İSMAYIL MİRZƏNİN İRAN SƏLTƏNƏTİNDƏ
TAXTACÜLUS ETMƏYİ VƏ ONÜN ŞAHLIĞI
ZAMANI BAŞ VERƏN HADİSƏLƏRİN ZİKRİ
Yuxarıda yazılmışdı ki, İsmayıl Mirzə cənnətməkan şahın
böyük oğlu və İsgəndər şanlı nəvvabın [Məhəmməd Xodabəndənin -
Ş.F.] doğma qardaşı idi.
352
Cənnətməkan şahın xoşuna gəlməyən cəhd oğlundakı
divanəxislət qızılbaşlarla (divanəxər) həmsöhbət (müsahib) olması
idi və cavanlığın əlaməti olan bəzi pis hərəkətlərə görə [əlahəzrət]
onun daha humayun orduda saxlanmasını məsləhət bilmədi,
İsgəndər şanlı nəvvabı Herat darülssəltənəsindən geri çağırıb
İsmayıl Mirzəni onun əvəzinə Xorasana hakim təyin etdi. Fərman ilə
Məhəmməd xan Şərəfədinoğlu Təkəli mirzəyə lələ oldu. Onun
(Məhəmməd Xodabəndənin - Ş.F.) Xorasandakı rəftarı da şahın
xoşuna gəlmədi və o, təkəli tayfasına qarşı etimadını bir qədər
azaltdı. [Yeni] əmr ilə İsgəndər şanlı nəvvabı [yenə] Herata
göndərib, İsmayıl Mirzəni geri çağırdı. Ona şah ilə görüş şərəfi də
verilmədi, ali əmrə müvafiq olaraq Sevindik bəy Qorçibaşı onu
Qəzvinin yaxınlığından keçirib Qəhqəhə qalasına apardı və bir neçə
ildən bir dəyişilən qala hakimləri şahzadənin təhlükəsizliyini
qorumaqla məşğul oldular. İsmayıl Mirzə bu minvalla qalada on
doqquz il, altı ay, iyirmi bir gün qaldı. Bu hadisələr baş verən
vaxtlarda qalanın hakimi Xəlifə Ənsar Qaradağlı idi. Onun
yanındakı qorçilərin sayı da o zaman səkkiz nəfərdən çox deyildi.
Onlar cənnətməkan şahın əmri ilə şahzadəni qorumaqla məşğul
idilər ki, atasının vəfatı və Sultan Heydər Mirzənin qətli xəbəri gəlib
ona çatdı. Təsadüfən Xəlifə Ənsar qaladan çıxıb ova getmişdi.
İsmayıl Mirzənin Xəlifə Ənsara etimadı olmadığından və onu Sultan
Heydər tərəfdarı güman etdiyindən, Sultan Heydərin qətlinin doğru
olub-olmadığını bilmir, xəbərin yalan olduğunu ehtimal edirdi. O,
qorçilərlə birləşib Xəlifənin qalada olan iyirmi nəfərədək
mülaziminin hər birini bir bəhanə ilə çağırıb həbs etdi. Qalanın
bütün giriş-çıxış qapılarını bağladı və o əsnada baş verən hadisələr
barədə düzgün məlumat [nəhayət] gəlib çatdı. Ona yaxın adamlar bir
yerə toplandı. Ovda bu xəbəri eşidən Xəlifə Ənsar Sultan Heydər
qəziyyəsinin artıq həyata keçdiyini bilib qalaya gəldi, qapını bağlı
gördü. Nə qədər ağlayıb-sızladısa da, öz mütiliyini izhar etdisə də
bunun bir faydası olmadı və üç gün qalaya kimsənin gəlməyinə izn
verilmədi. Nəhayət, ordu əhlindən və Azərbaycan əhalisindən ibarət
çoxlu adam qala ayağına yetişdikdə və Sultan Heydərin qətl hadisəsi
məlum olan kimi qapı açıldı və əhali ona səcdə etməklə
şərəfləndilər. Ustaclı tayfasından da bir dəstə adam gəlmişdi. Sultan
Heydər Mirzənin müsahlərindən olan bir kişini və İsmayıl Mirzənin
qiyabi tanıdığı bir neçə nəfəri qalada qətl etdilər. Bunu görən ustaclı
353
tayfasının digər nümayəndələri təşvişə düşərək özlərini Ərdəbil
darülirşadına atdılar və sultanül-övliya məqbərəsində gizləndilər.
Xülasə, Qəzvindən onu aparmaq üçün gələn Heydər Sultan
Çabuqun qalaya çatmasından və orada çoxlu əsgər toplanmasından
sonra İsmayıl Mirzə özünün təyin etdiyi vaxtda qaladan çıxıb
Heydər Sultanın xeyməsinə gəldi. Hər gün onun yanına adamlar
gəlib səcdə etmək və onun ayağını öpməklə müşərrəf olurdular.
