1. İdarəetmə prinsipləri

K(p) = b_op^m + b₁p^{m - 1}+ ... + b_m surəti ötürülmənin operator qiyməti adlanır. Onun kökləri, K(p) = 0 və W(p) = 0 olduğu zaman ötürmə funksiyasının sıfırları adlanır.

Məlum ötürmə funksiyalı AİS bəndi dinamik bənd adlanır. O, daxilində ötürmə funksiyanın ifadəsi yazılan düzbucaqlı kimi göstərilir. Yəni bu, funksiyası dinamik rejimdə çıxış parametrinin giriş parametrindən riyazi asılılığı kimi verilən adi funksional bənddir. İki giriş və bir çıxışı olan bənd üçün girişlərin hər biri üzrə iki ötürmə funksiya yazılmalıdır. Ötürmə funksiyası dinamik rejimdə bəndin əsas xarakteristikasıdır ki, bütün qalan xarakteristikaları ondan almaq mümkündür. O, yalnız sistemin parametrləri ilə müəyyən edilir və giriş və çıxış kəmiyyətlərindən asılı deyil. Məsələn, dinamik bəndlərdən biri inteqratordur. Onun ötürmə funksiyası W_и(p) = 1/p. Dinamik bəndlərdən ibarət olan AİS sxeminə struktur sxem deyilir.