6 Atropatena dövləti və tarixi yeri
Atropatena dövlətinin yaranması
E.ə 323-cü ildə Makedoniyalı İsgəndərin ölümündən sonra onun yaratdığı imperiya ayrı ayrı dövlətlərə parçalandı, Azərbaycanın
cənubunda Atropatena dövləti,
şimalında isə
Albaniya dövləti yarandı. Atropatenanın ilk hökmdarı
Atropat olmuş və dövlət onun adıyla adlandırılmışdı.
E.ə 328-ci ildə Makedoniyalı İsgəndər Atropatı
Midiyanın satraptı (canişini) təyin etmişdi. Atropat İsgəndərə qarşı baş vermiş Barikas üsyanını yatırmış, öz qızının İsgəndərin nüfuzlu sərkərdəsi Perdikkiyə ərə verərək mövqeyini daha da gücləndirmişdi. İsgəndərin
ölümündən sonra onun imperiyasını müvəqqəti idarə etmək üçün Perdikkiyə tapşırılmışdı. Perdikki ilə qohunluq Atropatın mövqeyini
daha da möhkəmləndirdi və o, Midiya satraptı vəzifəsində qaldı.
E.ə 321-ci ildə Perdikkinin ölümündən sonra Atropatena müstəqil dövlətə çevrildi.
E.ə IV əsrin 20-ci illərində Artopat yeni müstəqil dövlətin hökmdarı
oldu.
Atropatena quldar dövlət idi. Dövləri qeyri məhdud hakimiyyətə malik padşah idarə edirdi. Padşah həmdə ordunun baş komandanı idi. Atropatenada cəmiyyətin yuxarı təbəqəsini nəsli zadəganlar, varlı quldarlar və dövlət məmurları təşkil edirdi.