Qaradağlılar Xəlifə Ənsarı öldürmək istədikdə o, özünü İsmayıl
Mirzəyə çatdırıb ərz etdi: "Mən təmamilə təqsirkaram və
cəzalanmağa layiqəm. Əgər o, mənim qətlimi istəyirsə qoy əmr etsin
və onun mülazimləri bu işi yerinə yetirsinlər. Yox, əgər mənim
qüsurumun üzərindən əfv qələmi çəkmək istəsə, mənə elə diqqət və
iltifat göstərsinlər ki, xəcalətdən çıxa bilim".
İsmayıl Mirzə əmr etdi: "Mən əhd etmişəm ki, əgər
düşmənlərin əsarətindən xilas ola bilərsəm və rüzigar mənim
kamıma münasib olarsa, heç kəslə intiqam məqamında olmayım.
Sən xidmətkarlıq və nökərlik şərtinə və vəlinemətin mənim həbsim
barədə əmrinə əməl etdiyin üçün mənim dediklərimə əməl etmirdin.
Yaxşı nökər elə belə də olmalıdır və ona tapşırılan xidməti yerinə
yetirərkən heç kimə, hətta mənim kimi bir fərzəndə hörmət
etməməlidir". O, Xəlifə Ənsarın əmirlər silkinə daxil edilməsi
barədə hökm verdi və xəlifə bu məsələdən sağ-salamat yaxa
qurtardı, qaradağlıların onu qətl etmək qərarı yerinə yetmədi.
Xülasə, nəvvab İsmayıl Mirzə üç gündən sonra qaladan
çıxdı, yavaş-yavaş yol qət edərək Ərdəbil darülirşadına çatdı,
müqəddəs məqbərəni ziyarət etmək şərəfinə yetişli. Oradan da
mənzil-mənzil yol keçərək Zəncan çəmənliyinə gəldi. Burada Sultan
İbrahim Mirzə, Mirzə Süleyman Nazir və cənnətməkan şahın əksər
xidmətçiləri hərəm, divanxana və şahlıq avadanlığından ibarət olan
xeymə qurub, onun başı üzərində zərnigar şahlıq çətiri tutdular. O,
tam əzəmət və şövkətlə orduya gəlib dövlətxanada nüzül etdi. Sultan
İbrahim Mirzə mülazimət şərəfinə yetib, taxta səcdə və "mübarək
olsun" sözlərini təqdim etdi. İsmayıl Mirzə onu qucaqladı, mehriban
sözlər dedi, "qardaş" ("bəradər") adlandırıb öz məclisinin dostu və
daimi müsahibi etdi.
Adı çəkilən məkanda Pirə Məhəmməd xan Ustaclı da
Gilandan gəlib, İmamqulu Mirzəni gətirdi ki, bundan əvvəl bu
barədə məlumat vermişdik. Murad xan Ustaclı Sultan Heydərin qatı
tərəfdarlarından idi. Cənnətməkan şah xəstəlikdən sağalandan sonra
354
onu Kəcur qalasını tutmağa göndərmişdi. O, hələ qalanın ətəyində
idi ki, cənnətməkan şahın qəziyyəsi və Sultan Heydər Mirzənin
şəhid olması [xəbəri] eşidildi. Murad xan Kəcurdan Lahicana gedib
Pirə Məhəmməd xan Ustaclıya birləşdi. Pirə Məhəmməd xan ustacı
əmirləri arasında İsmayıl Mirzənin dostu kimi tanınırdı. Çünki
cənnətməkan şahın onu bəzi əmirlərlə xəzinələri gətirmək və
İsmayıl Mirzənin xəzinə pulunu necə xərcləməsini araşdırmaq üçün
qalaya göndərdiyi il bütün əmirlər şahzadəyə cənnətməkan şahın xoş
sözlərini çatdırmaq əvəzinə onunla pis rəftar etmişdilər, amma Pirə
Məhəmməd xan ədəblə danışmışdı. Buna görə də xalq arasında belə
xəbər yayılmışdı ki, onunla şahzadə arasında əhd-peyman yaranmış
və o, öz qızını ona vermişdi. Cənnətməkan şaha sədaqətli olan
adamlar və sufilər İsmayıl Mirzə ilə dostluq etməsinə görə ona tənə
edirdilər.
