərhəm və məhbubə olmuşdur. [Belə olan halda]
Peyğəmbərə xidmət edən və onun məhbubəsi olan ismətli bir qadın
necə ola bilər ki, axirətdə yanmağa məruz qalsın? Bəsrədə Təlhə və
Zübeyrin yalan sözləri (əğva) və təhriki ilə həzrət əmirəl-möminin
Əli ibn Əbu Talıb və Aişə arasında narazılıq yarananda həzrət
əmirəl-möminin, qadınların fikri zəifliyi və əqli nöqsanları olduğuna
görə onu əfv etdi. Onun əfvinə səbəb budur ki, həzrət Əli Aişəni
izzət və ehtiramla Mədinəyə göndərdi, Allahın elçisinə hörmət
əlaməti kimi onu, [hətta] həzrətlər Həsəneynlə (Həsən və Hüseynlə -
Ş.F.) bir neçə mənzil məsafədə gedərək yola saldı. Buna görə də,
Ayişənin tənbeh edilməsi o sərvərin (peyğəmbərin - Ş.F.) də
lənətlənməsi deməkdir. Belə olan halda bəs şiə üləmasının fikri
necədir?"
Bu məsələni o, bir neçə məclisdə bəzən kinayə ilə, bəzənsə
müstəqim şəkildə açıq-aydın izhar etdi. Üləmanın bu sual-cavaba
müəyyən izahı olmadı və onlar hər dəfə tutduqları məqama görə bu
barədə öz aralarında gizlicə danışırdılar. Cənnətməkan şahın
zamanında təsənnünə rəğbətinə görə töhmətləndirilən Mirzə
Məxdum Şərifi İsmayıl Mirzənin fikrini təsdiq edən dəlillər gətirdiyi
üçün gündən-günə şah tərəfindən ucaldılırdı. O, pərdə ardından
çıxaraq sünnət əhlinin məzhəbinin güclənməsi və ilk üç xəlifənin
lənətlənməsinin aradan götürülməsi xüsusunda üləmalarla
mübahisələr edirdi. Üləmalar isə əksər vaxtlarda onun dediklərini
qəbul etmir, onu az müdafiə edirdilər.
Günlərin bir günü, İsmayıl Mirzə uca xüləfa mənsəbinə
yetməklə başınca olmuş Bolqar Xəlifəyə dedi: "Xəlifə, əgər bir
adam camaatın arasında sənin arvadının adını çəkib onu söysə
acığına gələr, ya yox?"
Xəlifə bu sualın cavabında "bəli" söylədi. İsmayıl Mirzə
ondan soruşdu: "Bəs adamlar nəyə görə Allahın rəsulunun
möhtərəm hərəmini lənətləyir?"
Bolqar Xəlifə cavabında dedi: "Söyüş söymək haramdır,
lənət - Allah rəhmətindən uzaqlaşanlara aiddir. Qoy pis
əməl hər
kəsin cəzası Xudaya həvvalə olunsun. Bunun heç bir qüsuru
yoxdur."
378
İsmayıl Mirzə soruşdu: "Sən sadolövh bir türk kişisisən. Bu
məsələdə səni kim təlimləndirmişdir?"
Dedi:
"Cənnətməkan şahın zamanında üləmadan
eşitmişdim".
İsmayıl Mirzənin təbrikinə gələnlər şaha ərz etdilər: "Xəlifə
düz danışmır, bir neçə gün bundan əvvəl, şah sarayında Sultan
İbrahim Mirzənin yanında üləma arasında bu məsələ müzakirə
olunurdu. Bu sözləri ona Mir Seyid Hüseyn Müctəhid və Xacə Əfzəl
demişlər".
Bundan qəzəblənən İsmayıl Mirzə qorçilərə işarə edib
buyurdu ki, mürşidi-kamilə
299
yalan deyən xəlifə cəzaya layiqdir.
