Azərbaycan Respublikasının Diplomatiya Tarixi
Yüklə 4,98 Mb. Pdf görüntüsü
|
|
715 ARDA, f.894, s.10, i.70, v.3 207
Azərbaycan Xarici İşlər Nazirliyinin fəaliyyətinin genişlənməsi və Versalda ilk diplomatik addımlar 1919-cu ilin əvvəllərində Azərbaycanın beynəlxalq və daxili vəziyyəti gərgin olaraq qalmaqda idi. Lakin Bakı azad edildikdən sonra hökumətin paytaxta köçməsi və dövlət quruculuğuna başlaması, istər ölkə daxilində və istərsə də Azərbaycanda müvəqqəti yerləşən müttəfiq ordu komandanlığında ona olan etimadı artırmışdı. Noyabr böhranı arxada qalmış, ölkədə parlamentli üsul-idarə yaranmışdı. Əvvəllər müxtəlif bəhanələrlə, daha çox siyasi mülahizələrlə Azərbaycan parlamentində onlar üçün ayrılmış yerlərdən imtina edən rus və erməni deputatları tədricən məclisin işində iştirak etməyə üstünlük verdilər. Hələ, 1918-ci ilin noyabrında müttəfiqlərin gəlişindən ruhlanıb Azərbaycanı Rusiyanın bir hissəsi hesab edən, "Rusiyanın iradəsindən xəbərdar olmadan biz nə Azərbaycan Respublikasının müstəqilliyini, nə də onun parlamentini tanıma hüququna malik deyilik" 716
- deyən rus milli şurasının nümayəndələri 1919-cu ilin yanvar ayının 30-da Azərbaycanın mövcudluğu faktı ilə barışıb parlamentin işinə qatılmağa qərar verdilər. Rusların bu addımından "ruhlanan" erməni Milli Şurası da Azərbaycan dövlətinin inkar edilməsinin uğursuzluğunu başa düşüb 1919-cu ilin fevral ayının 9-da Nazirlər Şurasının sədri F.X.Xoyskiyə göndərdikləri məktubda parlamentdə iştirak etmək istəklərini bildirdilər. Azərbaycan hökuməti bu müraciətləri dəyərləndirərkən, Azərbaycan parlamentində oturan hər kəsin onun müstəqilliyini tanımasını mühüm şərt kimi irəli sürdü. Rus və erməni Milli Şuralarının üzvləri bu şərtləri qəbul edib Azərbaycan parlamentində təmsil olundular. Azərbaycan Milli Məclisi 1919-cu ilin fevralından başlayaraq tam heyətdə fəaliyyət göstərməyə başladı. Milli azlıqların parlamentdə təmsil olunması müəyyən çətinliklər yaratsa da, hökumət bu məsələni səbr və təmkinlə yoluna qoyurdu. Lakin siyasi xarakterli çətinliklər yalnız bununla bitmirdi. Parlamentdə təmsil olunan sol və islamçı partiyalar ölkənin daxilindəki, xüsusilə onun beynəlxalq aləmə inteqrasiya olmaq yolundakı çətinlikləri nəzərə almayaraq tez-tez hakimiyyət böhranı yaratmağa meylli idilər. Yanvar ayının 28-də parlamentin on birinci iclasında İttihad fraksiyasının 3 bənddən ibarət sorğusu belə meyllərin aydın təzahürü idi. Sorğuda neft möhtəkirliyi, taxıl məhsullarının talanması və H.Z.Tağıyev fabrikində bezlə bağlı məsələlərin araşdırılması tələb edilirdi. 717
Bir sıra nazirlərin izahatından sonra fevral ayının 5-də baş nazir Fətəli xan parlament iclasında çıxış edərək bəzi məsələlərə aydınlıq gətirdi. О dedi: "Siz bunu bilirsiniz ki, Azərbaycanın istiqlalı hər dəqiqə təhlükədədir. Bilirsiniz, indi elə vaxtdır ki, nəinki bez və çit, hətta elə əhval çıxa bilər ki, Azərbaycan belə qalmaz, istiqlalımız
