Məişət əşyaları. Keçmiş məişətdə işlənən bir sıra əşyalar (şamdan, piydan, çıraq, kürsü
manqalı, kabab manqalı, gilabi qabı, rüşul qabı, çiriş qabı, sulu qəlyan, qəlyan, qəlyan masası,
süzək, tərəzi gözü, nağara və dünbək sağanağı, zinc, zınqırov və s.) misdən döyülüb hazırlanırdı.
Ötən əsrlərdə Azərbaycan mətbəxində təsadüf edilən və son dərəcə məhdud səciyyə daşıyan
metal əşyaların, bir qismi tənəkə, bürünc və şüşədən hazırlanırdı.
Bürünc və şüşə qablar, əsasən varlı, kübar ailələr üçün səciyyəvi olmuşdur. Şüşə sürahı, bərni,
qədəh, ətir qabı və s. kasıb zümrələrin məişətinə yad idi. Həmçinin, başa başa gələn bürünc qazan
(tiyan), buxurdan, gülabdan, şamdan, dolça, məcməyi və s. xalq məişətindən artıq çoxdan çıxmışdı.
Dostları ilə paylaş: |
