Az eBook Archive
Yüklə 1,57 Mb. Pdf görüntüsü
|
|
Tam şüurlu olan adamın qarşılıqlı münasibətlərə yenə eh-
tiyacı olacaqmı? Kişi yenə qadına əvvəlki tək meyil edəcəkmi? Qadın kişisiz özünü yenə natamam hiss edəcəkmi? Aydınlanmış olub-olmamağından asılı olmayaraq, sən ya kişisən, ya da qadın. Ona görə də, forma kimliyi səviyyəsində tam deyilsən. Sən yalnız bütövün yarısısan. Bu yarımçıqlıq nə qədər şüurlu olursan-ol, kişiylə qadının qarşılıqlı meylində, əks enerji qütbünə çəkilmə formasın- da hiss olunur. Ancaq mənəvi qovuşma halında olarkən sən qarşılıqlı meyli haradasa öz həyatının səthində, kənarlarında hiss edə bilərsən. Bu durumda sənə nə olur- sa-olsun, o yalnız bu şəkildə hiss olunur. Bütün dünya nəhəng və dərin okeanın səthindəki dalğa və ya ləpə kimi qəbul olunur. Sən bu okeansan və təbii ki, bununla yanaşı həm də ləpəsən, ancaq okeanla öz həqiqi eyniliyini dərk edən ləpə. Ancaq okeanın sonsuzluğu və dərinliyi ilə mü- qayisədə dalğalar və ləpələr dünyası o qədər də əhəmiy- yətli deyil. Ancaq bu o demək deyil ki, artıq başqa insanlarla və ya partnyorunla dərin əlaqələrin yoxdur. Əslində başqaları ilə yalnız Varlığı dərk edəndə dərindən bağlı ola bilərsən. Varlıqdan çıxış edərək pərdə arxasındakı formaları görə bilərsən. Varlıqda kişi və qadın eynidir. 228 Sənin forman hələ müəyyən ehtiyaclar tələb etməyə da- vam edə bilər, amma Varlıqda bu yoxdur. O mükəmməl və bütövdür. Əgər bu ehtiyaclar ödənilibsə, bu çox gözəl- dir, ancaq onların qarşılanıb-qarşılanmaması, sənin dərin daxili durumun üçün heç nəyi dəyişmir. Ona görə də, aydınlanmış insan üçün, kişi və ya qadın qütblərindəki ehtiyaclar ödənməsə də daxilən bütöv, reallaşmış və sakit olmaq, mümükündür; yəni kişi və ya qadının həyatında yarımçıqlığın və ya çatışmazlığın olması önəmli deyil. Gey olmaq aydınlanma axtarışına kömək edir, mane olur, yoxsa bunun da əhəmiyyəti yoxdur? Yetkinlik yaşına çatanda hamı kimi “olmadığını” dərk etməyinin ardınca gələn seksual orientasiyanın qey- ri-müəyyənliyi səni cəmiyyətdə qəbul olunan düşüncə və davranış standartlarından imtinaya vadar edə bilər. Bu sənin şüur səviyyəni avtomatik olaraq digər miras alın- mış obrazları sorğulamadan qəbul edən şüursuz əksəriy- yətin üzərində yüksəldəcəkdir. Bu mənada gey olmaq kömək edə bilər. Hər hansı səbəbdən müəyyən mənada digərləri tərəfindən təcrid olunmaq, ətrafdakılara qaynayıb-qarışmamaq həyatı çə- tinləşdirib, mürəkkəbləşdirsə də, söhbət aydınlanmadan gedirsə, bunun bəzi üstünlükləridə var. Bu səni, demək olar ki, şüursuzluqdan zorla çıxarır. 229 Digər tərəfdən, əgər homoseksuallığına əsaslanan şəxsiyyət duyğusu inkişaf etdirirsənsə, bir tələdən çıxıb, o birinə düşürsən. Bu durumda homoseksual kimi mövcud olan zehni imicin diktəsi ilə hərəkət edəcəksən. Beləliklə şüursuz olacaqsan. Saxta olacaqsan. Öz eqonun maskası altında çox bədbəxt olacaqsan. Əgər belə olacaqsa, gey olmaq böyük maneədir. Ancaq, şübhəsiz sənin daim başqa şansın da var. Böyük bədbəxtlik oynama üçün motivasiya ola bilər. Məgər başqa biri ilə mükəmməl əlaqələr qurmazdan qabaq insanın öz-özüylə əlaqə yaratması, özünü sevməsi doğru deyil- mi? Əgər təklikdə, öz-özünlə olanda rahat deyilsənsə, na- rahatlığını ört-basdır etmək üçün yeni münasibətlər axta- racaqsan. Ancaq əmin ola bilərsən ki, tapacağın bu müna- sibətlər çərçivəsində həmin narahatlıq özünü yenidən ayrı cür göstərəcək və buna görə məsuliyyəti müna- sibətdə olduğun partnyorunun üzərinə atacaqsan. Sənin real olaraq edə biləcəyin yeganə şey içinə düş- düyün anı bütövlükdə və tam olaraq qəbul etməyindir. Bundan sonra sən burada və indi, həm də öz-özünlə ra- hat olacaqsan. Lakin öz-özünlə münasibət ümumiyyətlə sənə lazım- dırmı? Niyə sadəcə özün olmursan? Öz-özünlə münasi- 230 bətin olanda, özünü ikiyə bölürsən: “Mən” və “özüm” subyekt və obyektdir. Bu idrakın yaratdığı duallıqdır və sənin həyatındakı bütün lüzumsuz dolaşıqlıqların, bütün problemlərin və konfliktlərin əsas səbəbidir. Aydınlanma halında sən özünsən, yəni “sən” və “özün” bütövləşir. Sən özünü mühakimə etmir, özünə yazığın gəlmir, özün- lə fəxr etmir, özünü sevmir, özünə nifrət etmirsən və s. Şüurun səbəb olduğu özünə qapanan və özünü düşünən ikiləşmə yox olur və əzablar bitir. Artıq qoruyacağın, müdafiə edəcəyin və qida- landıracağın “özün” yoxdur. Əgər aydınlanmısansa, bu əlaqələrdən biri artıq səndə yoxdur: yəni sənin öz-özünlə münasibətin yoxdur. Bir dəfə bunu etməklə, bütün müna- sibətlərini sevgi münasibətləri edəcəksən. |