Axborot texnologiyalari va jarayonlarni matematik modellashtirish

Izohlar. Siz dastur yozayotgan vaqtingizda nima ish qilmoqchi ekanligingiz doimo aniq bo`ladi. Lekin bir oy yoki bir yildan so`ng bu dasturga qaytish lozim bo`lsa dasturga tegishli detallar va ularning vazifalari nimadan iborat ekanligini bilmasligingiz mumkin.
Dasturni butunlay xotirangizdan o`chirib yubormaslik va boshqalarga ham tushunarli bo`lishi uchun izohlardan foydalanish lozim. Izohlar kompilyator tomonidan tushirib qoldiriladigan dasturning alohida satrida yoki butun bir blokida qo`llaniladi.
/* va */ belgilar orasidagi har qanday ifoda izoh hisoblanadi.
// belgidan keyin qatordagi har qanday ifoda izoh hisoblanadi.
// C++ tilida yozilgan eng oddiy ko`rinishdagi dastur tuzilmasi
# include /* direktiva orqali chaqirilgan sarlavha fayli*/ using namespace std; //Dev C++ muhitida qo’yilishi lozim
int main() /* dasturga kirish nuqtasini ko`rsatuvchi funksiya*/
{ /* blokning boshlanishini qayd qiluvchi figurali qavs*/ cout << "Salom"; /* natijani ekranga chiqarish operatori*/
/*va ular oxirini ko`rsatuvchi nuqta vergul belgisi/*
return 0; //funksiya qiymat qaytaradi.
} // blokning tugashini qayd qilish
Ushbu dastur C++ tili qoidalariga rioya qilingan holda yozilgan.
Dastur matnidagi ishlatilgan nuqta vergul ko`rsatma oxirini qayd qiladi va u ajratgich deb ataladi. Ajratgich kompilyatorga ko`rsatma tugaganligini va undan keyin boshqa ko`rsatma berilishi yoki dastur tugashi kerakligini bildiradi. Har bir
alohida ko`rsatma oxiriga albatta nuqta vergul qo`yilishi lozim. Har bir qator oxiriga emas, balki alohida tugallangan ko`rsatma oxiriga nuqta vergul qo`yiladi. Ba`zan ko`rsatma bir qatorga sig`maydi va ikkinchi qatordan davom ettiriladi. Bu holda ko`rsatma tugagandan keyin bir marta nuqta vergul qo`yiladi.
3– misol.
# include using namespace std; int main()
{ cout <<"Salom, Men Muhammedov Mirshodman. Buxoro shahrida istiqomat qilaman.”;
cout <<“Dastur tuzish yaxshi va bu mening birinch dasturim."; return 0;}
Dastur ishga tushirilsa ekranga quyidagi ikki qatordan iborat bo`lgan ma`lumot chiqadi.
Salom, Men Muhammedov Mirshodman. Buxoro shahrida istiqomat qilaman. Dastur tuzish yaxshi va bu mening birinch dasturim.
C++ tili erkin formatli til hisoblanadi. Shuning uchun dastur qatori qayerdan boshlanishi va cheklagichlar qayerga qo`yilishi ahamiyatga ega emas. Yuqoridagi misolni bir necha xil usulda yozsak ham natija bir xilda bo`laveradi.
Dastur yozishda har bir dasturchining o`z uslubi mavjud. Ammo shunday bo`lsada har bir dasturchi ma`lum bir tartibga rioya qilgan holda, dasturning o`qilishini osonlashtirish maqsadida, probellardan unumli foydalanishi lozim. Chunki, kompilyatsiya jarayonida dastur matnidagi probellar olib tashlanadi.
Dastur matni o`qimishli bo`lishi uchun bir qancha tavsiyalarni berib o`tamiz va ularga rioya qilsangiz maqsadga muvofiq bo`lar edi.

• 
  Doimo main() funksiyasini alohida qatorga yozing.
  
• 
  Doimo ochuvchi va yopuvchi figurali qavslarni alohida qatorga yozing.
  
• 
  Dastur matnini tabulyatsiyadan foydalangan holda yozing. Agar matn hajmi katta bo`lsa chekinishlar yordamida dastur tuzilmasini tushunarli tarzda
  

yozish va mantiqiy birliklarini ajratish natijasida uni ancha o`qimishli qilishingiz mumkin.
Bu talablarga rioya qilishingiz natijasida sizning dasturingiz matni boshqa dasturchilar uchun ham o`qimishli bo`ladi. Dasturda ortiqcha yoki kam sondagi probellarning bo`lishi kompilyator uchun ahamiyatga ega emas. Ammo qavslar va nuqta vergullarning tushirib qoldirilishi xatolik hisoblanadi. Bu ko`rinishdagi xatoliklar sintaksis xatoliklari deb ataladi. Sintaksis xatoliklar tuzatilgandan so`ng kompilyator ishchi dastur kodini yarata oladi.