1 azərbaycan-tüRKİYƏ ƏlaqəLƏRİ son 20 İLDƏ: UĞurlar və İmkanlar

116
Azərbaycanla-Türkiyə arasında təhsil əlaqələri
türk  liseylərinin  türkiyəli  müəllimləri  tərəfindən  aparılır.  Dərslərin  daha 
keyfiyyətli  və  maraqlı  keçməsi  üçün  Türkiyə  Respublikasının  Bakıdakı 
səfirliyi həmin məktəblərin hər birində bir sinif otağını yeni məktəb mebeli 
ilə  yanaşı,  kompyuter  dəsti,  televizor  və  tələb  olunan  dərsliklərlə  təchiz 
edərək “Türk dili” kabineti təşkil edib. 
Türkiyə  tərəfi  ilə  təhsil  sahəsində  imzalanmış  protokolların  müvafiq 
bəndlərinə uyğun olaraq əməkdaşlıq istiqamətində görülən işlərin icrasına 
nəzarət,  qarşılıqlı  müzakirələrin  aparılması,  qarşıya  çıxan  problemlərin 
vaxtında  həll  edilməsi  üçün  müvafiq  təkliflərin  hazırlanması,  iki  ölkənin 
təhsil nazirlikləri arasında əməkdaşlığın inkişaf etdirilməsi məqsədilə hər iki 
tərəfin nümayəndələrindən ibarət yaradılan Daimi Komissiyanın fəaliyyəti 
tənzimlənir. Bu günə qədər Daimi Komissiyanın 8 iclası keçirilmişdir. 
Türkiyə  Respublikasının  milli  təhsil  naziri  Hüseyn  Çeliyin  dəvəti  ilə 
Azərbaycan  Respublikasının  təhsil  naziri  Misir  Mərdanovun  başçılıq 
etdiyi nümayəndə heyəti 2005-ci il 14-20 mart tarixində Türkiyədə olub. 
Səfərin  əsas  məqsədi Azərbaycan  ilə Türkiyə  arasındakı  təhsil  sahəsində 
aparılan çoxtərəfli və inkişaf etmiş əməkdaşlığın genişləndirilməsi, təhsil 
sənədlərinin  (xüsusilə  ali  təhsili  əhatə  edən)  qarşılıqlı  tanınmasına  dair 
danışıqların  aparılması  idi.  Azərbaycan  nümayəndə  heyəti  ilə  Türkiyə 
Respublikası Yüksək Öyrətim Kurulu Başqanlığı və Milli Təhsil Nazirliyi 
arasında qabaqcadan planlaşdırılmış danışıqlar zamanı ölkələrimiz arasında 
təhsil  sahəsindəki  ikitərəfli  əlaqələrin  inkişaf  etdirilməsi,  1993-cü  ildən 
etibarən  Türkiyə  tərəfindən  maliyyəşdirilən  “Böyük  Tələbə  Layihəsi” 
çərçivəsində  yüzlərlə  azərbaycanlı  gəncin  Türkiyənin  ən  qabaqcıl  ali 
məktəblərində Azərbaycan iqtisadiyyatının bugünkü tələblərinə cavab verən 
müasir ixtisaslar (o cümlədən tibb) üzrə hazırlanması, eyni zamanda türk 
gənclərinin dövlət və qeyri-dövlət xətti ilə Azərbaycanın ali məktəblərində 
təhsilləri ilə bağlı fikir mübadiləsi aparılıb. 
Azərbaycan  ali  məktəbləri  ixtisaslarının  Türkiyə  Ali  Təhsil  Şurası 
tərəfindən  tanınmasının  mahiyyəti  qeyd  olunmalıdır.  Türkiyənin  təhsillə 
bağlı  milli  qanunvericiliyi  və  Ali  Təhsil  Şurasının  qaydalarına  görə, 
türkiyəli  gənclər  xarici  ölkə  ali  məktəblərinin  yalnız  Ali  Təhsil  Şurası 
tərəfindən tanınan ixtisasları üzrə təhsil ala bilərlər. Əks halda onlar tələbə 
kimi  Türkiyə  tərəfindən  tanınmır,  nəticədə  aldıqları  diplomları  tanıtmaq 
üçün  çox  ciddi  problemlərlə  üzləşirlər.  Buna  görə,  türkiyəli  gənclər  bu 
və  ya  digər  xarici  ölkədə Ali  Təhsil  Şurası  tərəfindən  tanınan  müəyyən 
ali məktəblərin konkret ixtisasları üzrə təhsil ala bilərlər.  Burada maraqlı 
cəhətlərdən biri də ondan ibarətdir ki, türkiyəli abituriyentlər ölkələrində 

---