Onların Lahicanda bir-birilə birləşmələri xəbəri şahzadənin
qulağına çatanda, baxmayaraq ki, o Pirə Məhəmməd xanı öz
xeyirxahı kimi tanıyırdı, ondan soyudu və narahat oldu. Düşündü ki,
məbadə Murad xan onu sədaqət yolundan çıxarıb, İmamqulu
Mirzəni də özü ilə götürərək, möhkəm bir yer olan Gilana gedər və
orada qalar, beləliklə də ustaclı tayfası oranı tutub üsyan bayrağı
qaldırar. O, dəftərxana daruğəsi olan Əlixan bəy Türkmanı Pirə
Məhəmməd xan Ustaclının yanına göndərib, bildirdi ki, bizim
aramızda qalada etdiyimiz əhd-peyman qalmaqda davam edir, buna
görə də ustaclı tayfası xüsusunda nə kimi təvəqqe etmiş olarsa
yerinə yetiriləcəkdir. Amma, Murad xan fitnə-fəsada bais olmuş və
qızılbaşlar arasında iki tirəlik salmışdır, buna görə də onun gözlərini
çıxarıb qardaşım İmamqulu Mirzəni də götürsün və mənim
hümayun hüzuruma gəlsin.
Əlixan bəy Gilana çatan kimi Pirə Məhəmməd xan dərhal
ali əmrə əməl edib, "Baş üstə, göz üstə"
289
dedi. Əlixan bəy ona
verilmiş əmri yerinə yetirib geri qayıtdı. Pirə Məhəmməd xan da
şahzadənin hüzuruna doğru yollanıb Zəncan çəmənliyində onun
mülazimliyinə yetmək səadətinə çatdı, cürbəcür şahanə hədiyyələrə
layiq görüldü.
İsmayıl Mirzə İmamqulu Mirzəni "fərzənd" adlandırıb
qucaqladı və oradan çıxaraq ucalıq, əzəmət və kamranlıqla mənzil-
289
İfadənin ərəbcəsi: "Bi-r-rəs və-l-eyn"
355
mənzil məsafə keçdi və rəbiül-əvvəl ayının on altısında (13 iyun)
pəncəşənbə günü Qəzvin yaxınlığına gəlib çatdı.
Şəhərdə olan şahzadələr, Hüseynqulu Xüləfa və əzəmətli
əmirlər onun xidmətinə yetmək səadətinə yetişdilər. İsmayıl Mirzə
saatın müvafiq və xoş olub-olmadığının öyrənilməsi üçün şəhərə
girməyib onun şimal səmtində dayandı. Orada heç kim tərəfindən
tanınmamasından ötrü çobanlar kimi əyninə kətan paltar, başına
kətan papaq qoymuş Hüseyn bəyi [hüzura] gətirdilər. Hamı hər
tərəfdən onu lənətləyir, ona bıçaq, qılınc və xəncər uzadırdı, lakin
mühafizlər bu işə mane olurdular. O, İsmayıl Mirzənin ali nəzərinə
yetişərkən təzim etdi, üzünü vaxtın tələbi ilə bütün məclis əhlinə
tutub dedi: "Sübhanallah! Bu qədər adamın içərisində günahkar
təkcə biz imişik!"
İsmayıl Mirzə buyurdu: "Sultan Heydər xüsusunda başqa
adamlar səndən çox canfəşanlıq etmişlər, [amma] hamının kasası
sənin başında sındı".
Hüseyn bəy dedi: "Ey padşah! Bütün aləm Sultan Heydərçi
idi, amma sənin iqbalın daha yüksək oldu, Allah-təalanın məsləhəti
belə imiş. Son əgər intiqam almaq meylinə düşsən, gərək bütün
aləmi qətl edəsən".
İsmayıl Mirzə əvvəlcə onun fikrini təsdiq etdi və bununla
da onun qətli bir qədər təxirə salındı. Hüseyn bəyi məclisə aparıb ali
divanın qorçilərinə tapşırdılar. Onun cəzalandırılmasını istəyən
məclis əhli, xüsusilə Xüləfa şahzadənin bu sözlərini eşidib susdular.
Ertəsi gün cənnətməkan şahın saldığı İrəm bağına bənzər
Səadətabad bağına gələn şahzadə oranı seyr etdi. Özünün məsləhət
bildiyi saatda da heç mübarək dövlətxanaya girmədi, bir neçə gün
Hüseynqulu Xüləfanın evində qalmağı qərara alıb, bağdan onun
mənzilinə getdi. Orada Sultan Mustafa Mirzə və Hacı Veys Sultan
Bayat gəlib onun ayağını öpməklə şərəfləndilər. İsmayıl Mirzə
şahzadənin üzündən öpərək, ona qardaşları arasında əyləşməsi
əmrini verdi, şahzadə də əyləşdi. Qardaşlardan heç biri ona [Sultan
Mustafaya] təzim etmədi və o özü gəlib yaşca ondan böyük olan
Sultan Süleyman Mirzədən aşağıda əyləşdi. İsmayıl Mirzə
qardaşlarına nəsihət verməyə başlayaraq, onlara dil mehribanlığı
göstərib dedi:
- Əgər siz mənimlə məhəbbət və düzgünlük məqamında
olsanız, mən, inşaallah sizinlə elə rəftar edərəm ki, indiyidək heç bir
padşah qardaşları ilə elə rəftar etməmişdir.
