26.09.2016
VAR
Əbəlfəz aşiqiyəm, şiəyəm öz yarım var,
Ən böyük sərvət ilə, dövlət ilə varım var.
Ah çəkib inləməyimdən gözümün rəngi solub,
Dinə düşmən bizi öz yarımdan ayrı salıb,
Necə, var bülbülün öz yarı fəqət ayrı qalıb
Mən çəməndən cüdayam, amma çəmənzarım var.
Odur aşiq verə canın qəlbən yara görə,
Uğruna baş qoya kim yar-vəfadara görə,
Kəsərəm qollarımı qolsuz Ələmdara görə,
“Ya Əbəlfəz”, deyərəm can verim, süarım var.
Ol ağır yarə qədər heç nə məni incitməz,
Şəhid oldum həmin ol yerdə çiçəklər bitməz
Əkrəma , göz yaşı birdən səni heç tərk etməz,
Tökürəm göz yaşı ki, qolsuz ələmdarım var.
Dostları ilə paylaş: |
