Azərbaycan Respublikası Dövlət Neft Şirkəti
Xilas olunanların dənizdə sağ qalması
Yüklə 1,15 Mb. Pdf görüntüsü
|
- Bu səhifədəki naviqasiya:
- 1.8.2. Batma təhlükəsi
|
1.8. Xilas olunanların dənizdə sağ qalması
1.8.1. Dənizdə sağ qalmanın şərtləri Məhv olan gəmini tərk edərək insan bir sıra əlverişsiz amillərin təsirindən mühafizəsiz qalır, hansı ki, onu sağ qalma vəziyyətinə qoyur və ondan həyatının, sağlamlığının və iş qabiliyyətinin saxlanılmasına yönəldilmiş aktiv, məqsədəuyğun fəaliyyətlərin edilməsini tələb edir. Xilas olunanların dənizdə sağ qalması batma, soyuq, isti, içməli suyun azlığı, aclıq, ürəkbulanma, psixogen şok kimi əlverişsiz spesifik amillərin insan 84 orqanizminə təsirinə davam gətirmək imkanından asılıdır. Xilasetmə vasitəsi ekipajı kollektivində mənəvi iqlim, yaşamaq iradəsi, baş vermiş təhlükələri və məhrumiyyətləri, heç nəyə baxmayaraq, “məqsəd fanatizmi” adlanan keyfiyyətlə rəf etmə istəyi müstəsna əhəmiyyət kəsb edir. Kollektivin liderinin – xilasetmə vasitəsi komandirinin rolu olduqca əhəmiyyətlidir, hansı ki, insanlarda xilas olma ümidini qoruyub saxlamalıdır. İnamlı, qəti səslə verilən dəqiq komanda və ya məsləhət çaşqınlığı aradan qaldırır, pərişan və məyus əhval-ruhiyyəni dəf etmək üçün stimul olur. Əsəbiliyin, qəm-qüssənin, habelə yersiz tələskənliyin, lazım olmayan danışığın yaxşı müqabili yumor hissiyyatıdır, lakin o şərtlə ki, zarafatlar təhqiredici və şəxsi ləyaqəti alçatmamalıdır. Kobudluq, təkəbbür, lovğalıq, habelə şübhələnmə, etimadsızlıq yolverilməzdir. İnsanlarla münasibətdə səbirli olmaq lazımdır. Yol verilmiş istənilən səhv və ya psixoloji pozğunluq insana mənəvi zədə vurur, hansını ki, o, çox ağır keçirir. Belə bir vəziyyətdə insan ən çox dəstəyə, günahkarlıq hissiyyatından və yol verilmiş səhvin dərk edilməsindən irəli gələn ruhi gərginliyi aradan qaldırmağa ehtiyac duyur. 1.8.2. Batma təhlükəsi Batma nəfəs yollarına maye dolması nəticəsində yaranan oksigen çatışmamazlığını özündə təmsil edir. Qan dövranının və tənəffüsün dayanmasından 3-7 dəqiqə sonra beyində bərpa olunmaz dəyişikliklər başlayır, bundan sonra orqanizmin həyat funksiyalarının tam bərpası mümkün deyil. İlk yardım mayenin nəfəs yollarından çıxarılmasından, süni tənəffüsün və ürəyin masajının keçirilməsindən ibarətdir. O, yalnız kliniki ölüm mərhələsində effektivdir, hansının ki, davamiyyəti bəzi hallarda 7 dəqiqədən çox ola bilər, baxmayaraq ki, bundan da daha böyük müddətdən sonra həyata qaytarılmanın bir sıra faktları məlumdur. Əgər tənəffüsün dayanması boğaz əzələlərinin spazması nəticəsində baş veribsə və su ağ ciyərlərə daxil olmayıbsa, ilk yardımın uğurla nəticələnmə şansı, su ağ ciyərlərin alveollarına dolan hala nisbətən daha çoxdur. Batma, fərdi xilasetmə vasitələri olmadan suya düşən və ya onlardan düzgün istifadə etməyən insanlara təhdid göstərir. Buna görə, olduqca əhəmiyyətlidir ki, gəmini tərk edərkən xilas olunanların hamısının xilasedici 85 jiletlərlə və hidrokostyumlarla təmin olunmalarına fikir vermək və onların düzgün geyinilməsini yoxlamaq lazımdır. Batma, təkcə gəmi bortu arxasında suya düşənlərdən başqa, su ilə dolmuş kollektiv xilasetmə vasitələrində olanlara da təhdid göstərir. Xilasedici sallar və qismən örtülü xilasedici qayıqlar, sal və qayığın içinə suyun daxil olmasından qoruyan örtülmələrlə təchiz olunurlar, lakin örtülmələrin vəziyyətinə daimi müşahidə tələb olunur. Yüklə 1,15 Mb. Dostları ilə paylaş:
|