356
Amma, ürəyinin onun dilindən xəbəri yox idi, fikrində icə
onların edam olunmasından başqa heç nə tutmamışdı. Nəticə etibarı
ilə fikrində tutduğu niyytinə əməl etdi ki, bu haqda vaxtı çatanda
yazılacaqdır.
Hüseyn bəyin Fətulla bəy, Şahqulu bəy, Nədrəli bəy və
Şahverdi bəy adlı qardaşlarını gətirib, onları ustaclı əmirləri silkinə
mənsub olan Murad xan Kəngərliyə tapşırdılar. O, özünün etibarını
qaldırmaq üçün onların dördünü də Xüləfanin evində qətl etdi. Belə
qərara alınmışdı ki, hər gün bir [günahkar] şəxsi onun mənsub
olmadığı tayfaya tapşırıb saxlasınlar, amma öz tayfasına tapşırılan
hər kəsi dərhal qətl etsinlər.
On dörd gün Xüləfanin evində qaldı. Əmirlərin əksəriyyəti,
isə razılığa əsasən, nəvvab Pərixan xanımın evində mülazim oldular.
Onlar bunu padşahın onlara etibarının artması kimi qəbul edirdilər.
Xanımım vəkilləri onun yanında cənnətməkan şahın vaxtında
olduğundan da çox təmtəraq görür, keşikçilər və mülazimlər
sultanlar kimi sarayın nizam-intizamına göz yetirirdilər.
Nəvvab xanımın fikri belə idi: Bir halda ki, İsmayıl
Mirzənin padşahlığı onun səyi ilə həyata keçmişdir və o
cənnətməkan şahın sağlığında da bu şahzadənin tərəfdarı olmuşdur,
gərək dövlət işlərinə cənnətməkan şahın bacısı şahzadə Sultanımdan
daha çox müdaxilə etsin. Amma onun bu fikri əks nəticə verdi. O,
(Sultanım - Ş.F.) xanımın evində mülazimlik etmələrinə görə
əmirlərə kinayəli sözlər deyirdi. Bir gün belə söylədi: " Məgər
dostlar başa düşmürlür ki, məmləkət işlərinə övrətlərin qarışması
ölkə və şahlıq namusuna layiq hərəkət deyil? Məgər onlar bilmirlər
ki, kişilərin bu xanədan qadınları ilə aşinalığı qəbih bir haldır?"
Əmirlər bu sözlərin düzgünlüyünü başa düşüb tərəddüd etməkdən
qurtardılar.
Bu əsnada şahzadənin üzü Xüləfadan döndü, onun
şöhrətini azaltmaq qərarına gəldi. Ağıl və düşüncəyə görə bu
hərəkətin zahiri səbəbi Xüləfanın varlıq qabının qəflət və qürur
badəsi ilə həddindən artıq dolmasında, həddini çox aşmasında,
özünü padşah kimi aparmasında və [hakimiyyətə gəldiyi üçün]
İsmayıl Mirzəyə böyük minnət qoymasında idi. Belə minnətsə
padşahlara çox ağır gələn yükdür, onlar elə adamı əfv etmirlər.
Bunun başqa səbəbi isə bunda idi: Sultan Heydər
Mirzənin qətlindən bir neçə gün keçməsinə baxmayaraq, hələ də
qala tərəfdən (Qəhqəhə qalası - Ş.F.) heç bir xəbər-ətər eşidilmirdi.
357
Əhali müztərib olmuşdu. (O vaxt) Xüləfa demişdi ki, xalqın
iztirabına nə hacət vardır? Sultan Mahmud Mirzə də cənnətməkan
şahın oğludur, qabiliyyətli gəncdir və padşah olmağa layiqdir.
Pərixan xanım da belə ərz etmişdi: "Deyilənə görə
cənnətməkan şahın vəfatı xəbəri qalaya çatan elə ilk gecə Sultan
Heydərçilər onu (İsmayıl Mirzəni - Ş.F.) öldürmüşlər. Əgər bu xəbər
doğru çıxarsa gəlin Sultan Mahmud Mirzəni padşah edək". Elə o
əsnada da qaladan şahzadənin sağ-salamat olması xəbəri gəldi.
