48 – dars. Bobni takrorlashga doir topshiriqlar
Darsning blok-chizmasi: D jadval
O’tilganlarni takrorlash avvalgi mavzular materiallari va darslikning shu mavzusida berilgan vazifalar yordamida amalga oshiriladi.
Uyga vazifa:
1. Darslikdagi ishlanmay qolgan yoki qo’shimcha misollar.
2. Bobni takrorlash va nazorat ishiga tayyorlanish.
49 – dars. Nazorat ishi-6 o’tkazish
Darsning blok-chizmasi: F jadval
Nazorat amaliy ish ko’rinishida o’tkazilishi maqsadga muvofiq. Amaliy ish vazifalariga namunalar.
I variant
1. Agar A soni R sonidan kichik bo’lsa H=99*A+R ni, aks holda H=99*R+A ni hisoblab chiqaruvchi dastur tuzing.
2. A butun qiymatli massivning juft elementlari yig’indisini hisoblovchi dastur tuzing.
3. Berilgan B so‘zda “a” belgi qaysi o’rindaligini aniqlovchi dastur tuzing.
4. Berilgan R radiusli chegarasi oq ichi sariq rangga bo’yalgan markazi (19,96) bo’lgan doira chizuvchi dastur tuzing.
5. “Madhiya.txt” nomli fayl hosil qilib, madhiyamizning birinchi satri so’zlarini faylning alohida satrlariga yozib qo‘yuvchi dastur tuzing.
II variant
1. V, N, M berilgan. Agar V km/soat tezlikli chumoli N soatda M km ni bosib o’ta olsa “HA”, aks holda “YO’Q” degan javob chiqaruvchi dastur tuzing.
2. A massivning musbat elementlari yig’indisini hisoblovchi dastur tuzing.
3. Berilgan A satrdagi barcha “m” harflarini o’chirib chiqaruvchi dastur tuzing.
4. Uzunligi 21, 7, 63 ga teng parallel, ranglari yashil, sariq va qizil to’g’ri chiziq chizuvchi dastur tuzing.
5. “Ko’k_somsa.txt” faylini ochib undagi birinchi satrni ekranga chiqaruvchi dastur tuzing.
III variant
1. Berilgan butun son A manfiy bo’lsa uning modulini yarmini hisoblovchi dastur tuzing.
2. A massivning 1 dan kichik elementlari yig’indisini hisoblovchi dastur tuzing.
3. Berilgan A satrdagi barcha “m” harflarini sanab chiquvchi dastur tuzing.
4. Bir-biriga tegib turgan radiuslari 100 va 300 bo’lgan markazlari rangli aylana chizuvchi dastur tuzing.
5. “Navro’z.txt” fayliga 4 ta bahor taomi nomini har ikkitasini yonma-yon joylashtirib yozuvchi dastur tuzing.
Dostları ilə paylaş: |