Sufilər hücum edib ona bir neçə təpik vurdular və o, həyatdan öz
ümidini kəsdi. Hamə onun öldüyünü güman etdi. Onun əndamını bir
kətana büküb, dəfn etmək üçün evinə apardılar. Təsadüfən bir neçə
ləhzədən sonra huşu özünə qayıtdı, iki-üç aydan sonra özündə
hərəkət etmə gücünü hiss etdi. İsmayıl Mirzə, onun mənsəbini Dədə
Xüləfa Ustaclıya verdi və üləmaya etirazla dedi:
"Həzərat hər gün məclis qurub, belə alçaq sözlərlə
qızılbaşların əqidəsini mənə qarşı çevirirlər. Onlar yalançılıq və
ikiüzlülüklə
atamı
aldatmışdılar,
[amma]
mən
onlara
aldanmayacağam".
İsmayıl Mirzənin müxaliflərin təbərra
rəsmini lənətləmələrini şiələrə qadağan etməsi:
O üləmalara, xüsusən Mir Seyid İsmayıl Mirzənin
Hüseynə və qatı şiə olan astrabadlılara qarşı sözlərini dedi və onların
rəyi əleyhinə belə hökm verdi:Təbərra rəsmi küçə və məhəllələrdə
qadağan olsun və bundan sonra təbərraçılar bu əməllərini tərk
etsinlər!
O, deyirdi:
"Lənəti özlərinin sərmayəsinə çevirən təbərraçilarla
mənim yaxşı münasibətim yoxdur".
299
Mürşidi-kamil - Şah İsmayıldan başlayaraq bütün Səfəvi şahları özlərinə mürşidi-
kamil (kamil mürşid) deyirdilər - Ş.F.
379
Mirzə Məxdum Şərifi, əlləmatül-üləma Mövlana Mirzəcan
Şirazi və Mir Məxdum Lalə kimi sünnilikdə töhmətləndirilən bir
dəstə üləma onun hörmət və nəvazişinə layiq görüldülər.
Bəzən vəz oxuyan Mir Məxdum Şərifi İsmayıl Mirzəyə ərz
etdi ki, təbərraçılar məclisdə təbərra vəzi edib mənə kinayəli sözlər
deyirlər. İsmayıl Mirzə vəz məclisina on iki qorçi göndərdi ki,
təbərra dilini açan hər nəfəri cəzalandırsınlar. Bir cümə axşamı vəz
məclisi quruldu Məclisin sonunda Dərvis Qənbər Təbərrayi bu beyti
oxudu:
Beyt
Əli və ale-Əliyə salavat hey göndər,
Əli düşmənlərinə daim ola lənətlər!
300
Mirzə Məxdum bu kinayəyə dözdü, amma çox keçmədi ki,
qorçilər Dərviş Qənbəri elə kötəklədilər ki, başı bir neçə yerdən
yarıldı. Bu məsələni bildikləri zaman şiələrin gözlərindən həsrət
yaşları axmağa başladı. Bu hadisədən sonra İsmayıl Mirzə[nin
sünniliyi] barədə camaatın gümanı daha da çoxaldı, araya gizli
danışıq düşdü, bu məsələdən qızılbaş əqidəsi zərərə düçar oldu,
amma heç kimdə bu barədə danışmaq curəti yox idi.
Bütün üləmalardan bədgüman olan İsmayıl Mirzə Mir
Seyid Hüseyn Müctəhidə, Mir Seyid Əli Xətibə və təşəyyö (şiəlik -
Ş.F.) və təbərrada üstün olan bütün astrabadlılara başqalarından
daha çox iltifatsızlıq göstərdi və onların bəzisini ordudan çıxardı. O
Mir Seyid Hüseynin bütün elmi kitablarının bir evə toplanıb
möhürlənməsi əmrini verdi. Onu yaşadığı mənzildən çıxarıb, evini
müsadirə etdilər. İsmayıl Mirzə [həmçinin] buyurdu ki, ömürləri
boyu "əşəreyi-mübəşşirəni" ("yaxşı xəbər verən onluq")
lənətləməyən islam əhlinə müəyyən məbləğ pul nəzir olsun. Mirzə
Məxdum Şərifi o adamları müəyyən etməyə başladı. Tamahkar
adamların çoxu özlərinin sünni olduqlarını bildirdisə də, qəbul
edilmədi. Bütün ömürləri boyu əshabələrə qarşı özlərinın lənət
300
Beytin farcası:
Əli-vo ale-Əlira ze can-o del sələval
Ke doşmənane-Əlira modam lənət bad!
380
ağızlarını açmayan bir dəslə Qəzvin camaatı adlarını yazdırdı.
Qədim zamanlardan bəri şafei məzhəbindən olan bir dəstə qəzvinlini
Mirzə Məxdum təsdiq etdi və onlara iki yüz tümənə qədər pul verdi.
Amma, həmin məbləğ pul İsgəndər şanlı nəvvabın hakimiyyəti vaxtı
onlardan geri alındı və onların etibar kisələrində təsənnün
bədnamlığından başqa heç nə qalmadı.
Xülasə, İsmayıl Mirzənin sünnilərə rəğbəti barədə türk və
tacik camaatı arasında fikir yarandı, amma onun qorxusundan heç
kəs bu haqda bir söz deməyə cürət etmədi. Cənnətməkan şahın
hakimiyyəti vaxtı təbərra xüsusunda söz danışan və indi də öz
sözlərindən dönməyən bəzi üləmalar sakitcə dayandılar, etibardan
düşdülər, onların xidmətləri qadağan edildi və çağırış olmadan
saraya gəlmək hüququndan məhrum oldular. Bəzi əqidə sahibləri isə
Xacə Əfzəl Türkənin məclisinə gedərək gizli söhbətlər edirdilər.
Amma, bir gün isnaəşəri imamlarının - onlara salam olsun -
həqiqiliyi və sünnilərin əqidələrinin puçluğu barədə ona (İsmayıl
Mirzəyə - Ş.F.) bəzi xoşagələn sözlər dedilər. O, söhbət edənlərin
lənətləmələrini və müxalif fikirləri sakit halda dinləyir və bu barədə
heç nə demirdi. Bəziləri isə bu söhbətə təəccüb (estebad) etdikləri
halda dinmir, padşahın məsləhətlərinə və öz qəlblərinin sözlərinə
qulaq asırdılar. Amma, qızılbaş əmir və əyanları söhbətin belə
aparılması ilə qətiyyən razılaşmırdılar. Bir gün isə onun məclisində
dedilər ki, məscidlərdə şer demək və divarlara şer yazmaq haramdır,
Qəzvin məscidinin divarlarısa camaatın yazdığı şerlərlə doludur.
İsmayıl Mirzə həmişə təşəyyö tərəfdarı olan Mir Zeynalabdin
Möhtəsib Kaşiyə məscidlərə gedib, divarlardan şerləri pozmaq
əmrini verdi. O da, gedərək, İsmayıl Mirzəyə xoş gəlsin deyə,
əmirəl-mömininin adını (Həzrət Əlinin - Ş.F.) və məsum imamlar
barədə yazılmış mədhiyyələri də pozdurdu. Bu iş bəzi adamların
xoşuna gəlmədi, türklər arasında söz-sov yarandı. Bəzi əmirlər və
əyanlar "Baği-Səadətabad" sarayında yığışıb belə dedilər: "Camaat
cənnətməkan şahın doğma oğlu və Şeyx Səfi və Əli ibn əbu-Talib
əleyhüssəlavatın fərzəndi olan mürşidimizin və vəlinemətimizin
məzhəbi barədə qəribə söhbətlər danışır və onu şahın düşmənləri ilə
dostluqda günahlandırırlar. [Amma] bu çətin ki, belə olsun.
