Amid Səlimoğlu “Ruhilər”
Nə fikirləşirsən, əziz oxucu? Necə olacaq bu
Yüklə 1,85 Mb. Pdf görüntüsü
|
|
Nə fikirləşirsən, əziz oxucu? Necə olacaq bu
biçarə, yazıq Sabirin halı? Düzələcəkmi yoxsa elə belə gedəcək? Vallah mən heç inanmıram. Səbəbini istəyirsənsə, deyərəm. Sən də mənim qərarımın düz ya səhv olduğunu özlüyündə düşünər, öz qərarını verərsən. Mənə görə heç nə Amid Səlimoğlu Bəyaz Dəhliz 15 dəyişməyəcək. Çünki Sabir bu dünyanın adamı deyil! Ona görə də həmişə dönüb-dolaşıb eyni həyatı yaşamağa məhkum olacaqdır. Mən bəd insan deyiləm. İnan mənə. Gördüklərimi, eşitdiklərimi deyirəm sənə. Amma bir ümid var isə sənin qəlbində, o zaman mənə düşən hekayənin qalanını nəql etməkdir. *** Səhər hər kəs dünən olanları yenidən təkrarlamağa başlamış, Yasəmən işə, Aytac məktəbə getmişdi. Rüfətlə evdə isə Sabir qalmışdı. Bugün harasa getmək fikri yox idi. Gediləsi bir yer qalmadığından eləcə evdə oturub Rüfətə baxacaqdı. Yasəmən isə səhər erkəndən Fəridə xanımın evinin yolunu tutmuşdu. Fəridə xanımın evi şəhərin mərkəzində yerləşirdi. Yasəmən ora getmək üçün üç marşrut dəyişməli olurdu. Buna görə də səhər erkəndən evdən çıxırdı. Fəridə xanım bugün evdə olacaqdı. Banka getməyəcək, evdən işləri idarə edəcəkdi. Ona görə də, Yasəməni çağırmışdı. Evi təmizlətdirəcəkdi. Yasəmən binaya daxil olduqdan sonra pilləkənlə dördüncü mərtəbəyə çıxdı. Fəridə xanımın qapısına çatıb zəngi basdı. Heç bir dəqiqə belə Amid Səlimoğlu Bəyaz Dəhliz 16 keçməmişdi ki, qapını Fəridə xanımın bacısı Gülər açdı. – Salam, Gülər xanım. Sabahınız xeyir. – Sabahın xeyir, Yasəmən. Gəl. Xoş gəlmisən. – Sağ olun. – Yasəmən içəri girərək ayaqqabılarını çıxardı. – Fəridə telefonla danışır. Sən keç içəri. – Yaxşı. Yasəmən hamama girərək paltarlarını dəyişdikdən sonra oradan çıxaraq qonaq otağına keçdi. Fəridə xanım hələ də telefonla danışırdı. Yasəməni görüb gülümsəyərək başını yellədi. – Necə istəyirsiniz. Maaşı varsa, lap yaxşı. Yoxdursa, pensiya kartı ilə də kredit götürə bilər. Nə lazımdırsa, mən kömək edərəm. Təki ürəklərincə olsun. – Xəttin digər tərəfində danışanı dinləməyə başladı. – Aydındır. Çox sağ olun. Tezliklə görüşənədək. – Telefonu söndürüb masanın üzərinə qoydu. Sonra isə Yasəmənə baxaraq dedi. – Xoş gəlmisən, gözəl. Necəsən? – Sağ olun, Fəridə xanım. Yaxşıyam. Siz necəsiniz? – Mən də yaxşıyam. – İstəyirsənsə, otur dincəl. Bir çay iç. Sonra işə başlayarsan. – Yox, sağ olun. Mən elə işə başlasam yaxşıdır. Amid Səlimoğlu Bəyaz Dəhliz 17 – Necə istəyirsən. Onda elə burdan başla. Sabaha qonaqlarım olacaq. Ona görə də, istəyirəm hər yer təmiz olsun. – Narahat olmayın. Tərtəmiz edərəm hər yeri. Yasəmən əlində tutduğu yaş parça ilə şkafların üstünü silməyə başlamışdı. Fəridə xanım ilə bacısı isə divanda oturaraq söhbət edirdilər. Fəridə xanımın yaşı qırxı ötərdi ya yox. Neçə il idi ki, bankda işlədiyindən əhatəsi də geniş idi. Həyat yoldaşı Şamil bəy isə xəstəxananın baş həkimi işləyirdi. Fəridə xanımla həyat yoldaşı yaxşı insanlar idi. Fəridə xanımın iki oğlu, bir qızı vardı. Qızı aytacdan dörd il böyük olduğundan Fəridə xanım qızının geymədiyi paltarlarını onun üçün verərdi. Bəzən elə olurdu ki, Fəridə xanım Aytac üçün təzə paltarlar alar, qızının köhnə paltarları deyə Yasəmənə verər, könlünü xoş tutmağa çalışardı. Yasəmən isə onun xətrini əziz tutar, nə zaman istəsə, qulluğunda hazır durardı. – Yasəmən, ərin necə oldu? Bir iş tapa bildi? – Yox, ay Fəridə xanım. İşsizdir elə. – Yasəmən parçanı su ilə dolu vedrəyə salıb yumağa başladı. – Mən də neçə adama demişəm. Ancaq bir xəbər verən yoxdur. Vallah indiki zamanda iş tapmaq da çətindir. – Niyə işləmir ki? Amid Səlimoğlu Bəyaz Dəhliz 18 – İşləyirdi, Gülər xanım. Ancaq bu virus yayılanda işlədiyi şirkət neçə ay bağlı oldu. Sonrada bəzi işçiləri saxlayıb çoxunu da çıxardılar. – Nə qədərdir ki, işsizdir? – Gülər maraqla soruşdu. – Səkkiz ay olar. – Ay qız, o kişini neynirsən? Mən olsam, çoxdan boşamışdım. – Gülər qəhqəhə ilə gülməyə başladı. Yasəmən Gülərin sözlərinə pis olsa da, o da gülümsədi. – Gülər xanım, nə olsun ki, işsizdir. Ancaq Sabir yaxşı insandır. Doqquz ildə mənə güldən ağır bir söz belə deməyib. Nə içkisi var, nə siqareti. İndi işləri alınmır deyə, ayrılmazlar ki. – Doqquz il? Sənin neçə yaşın var ki? – Gülər çayından bir qurtum alaraq saymazyana soruşdu. – İyirmi yeddi. – Yasəmən ona baxmadan cavab verdi. – Allah haqqı tez evlənmək də bir şey deyil. Sən elə mənimlə eyni yaşdasan. Gərək adam əri də seçəndə yaxşı-yaxşı fikirləşə. Mənim ərim məni ildə bir dəfə xaricə gəzməyə aparmasa, Vallah öldürərəm onu. – Gülər yenidən qəhqəhə ilə güldü. Yasəmən əsəbindən əlindəki parçanı masaya daha möhkəm sürtürdü. Güləri bir neçə dəfə görmüşdü. Ancaq ulduzu onunla heç barışmamışdı. Amid Səlimoğlu Bəyaz Dəhliz 19 Gülər özündən razı biri idi. Qarşısındakı insana malına, mülkünə görə hörmət edirdi. Fəridə xanımla bacı olsalar da, ancaq bir-birinə zidd insanlar idilər. Ona görə də, Yasəmən ondan heç xoşlanmaz, onun atmacalı sözlərini eşitməməzlikdən gələrdi. – Təki canımız sağlam olsun. Qalan hər şey zamanla düzələr. – Yasəmənin boğazı düyünlənmişdi. Əsəbi olsa da, bunu bildirməməyə çalışırdı. – Bəs oxumaq istəmədin? – Gülər Yasəmənin üstünə daha çox getməyə başlamışdı. – Yoxsa ər çörəyi yeyib oturmağı fikirləşirdin? – Kinayə ilə soruşdu. – Atamgilin imkanı yox idi, məni oxutsunlar. Yoxsa mən də istəyərdim, oxuyum, təhsilim olsun. – Yenədə oxusaydın, yaxşı olardı. Uşaqlara da indi düzgün tərbiyə verə bilməyəcəksən. – Niyə elə deyirsiniz? Mən uşaqlarıma çox gözəl tərbiyə verirəm. Təhsilim olmasa da, onları öyrədəcək savadım var. – Yasəmən əsəblə dedi. Ancaq Fəridə xanıma görə, səsinin tonunu aşağı saldı. – Bizə tərbiyə verənlərin də savadları olmayıb. Elə bu an Fəridə xanımın əlindəki stəkan sınaraq içindəki çayla birlikdə yerə dağıldı. – Ay Allah, bu bir həftədə neçənci stəkandır ki, sınır. Heç yaxşı stəkanlar deyil. – Fəridə xanım əyilərək stəkan qırıntılarını yığmağa başladı. |