4.4. Mərkəzi Avropanın Hertsin qırışıqlığı sahəsi.
Bu fiziki-coğrafi sahə qərbdə Fransanın hertsin qırışıqları sahəsi ilə həmsərhəd olan Lotaringiya yaylası və Arden dağlarından başlayaraq, şərqə doğru tədricən ensizləşir. Kiçik Polşa yüksəkliyində yerləşən Keletsk-Sandomir kryajı fiziki-coğrafi sahənin şərq qurtaracağı hesab olunur. Şimalda Almaniya-Polşa ovalığı, cənubda isə Alp və Karpat dağları ilə haşiyələnmişdir.
Dördüncü dövr buzlaşması sahənin ancaq şərq qurtaracağına təsir göstərmişdir.
Mərkəzi Avropanın hertsin qırışıqları sahəsinin şərq qurtaracağı Kiçik Polşa yüksəkliyidir.
Əsasən qonur meşə torpaqları, iynəyarpaqlı meşələr zonasında isə podzol torpaqlar yayılmışdır.
Mərkəzi Avropanın hertsin qırışıqları sahəsini relyef və iqlim xüsusiyyətinə görə aşağıdakı vilayətlərə ayırmaq olar: 1) Lotaringiya yaylası ilə birlikdə Vogez və Şvarsvald dağları; 2) Yuxarı Reyn ovalığı; 3) Reyn Şistli dağları; 4) Şvab və Frankon yaylaları; 5) Çexiya massivinin kənar yüksəklikləri; 6) Çexiya-Moraviya yaylası; 7) Turingiya hövzəsi; 8) Kiçik Polşa yüksəkliyi.
Dostları ilə paylaş: |
