01.10.2016
CANAN
Canan, görüb ol surətin hər huri xəcildir,
Eşqində olan kəs sənin onsuz da səfildir.
Hər kim ki, bizə düşmən olar dərdi taparlar,
Onsuz da mənim eşqimə düşmən nə qədər var,
Mən qorxuram ayrar bizi çün mərdiməzarlar,
Əlbəttə qırağdan bizi seyr edən pəxildir.
Qəlbim o gözəlsiz dəxi bir an qala bilməz,
Yəni ki, əlimdən onu bir kəs ala bilməz,
Heç kimsə mənim qəlbimə sultan ola bilməz,
Qəlbim sarayın padişahı təkcə o güldür.
Rişxənd eləyirlər məni peşman deyirlər,
Öz qəlbimə əlbət məni düşmən deyirlər,
Sevgim o qədərdi dəli-divanə deyirlər,
Əkrəm daha rüsvay olub aləmdə rəzildir.
03.10.2016
Dostları ilə paylaş: |