İsmayıl Mirzənin Xüləfanın evində yaşadığı o bir neçə gün ərzində
Xüləfanin əleyhdarları bu məsələni gizlincə şahzadəyə çatdırmış və
onun şahlıq məzacını ondan döndərmişlər.
Yox, yox mən səhv etdim! Bunların heç biri düz deyil!
Həqiqi cəza verən varlıq Allah sübhanə və təalanın özüdür. "Kim ki,
zülmkardır, ona Allah zülm edəcəkdir!"
290
ayəsinə uyğun olaraq
İsmayıl Mirzənin məzacı ondan döndü, zəmanə məzlum şahzadə
Sultan Heydər Mirzənin nahaq tökülən qanını yerdə qoymadı və
həmin mərhum şahzadənin qatillərinin hər biri müxtəlif bəlalara
giriftar oldu.
Xülasə, İsmayıl Mirzə Xüləfaya qarşı etimadsız oldu,
xəlifətül-xüləfalıq vəzifəsinin başqasına verilməsi şərti ilə ona ali
divanın ali vəkalət mənsəbini və hümayın şahın naibliyini (nəyabət)
verdi. Belə hərəkət etməklə İsmayıl Mirzənin məqsədi bu idi: Sufilər
Xüləfanı mürşidi-kamilin
291
xəlifəsi və naibi kimi tanıyır və onun
hökmünü mürşidin hökmündən sonra ikinci yerdə duran hökm kimi
qəbul edirdilər. O zaman isə Qəzvində Xüləfanın hökmünə sidq
ürəkdən tabe olan on min nəfərə yaxın adamı vardı və Xüləfa məhz
onların himayəsi nəticəsində bu qədər böyük iqtidara sahib olmuşdu
İsmayıl Mirzə onu sınamaq istəyib dedi:
- Sənin mərtəbən daha xüləfalıq mərtəbəsindən ötüb keçdi
və gərək ali divanın vəkalət vəzifəsini yerinə yetirəsən.
Xüləfa onun cavabında dedi:
- Mən xilafət mənsəbini əldən verməyəcəyəm. Əgər vəkalət
vəzifəsi də [indiki] mənsəbimin üstünə əlavə bu vəzifə əlimdən
çıxırsa, mən vəkaləti qəbul etməyə razı deyiləm.
290
İfadənin ərəbcəsi: "Mən əanə zalemən fəqəd səll-əl-lahu-l-lahu aleyhi"
291
Səfəvi hökmdarları "kamil müpşid" adlanırdılar - Ş.F.
358
Xüləfa özünün xüləfalıq mərtəbəsini vəkalətdən üstün
bilirdi. Onun bu danışığına qarşı öz narazılığını bildirən İsmayıl
Mirzə dilinə şikayətli sözlər gətirərək rumlu əmirlərinə üz tutub
dedi:
- Əgər sufilər və taliblər mürşidi-kamilin sözündən və
istəyindən çıxsalar, bu əməlin sufigəri təriqəti və səfəvi şeyxliyi
qayda-qanuna görə cəzası nədir?
Onlar dedilər:
- Hər kim mürşidi-kamilin məsləhətinə əks çıxaraq öz
həddini aşarsa, o şəxs xəta etmiş olar və rədd edilməlidir.
Dedi:
- [Belə olan halda] bəs Xüləfa nə üçün mənim sözümlə
razılaşmamışdır?
Bu məsələ Xüləfaya çatdırıldı. O, ertəsi gün bəzi məsələləri
ərz etmək üçün İsmayıl Mirzənin xidmətinə gəldikdə evin qapısına
yaxınlaşan vaxt eşikağasılar və haciblər (keşikçilər - Ş.F.)
şahzadənin işarəsi ilə ona mane olub dedilər:
- Bu evin səninki olmasına baxmayaraq, padşah bu evdə
iqamət etmişdir. Padşahın olduğu yer qızılbaş[ların] dövlətxanasıdır.
Sən isə, bizim mürşidimiz olan padşahın hüzurunda təqsirkar və
xətakarsan. Əgər padşah sənin xətanı (burada "günahını" - Ş.F.) əfv
etməzsə, qayda-qanuna və sungəriliyə əsasən sən dövlətxanaya daxil
ola bilməzsən. Mürşidi-kamil öz razılığını verənədək dərgahın
qabağında əyləş.
Ağlının kəsmədiyi və təsəvvür belə etmədiyi bir işin baş
verdiyini müşahidə edən Xüləfanın başını heyrət tüstüsü bürüdü və
günortaya qədər evinin qapısı ağzında günahkarcasına oturdu.