Bilmirəm ki, belə söz-söhbətə səbəb nədir? Camaatın belə
danışığına səbəb nə olmuşdur? Bizim sədaqətimiz və sufigərliyimiz
müşkülata düçar olmuşdur. Bn müşkülatın həll olunması üçün
mürşidin (İsmayıl Mirzənin - Ş.F.) yanına getməyə cürətimiz
381
yoxdur. Bəzi ağsaqqallar və ağıllı adamlar deyirlər ki, belə söhbətlər
qızılbaş etiqadı ilə düzgün gəlmir və bu ailəyə qarşı küfrdür. Niyə
biz bu xüsusda olan ehtimallara inanaq? Yox, əgər əşrəf (İsmayıl
Mirzə -Ş.F.) tərəfindən bəzi məsələlər ortaya çıxmış və boşboğaz
adamların tənəsinə səbəb olmuşsa, bunun özü də əsassız deyildir. Bu
xüsusda heç danışmamaq məsləhətdir, çünki padşahın hüzurunda bu
haqda söhbət etmək biz bəndələr tərəfindən ədəbsizlikdir. [Bundan
başqa] kimin həddi vardır ki, bu barədə ondan bir söz soruşa
bilsin?".
İsmayıl Mirzənin sufilərindən və etibarlı adamlarından olan
və onun tərbiyət və nəvazişinə layiq görülən Ərdoğdu Xəlifə Təkəli
iradəli adam olduğu üçün dedi:
"Mən inanmıram (haşa) ki, bu məsələdə düzgünlük vardır.
Yox, əgər arxayın olmaq istəyirsinizsə, böyük əmirlər zümrəsindən
olan Əmir xan öz qazi və sufilərinin bir dəstəsi ilə başçı kimi ilə
hümayunun (şahın - Ş.F.) yanına gəlsin ki, mən o həzrətlə danışıb
sizin müşkülünüzü həll edə bilim".
Həmin məclisdə olan və şaha yaltaqlanmaq istəyən bəzi
izzəttələb adamlar tez-tələsik özlərini İsmayıl Mirzəyə çatdırıb ona
xəlvətcə dedilər:
"Başçıları Əmir xan və Ərdoğdu Xəlifə olan bir dəstə
türkman və təkəli əmirləri bir-biriləri ilə ittifaqa girərək deyirlər ki,
bizim padşahımız Haqqın məzhəbini tərk etmişdir. Onlar birləşib
həzrət şahı aradan götürmək və Tehranda olan İsgəndər şanlı
nəvvabın oğlu Sultan Həsən Mirzəni padşah etmək istəyirlər.
Ərdoğdu Xəlifə qızılbaşların arasında belə demişdir ki, qoy Əmir
xan gəlib mənə kömək etsin və mən irəli düşüb padşahla danışım".
Bir dəstə adam da məsələdə adı çəkilən şəxsin İsmayıl
Mirzəyə yaxın olan Xəlifə Ənsar olduğunu güman etdilər, onun
sabiq işlərin unudulması naminə İsmayıl Mirzəyə belə demiş
olduğunu bildirdilər. Düzünü Allah bilir.
İsmayıl Mirzə bu söhbəti eşidib pərişan oldu, o camaata
qarşı onun qəzəb şöləsi şiddətləndi. Əmir xanı yanına çağırıb ona
acıqla dedi:
"Siz məni qızılbaşların içində bədnam edib demisiniz ki,
mən güya təsənnün məzhəbini qəbul etmişəm. Siz belə deməklə
əhalinin mənə olan əqidəsini dəyişirsiniz".
