Tədqiqatın obyekti və predmeti . Tədqiqatın obyektini Heydər Əliyev adına
Bakı Neft Emalı Zavodunda əmək şəraiti və iş təhlükəsizliyi ilə bağlı proseslər,
predmetini isə Zavodda əməyin təhlükəsizliyinin təkmilləşdirilməsi məsələləri
təşkil edir.
Tədqiqatın nəzəri metodoloji əsasları. Tədqiqatın nəzəri və metodoloji
əsasını AR-nın Konstitusiyası, Əmək Məcəlləsi, Əmək mühafizəsi haqqında AR-
nın Qanunu, müvafiq qanunvericilik aktları, əməyin təhlükəsizliyi probleminin
təhlili və qiymətləndirilməsinə həsr edilmiş elmi əsərlər, həmçinin Azərbaycan,
rus, ingilis və türk dillərində olan digər iqtisadi ədəbiyyatlar təşkil edir.
Tədqiqat metodları. Dissertasiya işində əsasən ədəbiyyatla bağlı
araşdırmalar yer alır. Bu ədəbiyyatları əməyin mühafizəsi ilə bağlı kitablar,
jurnallar və məqalələr təşkil edir. Dissertasiya işinə aid olan məlumatları
toplayarkən əsasən ikinci əldən məlumat toplama metodundan istifadə edilmişdir.
Lazım olan məlumatları topladıqdan sonra onları qruplaşdıraraq və analiz edərək
HƏBNEZ-də əməyin təhlükəsizliyinin təşkili və buna əngəl olan amillərin
azaldılması yolları müəyyənləşdirilmişdir.
Tədqiqatın informasiya bazası. Tədqiqatın informasiya bazasını HƏBNEZ-
in, Azərbaycan Respublikası Statistika Komitəsinin hesabat və məlumatları,
əməyin təhlükəsizliyi ilə bağlı qanunvericilik aktları, Azərbaycan və xarici ölkə
alimlərinin əsərləri, SOCAR-ın daxili soraq kitabları və s. təşkil edir.
Tədqiqatın məhdudiyyətləri. Tədqiqat işi aparılarkən zəruri informasiyaların
qıt və əlçatmaz olması təhlil zamanı bəzi məhdudiyyətləri ortaya çıxarmışdır.
Ölkəmizdə yetərincə inkişaf etməyən bu sahə üzrə informasiya bazası geniş deyil.
Var olan informasiyaların çoxu eyni məlumatlara əsasən yaradılmış ədəbiyyatlarla
məhdudlaşır. İnnovativ məlumatlar isə demək olar ki, yoxdur.