Rumlu camaatının və başqalarının böyük hissəsi günün birinci
yarısında onunla həmfikir idilər. İsmayıl Mirzə bir nəfəri çölə
çıxarıb, Xüləfaya öz mənzilinə getməsi əmrini verib bu sözlərini
çatdırdı:
- Bizim ona olan sözümüz onunla danışığımız zamanı
deyiləcəkdir.
Bunu eşidən Xüləfanın ürəyi təskinlik tapdı. Hamı belə
fikirləşdi
ki,
padşah
onun
mənzilinə
gedərək
onu
arxayınlaşdıracaqdır.
Xüləfa iki gün xanənişin oldu. Vaxt ötdü, amma görüş baş
tutmadı. Rumlu əmirləri isə əvvəlki kimi onunla rəfaqətdə idilər.
359
Üçüncü gün rumlu əmirlərindən türk, nümunəvi və düzgün etiqadlı
olan Dəli Budağı yanına çağıran İsmayıl Mirzə ondan soruşdu:
- Xüləfa nə deyir? O, cavab verdi:
- Padşah hökmünün əksinə çıxdığı üçün peşimandır və lap
bu astananın itəbaxanlıq işini də ona versəniz, can-başla həmin işin
icrasına başlayacaqdır.
İsmayıl Mirzə dedi:
- Əgər sözü düz, özü isə bizim əmrimizə mütidirsə, biz
yenidən onu xidmətləri müqabilində işlə təmin edib onun dünya və
axirət dərəcələrinin rəf olunmasına çalışacayıq. Onu yüksək Məşhəd
qorçilərinin qorçibaşısı təyin edirik ki, həzrət cin və üns imamının
(imam Rza əleyhüssalamın - Ş.F.) müqəddəs məscidində xidmət
edib Xorasanda həm dünyanın etibarını, həm də axirətin savabını
qazansın. Gərək elə bu saat onu ata mindirib yola salasan.
Dəli Budaq, rumlu əmirləri və Xüləfanın başqa tərəfdarları
başa düşdülər ki, İsmayıl Mirzə ona qarşı bietimad olmuşdur və
daha Xüləfanın orduda xidmət etməsi mümkün deyildir, qürur və
xudpəsəndlik üzündən ali divanın vəkili vəzifəsini istəməyən bir
şəxsə Məşhəd qorçibaşılığının verilməsi qəzəb və iltifatsızlıq
əlamətidir.
Bütün rumlu tayfası, hətta onun mülazimləri də ondan
kənarlaşdılar, [daha] qapısına yaxm belə getmədilər və o, öz əməlinə
heyran qaldı. Bu əsnada Dəli Budaq gələrək şahın əmrini verdi. Onu
söz deməyə qoymayıb, dərhal ata mindirdi, şəhərdən bir fərsəx
kənara aparıb, özü geri qayıtdı.
Xüləfa yar-yarağını götürüb yola düşdü. Elə ki, Damğana
çatdı, oranın hakimi olan Əli Xəlifə Ağcəqoyunlu, bundan sonra
olunacaq əmrə əməl etməkdən ötrü Xüləfanın Damğanda dayanması
barədə hökm etdi. Bir neçə gündən sonra Kor Şahəli Rumlu ali əmrə
əsasən Damğana gəlib, onun ibrətinin gözünü dünyanın cürbəcür
surətlərinin müşahidəsindən məhrum etdi və o kor oldu.
Xülasə, İsmayıl Mirzə Xüləfanı şəhərdən çıxaran kimi
onun evini tərk edib "At meydanı və nəvvab Pərixan xanımın evləri
arasında yerləşən Şahqulu Sultan Yegan Ustaclının evinə gəldi.
Orada nəvvab Pərixan xanım və səltənət başçıları onunla görüşmək
şərəfinə nail oldular, [amma] xanıma qardaşından gözlədiyi böyük
mehribanlıq göstərilmədi.
İsmayıl Mirzə oradan çıxıb özünün təyin etdiyi saatda
mübarək dövlətxanaya gəldi. Oranın imarətlərində xeyli dəyişiliklər
360
etdi, yeni mənzillər tikdirməyə başladı. O, hər gün inşaat yerinə
gəldiyi üçün gah Yegan Şahqulunun, gah nəvvab Pərixan xanımın
evlərində, gah da Səadətabad bağında qalırdı. Məmləkətlərin hər
yerindən bütün qızılbaş tayfaları ali dərgaha üz tutdular. Qəzvin
darüssəltənəsində o qədər adam toplaşdı ki, küçələrdə gediş-gəliş
xeyli çətinləşdi. Sultanlardan gələn töhfə və hədiyyələrin
çoxluğundan, ətraf yerlərin əmir və məliklərinin, həmçinin
əhalisinin
gətirdikləri
peşkəşlərin
çoxluğundan
Qəzvin
darüssəltənəsində o qədər var-dövlət toplaşdı ki, onların
hesablanması çətinləşdi.