Əmir xan ona mərdanə cavab verib dedi: "Bizim heç vaxt
belə niyyətimiz olmamışdır və mümkün deyil ki, biz həzrət şah
382
barədə səhv fikrə düşə bilək. Biz deyirik ki, əgər hərdənbir şah
məzhəb barədə bəzi söhbətlər edirsə, bütün bunların hamısı bu
mülkün işlərindən və müxaliflərin ürəklərini düz yola çəkməkdən
ötrü edilir. Amma, Mirzə Məxdum Şərifi işin üstündən pərdəni
götürüb nəvvab şahı bədnam etmişdir. O açıq-aşkar camaata deyir
ki, həzrət şahın təsənnünə meyli vardır və onunla şiə üləmaları
arasında o məzhəb barədə münaqişə düşmüşdür. Əgər həzrət şah bu
məsələdən şübhələnirsə qoy onu cəzalandırsın, daha bizim nə
günahımız var?".
İsmayıl Mirzə Ərdoğdu Xəlifəyə xitab edib dedi:
"Bax ki, Əmir xan sənin arxanda dayanıbdır və səni himayə
edir. Bu barədə nə bilirsənsə de".
O inkar etdi. Əmir xan şaha ərz etdi:
"Həzrət şah nə üçün qərəzkarların biz dövlətxah adamlara
qarşı olan sözlərinə qulaq asır? Niyə bu məsələnin yalan-
doğruluğunu bilmədən biz sadiqləri nifaq əhli güman edir?"
İsmayıl Mirzə dedi:
"Görünür ki, mənim qızılbaşlara padşahlıq etmək ləyaqətim
yoxdur, əgər belə olmasaydı, siz öz aranızda Sultan Həsən Mirzəni
Tehrandan gətirib padşah etmək istəməzdiniz".
Əmir xan qorxu-hürküsüz ərz etdi:
"Biz iyirmi ildir ki, nəvvab əşrəfin tərəfdarı və dostu kimi
hərəkət etmişik. Mətləbimizə yetişdiyimiz bir vaxtda biz nəyin
xatirinə xəyalımıza belə gəlməyən Sultan Həsənin padşahlığı barədə
düşünə bilərik?"
Xülasə, söhbət uzun çəkdi. Ərdoğdu Xəlifəni tutub sandığa
saldılar (yəni həbs etdilər - Ş.E). Dəftərxana daruğəsi olan Əlixan
bəyi öz qardaşı olan və onunla ədavət saxlayan Babur bəyin təhriki
ilə güya Ərdoğdu Xəlifə ilə əlbir olması bəhanəsi ilə həbs etdilər.
Özünün tərbiyəsi altında böyüyən Əmir xana və Müseyib xan
Təkəliyə isə dedi:
"Əgər doğruçu adamlarsınızsa məni Sultan Həsən tərəfdən
xatircəm edin".
Onlar istər-istəməz bu işə razılıq verdilər. Əmirlərdən olan
Kosa Əliqulu Türkman qırx dörd nəfər qorçi ilə belə alçaq əməlin
icrası üçün təyin edildi.
Yuxarıda məlumat verildiyi kimi, onlar Tehrana gedib bu
dövlətin izzət bulağının suyu ilə göyə ucalan həmin dövlət
çəməninin xoşbəxt nihalını qətl etdilər.
383
İsmayıl Mirzə bu hadisədən sonra türkman və təkəli
əmirlərinə qarşı bir qədər etimadsız oldu, ustaclı tayfasını
nəvazişləndirdi, Yegan Şahqulunun övladlarına vəzifə verdi. Belə
ki, o, Mürşidqulu Sultanı Sistana hakim göndərdi. Mürşidqulunun
qardaşı İbrahim Sultan isə öz əmisi övladlarına xidmət etməklə öz
ehtiramını qoruyub saxladı. Məhəmmədi xan Toxmağa Çuxur-Səd
əyalətini verdi. Məhəmmədi xanın əvəzinə Çuxur-Səd hakimi olmaq
istəyən Əbu Turab Sultana isə Şirvan əyalətini müəyyənləşdirdi.
Beləliklə, ustaclı tayfası arxayınlaşdı, qorxu və təşvişdən
qurtuldu.
Dostları ilə paylaş: |