Az eBook Archive
Yüklə 1,57 Mb. Pdf görüntüsü
|
|
Mən meditasiya ilə məşğul olmuş, seminarlarda iştirak et-
miş, mənəviyyat haqqında çoxlu kitablar oxumuşam və müqa- 253 vimət göstərməmək durumunda olmağa çalışmışam. Ancaq məndən həqiqi və daimi daxili dincliyə nail olmağın yolunu tapıb-tapmadığımı soruşsanız, düzgün cavabım “yox” olacaq. Bəs niyə onu tapa bilməmişəm? Başqa nə edə bilərəm? Sən dincliyi hələ də kənarda axtarırsan, ona görədə, axtarış çərçivəndən çıxa bilmirsən. Bəlkə də, növbəti se- minar sənə lazımı cavabı verə, ya da yeni texnika göstərə bilər. Mən bunu deyə bilərəm: “Dinclik axtarma. İndi olduğundan fərqli bir durum axtarma, yoxsa özünə daxili qarşıdurma yaradacaq və şü- ursuz müqavimətə girəcəksən. Özünü rahatlıq tapa bil- mədiyinə görə, bağışla. Öz narahatlığını tamamilə qəbul et- diyin an, o dincliyə çevrilməyə başlayır. Bütövlükdə qəbul et- diyin hər şey sənə dinclik gətirəcək. Bu elə təslimiyyət möcüzəsidir”. & Yəqin ki, 2000 il qabaq aydınlanmanın böyük usta- dının istifadə etdiyi “biri yanağına vurduqda o biri yana- ğını çevir” ifadəsini eşitmisən. O, müqavimətsizliyin və reaksiyasızlığın sirrini simvolik şəkildə verməyə çalışıb. Bu və ya digər fikirlərlə o həyatının xarici mühafizəsinin yox, daxili reallığının qayğısına qalıb. Banzan haqqında əhvalatı eşitmisən? Banzan böyük Dzen ustadı olmamışdan qabaq uzun illər aydınlanma axtarıb, ancaq onu həmişə əlindən qaçırıb. Ancaq bir dəfə bazara gedərkən, təsadüfən qəssabla müştərinin söhbəti- ni ötəri eşidib. – Mənə ətin ən yaxşı yerindən ver, – müştəri xahiş edib və qəssab cavab verib: – Məndə pis ət yoxdur, hamısı yaxşıdır. Burada yaxşı olmayan heç bir tikə yoxdur. Banzan bunu eşidən kimi aydınlanıb. Görürəm, izahat gözləyirsən. Əgər sən olanı qəbul edirsənsə, onda hər bir tikə, yəni hər bir an yaxşıdır. Ay- dınlanma da elə budur. Şəfqətin Təbiəti İdrakin yaratdığı ziddiyyətlərin hüdudlarından kə- nara çıxdıqda, dərin göl kimi olursan. Həyatının zahiri şəraiti və onda baş verən hadisələr bu gölün səthidir. O bəzən sakit, bəzənsə dövrlərin və fəsillərin dəyişməsinə müvafiq olaraq coşqun və dalğalı olur. Ancaq aşağıda, dərinliyində göl həmişə sakitdir. Sən təkcə gölün səthi deyil, bütövlükdə özüsən və həmişə sakit qalan dərinliyinə bağlısan. Sən xəyalən hər hansı situasiyadan yapışaraq, dəyişikliyə müqavimət göstərmirsən. Daxili dincliyin ona bağlı deyil. Sən dəyişməz, zamanxarici, ölməz Varlığa sadiqliyini qoruyursan, daha formaları durmadan dəyişən xarici dünyada özünü reallaşdırmağı və xoşbəxt olmağı bacarıb-bacarmamağından asılı deyilsən. 254 255 S ən o formalardan ləzzət ala, onlarla oynaya, yeni formalar yarada və onların gözəlliyini dəyərləndirə bilərsən. Ancaq daha onların hər hansı birinə asılılıq ehtiyacı duymayacaqsan. Bu qədər müstəqil olanda, bu nəticə etibarilə başqalarından uzaqlaşmaq mənası vermirmi? Əksinə. Nə qədər ki Varlığın fərqində deyilsən, öz re- allığını tapa bilmədiyin üçün başqa insanların da reallığı- nı görməyəcəksən. Sənin idrakın onların formalarını, o cümlədən də idraklarını ya sevəcək, ya da sevməyəcək, bu forma dediyim onların ancaq bədənlərini deyil həmdə zehinlərini əks etdirir. Həqiqi münasibətlər ancaq Varlı- ğın fərqinə varanda mümkün olur. Sən Varlığın fərqində- liyindən çıxış edərək, başqasının bədənini və zehnini adi pərdə kimi qəbul edəcəksən. Eynilə özününkünü hiss et- diyin kimi bu pərdənin arxasında onun əsl reallığını da hiss edə bilərsən. Beləliklə, əgər iztirabla, ya da kiminsə şüursuz davranışı ilə qarşılaşsan, mövcud qalacaq, Varlıq ilə vəhdətini dərk edəcəksən. Beləcə, formadan o tərəfə baxa, başqasının şüalanmasını və saf Varlığını özününkü kimi hiss edə bilərsən. Varlıq səviyyəsində bütün əzablar illüziya kimi qəbul olunur. Axı əzabları forma ilə eyniləşmə gətirir. Bəzən bunu dərk etməklə, başqalarında 256 Varlıq şüurunu oyatmaqla (əlbəttə, onlar hazırdırlarsa), əsl sağalma möcüzələri baş verir. Yüklə 1,57 Mb. Dostları ilə paylaş:
|