3
KIRISH
Mavzuning dolzarbligi.
Respublikamiz Prezidenti Sh.M.Mirziyoyev
Konstitutsiya qabul qilinganligining 25 yilligiga bag’ishlangan
tantanali
marosimda “Bugun hayotimizning o’zi Konstitusiyamizda ifodasini topgan eng
asosiy maqsad – inson manfaatlarini har tomonlama ta’minlash masalasini dolzarb
masala qilib qo’ymoqda. Inson manfaatlarini ta’minlash uchun eng avvalo odamlar
bilan, xalq bilan muloqat qilish, ularning dardu tashvishlari, orzu-niyatlari, hayotiy
muammo va ehtiyojlarini yaxshi bilish kerak” deya ta’kidladilar. Ma’lumki
mamlakatimiz hayoti, kelajagi uchun ulkan tarixiy ahamiyatga ega bo’lgan
strategik rejalar belgilab berilgan.
Jumladan, mazkur ma’ruzada siyosiy madaniyat
va uni yuksaltirish bilan
bog’liq bo’lgan asosiy bosh vazifalar ham belgilab berildi va siyosiy madaniyat
omilini har tomonlama rivojlantirishdan ko’zlangan
yangi strategik maqsadlar
ilmiy jihatdan yanada aniqroq asoslandi. Birinchi Prezidentimiz I.A.Karimov o’z
nutqida “odamlarning siyosiy ongi,
siyosiy madaniyati, siyosiy faolligi yuksalib
borgani sari, davlat vazifalarini nodavlat tuzilmalar va fuqarolarning o’zini-o’zi
boshqarish organlariga bosqichma-bosqich o’tkazib borish zarurligini ” haqida fikr
bildirgan.
Shuningdek, Prezidentimiz “Jamiyatimiz
mafkurasi xalqni-xalq, millatni
millat qilishga xizmat etsin” nomli asarida “milliy siyosiy madaniyat, o’zligimizni,
muqaddas an’analarimizni anglash tuyg’ularini, xalqimizning ko’p asrlar davomida
shakllangan
ezgu orzularini, jamiyatimiz oldiga bugun qo’yilgan oliy maqsad va
vazifalarni qamrab olishini” ham alohida ta’kidlab o’tgan.
Siyosatshunoslik fanida siyosiy psixologiya kelajagi porloq soha sifatida XX
asr o’rtalarida e’tirof etilgan bo’lsa ham u rasman oradan bir necha o’n
yilliklar
o’tgach tan olina boshlandi. Siyosiy psixologiya turli siyosiy tuzumlarda o’ziga
xos tarzda paydo bo’lgan va rivojlangan.
Dostları ilə paylaş: