Ayətullah məHƏMMƏd məHƏMMƏDİ reyşƏHRİ İslamda aiLƏ SƏADƏTİ Mütərcim: Dr. Əfzələddin Rəhimov

20. Allahın rəsulu (s): Hər kimin övladı evlilik yaşına çatdıqda, onu evləndirmək imkanı olduğu halda, (bundan imtina etsə,) övladı günah etdikdə onun (valideyninə) yazılar.⁵
21. Allahın rəsulu (s): Tövratda belə yazılıb: Hər kimin qızı on iki yaşına⁶ şatdıqda onu ərə verməsə, qızı bu səbəbə günaha batsa, onun günahı valideyninin boynunadır.⁷
22. Allahın rəsulu (s): Hər kəs qızını evləndirsə, qiyamət günü onun başına şahlıq tacı qoyular.¹
23. Nəsrüd-dür: Allahın elçisindən (s) belə rəvayət olunur: Oğlan və qızlarınızı evləndirin!
Soruşdular: Ey Allahın peyğəmbəri! Oğlanlarımızı evləndirə bilərik, (bu iş asandır,) amma qızlarımızı necə ərə verək?
Buyurdu: Onları qızıl və gümüşlə bəzəyin, onlara gözəl paltarlar geyindirin və yaxşı cehiz verin ki, istəyənləri tapılsın.²
4\1

Ərsiz qadınları evləndirmək

وَ أَنْكِحُوا الْأَيامى‏ مِنْكُمْ وَ الصَّالِحينَ مِنْ عِبادِكُمْ وَ إِمائِكُمْ إِنْ يَكُونُوا فُقَراءَ يُغْنِهِمُ اللَّهُ مِنْ فَضْلِهِ وَ اللَّهُ واسِعٌ عَليمٌ
Qurani-kərim:
(Ey möminlər!) Aranızda olan subay kişiləri və ərsiz qadınları, əməlisaleh (yaxud evlənməyə qabil) kölə və cariyələrinizi evləndirin. Əgər onlar yoxsuldurlarsa, Allah öz lütfü ilə onları dövlətli edər. Allah (lütfü, mərhəmətilə) genişdir, (hər şeyi) biləndir!³
Hədislər:
24. Allahın rəsulu (s): Evlənin və ailə qurun! Agah olun! Müsəlman kişinin bir qadının (ailəsinin) gündəlik ehtiyaclarını ödəməsi, onun xoşbəxtliyindəndir. İslam dininə görə, Allah-təala yanında heç bir şey, evliliklə abad olan ev qədər dəyərli deyildir.¹
25. Allahın rəsulu (s): Hər kəs, iki mömini bir-birinə qovuşdurmaq üçün səy göstərsə, Allah-təala (axirətdə) ona dürr və yaqutdan olan saraylarda məskunlaşmış min huri ilə evləndirər. Onun bu yolda atdığı hər addıma və ya söylədiyi hər kəlməyə görə, bir il gecələr ibadətlə məşğul olub, gündüzlər oruc tutmağın savabı verilər.²