Cülus vaxtını özü təyin etdiyindən [hələlik] bütün səltənət
və padşahlıq işlərinin icrasını saxlamışdı və əhali həmin günü
səbirsizliklə gözləyirdi. Qızılbaş tayfaları onun əmrinə və
göstərişilərinə tamamilə tabe olmuşdular. Onun tərəfəndən hər kimə
etibarsızlıq elan edilirdisə, həmin şəxsin qohum-əqrabaları onun
Sultan Heydərçi olması bəhanəsi ilə onu qətl edirdilər. Beləliklə,
ustaclı tayfasından çox adam öldürüldü. Hətta hər vaxt sarayda
xidmətdə olan Sarı Laçın və Ruma gedən Məhəmmədi xan
Toxmağın qardaşı Allahqulu bəy dövlətxanadan çıxıb öz evlərinə
gedərkən onların əmilərinin oğlu olan Əbu Türab bəy ibn Ayğut
Mirzə darısqal bir küçədə qılıncını çəkərək, qəddarlıq pusqusunda
dayanıb onları gözləyən adamlarla birlikdə həmin iki mirzadəni tikə-
tikə doğradılar.
Orduda baş verən belə əməllərdən ötrü sorğu-sual
olunmurdu. [Buna görə də] camaat ürəklənmişdi. Belə yaramaz
hərəkətlər başqa ölkələrə də yayıldı. Ustaclı əyanlarını harada
görürdülərsə elə oradaca öldürürdülər. O cümlədən, Herat
darüssəltənəsində olan Fərah hakimi Hüseyn Sultan Əfşar və o
sərhədin başqa əmirləri birləşib, nəvvab zilləllah şahın [I Şah
Abbasın - Ş.F.] lələsi və Heratın bəylərbəyisi olan Şahqulu Sultan
Yeganı qətl etmək üçün razılığa gəldilər, onun mülkünün qapısı
yanında toplandılar. Onların bu niyyəti ustaclı əyanlarına məlum
olduqda, onlar da sultanın qapısı önünə gəlib, cəngə başladılar.
Əmirlər ustaclı tayfasının şahın qəzəbinə giriftar olması və
etibarsızlıqları barədə ona xəbər göndərdilər. [Dedilər ki,] biz Herat
şəhərini və qalasını sənin əlində qoymayacaq, ustaclıları
uzaqlaşdırıb, qala və məmləkəti (Heratı - Ş.F.) özümüz qoruyacaq,
bu yerlər padşah tərəfindən kimə verilərsə, ona da tapşıracağıq.
361
Əgər sultan ali dərgaha getmək istəyirsə gərək şəhərdən çıxsın, əgər
çıxmırsa, bir küncdə əyləşib şahın əmr və fərmanına müntəzir olsun.
Ustaclı camaatı bununla razılaşmayıb belə söylədilər:
- Biz şahın əmri ilə bu məmləkətin hakimi və müdafiəçisi
olmuşuq. İşdən azad olunmağımız barədə padşalı tərəfindən hökm
gəlməyənədək əlimizi məmləkət və hökumət işindən çəkməyəcəyik.
Hər verəcəyini gözləməkdə idi. [Amma] o tayfa (əfşarlar –
Ş.F.) bununla kifayətlənməyərək, qəfildən onun evinə hücuma
keçdi. Evdə olanların hamısı müdafiə olunmaq istəklərinin əksinə
olaraq heç nə edə bilmədilər. Evə soxulan əfşar tayfası Şahqulu
Sultanın silahsız halda öz adamlarını döyüşməkdən çəkindirməyə
cəhd etməsinə baxmayaraq qılınclarını çəkib onu qətl etdilər, evi də
tarac edildi. Vəziyyətin belə cərəyan etməsilə əlaqədar ustaclı
camaatı Heratdan dağılışdı, ətrafı qarət edə-edə, pərişanlıqla,
bəziləri Sərəxs hakimi olan Şahqulu Sultanın oğlu İbrahim Sultanın
yanına, bəziləri isə orduya rəvan oldular. O zaman altı yaşında olan
kamyab nəvvab əlahəzrət zilləllah şah isə Heratda lələsiz və
mühafizəsiz qaldı.
