Kəllə qapağı sümüklərin fiziki quruluşundakı fərq. Kəllə sümükləri bəzi xüsusiyyətərinə görə başqa sümüklərdən fərqlənir. Kəllənin beyin hissəsi əsasında və üz skeletinin bəzi sümüklərində ciblər vardır. Ciblərdə hava olduğuna görə onlar havalı sümük adlanır. Ona görə də bu sümüklər yüngül və möhkəm olurlar. Havalı sümüklərə: alın, əng, əsas, gicgah, xəlbir sümükləri aiddir.
Sümük iliyi (medulla ossium) qanyaradıcı orqanlara aiddir.Bundan başqa o, orqanizmin mühafizəsində, sümüyün qidalanmasında və inkişafinda iştirak edir. Sümük iliyi 2 növdür:
1-qırmızı sümük iliyi
2-sarı sümük iliyi
Qırmızı sümük iliyi qan damarları və qan elementləri ilə zəngin olduğu üçün rəngi qırmızı olur. Bu növ sümük iliyi dölün və yeni doğulmuş uşaqların bütün sümüklərində təsadüf edilir. Yaş artdıqca qırmızı sümük iliyi sarı sümük iliyi ilə əvəz olunur. Yetişmiş şəxslərdə qısa və yastı sümüklərdə və uzun sümüklərin epifizlərində həyat boyu qırmızı sümük iliyi qalır.
Sarı sümük iliyi isə, əsasən, piy toxumasından ibarət olduğu üçün rəngi sarı olur. Uzun sümüklərin diafizində sümük iliyinə məxsus kanalda yerləşir.
Dostları ilə paylaş: |