Heratda olan əfşar və başqa tayfalar İsmayıl Mirzənin ona
(Abbas Mirzəyə - Ş.F.) qarşı diqqətsizliyinə görə şaha bir elə də
lütfkarlıq göstərmirdilər. Şahqulu Sultanın qətli xəbəri orduya
çatdıqda, İsmayıl Mirzə Durmuş xanın nəvəsi Sultan Hüseyn bəy
Şamlının oğlu Mirzə Əli bəyə xanlıq rütbəsi verib, onu bu xanədanla
qohum olmaqla şərəfləndirdi, Herat darüssəltənəsinin hakimi və
Xorasan əmirülümərası etdi, Şahqulu Sultanın qəziyyəsini
qulaqardına vurdu, məsələni ayırd etmədi. Orduda olan ustaclı
əyanları əvvəlkindən daha artıq pərişan oldular və öz əməllərinə
heyran qaldılar. Onların heç biri gecə öz yatağında rahat yata
bilmirdi, hər ləhzə ölüm gözləyirdi. O əsnada elçi sifətilə Ruma
gedən ustaclıların mötəbər əmirlərindən Çuxur-Səd bəylərbəyisi
Məhəmmədı xan Toxmaq geri qayıdıb Qəzvin darüssəltənəsinə
gəldi. O, İsmayıl Mirzənin ayağını öpmək şərəfinə yetişdisə də,
ondan gözlədiyi diqqət və iltifatı görə bilmədi. İsmayıl Mirzə hətta
Çuxur-Səd ülkasını ondan alıb əmisi oğlu Əbu Turab Sultana
vermək istədi. Tiflisdə olan Şahqulu Sultan Qarıncaoğlu Ustaclı da
gəlib ondan heç bir iltifat görmədi. Ustaclu tayfası qızılbaşlar
arasında xəcalətli və pərişan halda gün keçirirdi. Onlar nəhayət bir-
birləri ilə birləşib sufigərilik yoluna düşdülər və [belə] dedilər: "Biz
mürşidi-kamilin xidmətkarlığında təqsirkar olduğumuzdan nə qədər
362
ki, o bizim qüsurumuz üzərindən əfv qələmi çəkməmişdir, ev-
eşiyimiz, arvad-uşağımız bizə haramdır". Bu tayfanın bütün əmir və
yüzbaşıları mübarək dövlətxanaya gəlib dərgahın önündə əyləşərək,
gecə-gündüz orada qaldılar. Pirə Məhəmməd xan və Məhəmməd
xan Toxmaq özlərini günahkar ustaclılardan hesab edib, o tayfanın
üzvləri arasında əyləşdilər. Bu hərəkət İsmayıl Mirzənin xoşuna
gəlmədi, dedi ki, həmin camaatla heç vaxt əlaqəsi olmayan Pirə
Məhəmməd nə üçün indi onlarla birlikdədir və o günahkarları
müdafiə edir?
Amma o cənab bu sözlərdən sonra da öz yoldaşlarından
ayrılmadı. Onlar on gecə-gündüz dövlətxana qapısında əyləşib aman
müjdəsi gözləməkdə idilər. Çadır qurub və çadırları şahanə ev
əşyaları və bəzək-düzəklərlə bəzəyərək hər gün ziyafət təşkil edir,
həsədkar adamların gözləri önündə gümüş qab-qacaq və padşahlara
layiq yaraq-yasaq nümayiş etdirirdilər. On gündən sonra İsmayıl
Mirzə Sultan Heydər Mirzənin qətli gecəsi ustaclı camaatı
tərəfindən [kamandan] atılıb Çehelsütun qəsrinin çinar ağaclarının
birində indi də qalmaqda olan oxu çıxararaq onu yaxın
adamlarından birinə verdi və ustaclılara göndərib dedi: "Siz bir
halda ki, sədaqət və sufigərlik iddiasındasınız, bəs bu nə oxdur? Bu
oxu mürşidi-kamilin dövlətxanasına və cənnətməkan şahın meyitinə
tərəf kim atmışdır?"
Cavabında dedilər: "Bu xanədan dövlətinin yaranmasından
bu günə qədər ona ciddi şəkildə xidmət etmişik, bu dərgahdan başqa
pənahımız və ümidgahımız yoxdur. Bizim bəzi adamlarımız başqa
kəslərin təhriki ilə düzgün yolu tərk etmiş, günah işlər görmüşlər.
Bu əmələ qurşananların hər birisi öz cəzalarına yetişmişlər və
yetişməkdədirlər. [Belə olan halda] başqalarının nə günahı vardır?
Buna baxmayaraq bizim hamımız günahkarıq və cəzaya layiq
adamlarıq Sədaqət aləmində şahdan bizə nə gələrsə, lütf və
məhəbbətlə ona təşəkkür edəcəyik.
Dostları ilə paylaş: |