716 Единая Россия, 1918, 17 декабря. 717 Azərbaycan Xalq Cümhuriyyəti. Parlament, I cild, s.213-226 208
əldən gedər. Belə mühüm zamanlarda hökumət işlərini Tağıyev fabrikasının bezi ilə ölçmək olarmı? Bilirsiniz ki, hökumətin həftədə 5-6 iclası olur, gecə saat ikiyədək otururuq, lakin bu neçə vaxtda iş о qədər olmuşdur ki, sorğudakı məsələlərə keçmək mümkün olmamışdır. Xarici siyasət о qədər gərgin olmuşdur ki, sıradakı məsələlərə keçmək mümkün olmamışdır. Bu halda mümkündürmü hökumət gedib sənin bezlərini ölçsün, Azərbaycanın başına bir bəla gələrsə, onda bez nəyə gərək, çit və neft nəyə gərək olar." 718 F.X.Xoyskinin bu sözlərinə və Müsavat partiyasının ciddi cədhlərinə baxmayaraq hökumət böhranının qarşısını almaq mümkün olmadı. Baş nazir fevral ayının 25-də səhhəti ilə bağlı səlahiyyətlərinin təhvil verilməsi haqqında bəyanatla çıxış etdi. Yeni hökumətin təşkili N.Usubbəyova tapşırıldı. Uzun müzakirələrdən sonra N.Usubbəyov aprel ayının 14-də dördüncü hökumət kabinetinin tərkibini parlamentə təqdim etdi. Yeni hökumətdə Nazirlər Şurasının sədri və daxili işlər naziri N.Usubbəyov, maliyyə naziri Əliağa Həsənov, ticarət və sənaye naziri Ağa Əminov, xarici işlər naziri Məmməd Yusif Cəfərov, poçt və teleqraf naziri Cəmo bəy Hacınski, ədliyyə və əmək naziri Aslan bəy Səfikürdski, hərbi nazir Səməd bəу Mehmandarov, təminat naziri V.Klenovski, səhiyyə naziri A.Dostakov, maarif və dini etiqad naziri Rəşid bəу Kaplanov, əkinçilik naziri A.Qardaşov, portfelsiz nazir X.Amaspur, nazir müfəttiş N.Nərimanbəyov təsdiq edildilər. Yeni baş nazir N.Usubbəyov aprel ayının 14-də parlamentdə hökumət proqramı ilə çıxış etdi. Xarici siyasət məsələlərinə toxunaraq, о dedi: "Azərbaycan türklərinin yaxın bir zamanda dünyanın bilcümlə mədəni millətləri ailəsinə daxil olacağına ümidimiz qəvidir... Çünki millətin bu əzminə bilavasitə şahid olan böyük və demokratik İngiltərə komandanlığı heyətinin aldığı təəssüratı qərəzsiz, mübaliğəsiz Parisdə toplanan ümumdünya məhkəməsinə ərz edəcəyi şübhəsizdir". N.Usubbəyov Muğanda, Borçalıda, İrəvanda baş verən hadisələrə toxunaraq bildirdi ki, Azərbaycanın ayrılmaz bir hissəsini təşkil edən Lənkəran qəzası hələ yadellilərin əlindədir. 100 minə qədər vətəndaşımızın həyatlarına, irz və namuslarına təcavüz edilir. Azərbaycanın Tiflis və İrəvan vilayətlərində bulunan hissələrinə göz dikənlər dəxi vardır. Şimali Qafqazda cərəyan edən hadisələrə toxunaraq, N.Usubbəyov dedi ki, Şimali Qafqaz azərbaycanlıların vətəni, Azərbaycan Şimali qafqazlı dindaşlarımızın yurdu, ocağı məsabəsindədir. Məlumi-alilərinizdir ki, Denikinin orduları Şimali Qafqazın üzərinə hücum edərək cəsur və şücaətli dindaşlarımızın qarlı dağlarını al qanlara boyayıb, onları və onlarla bərabər bizləri yenidən təhti-əsarətinə almaq fikrindədirlər." 719
Baş nazir hökumətin proqramını elan edərkən, Qarabağın adını çəkmədiyindən müəyyən qüvvələr bundan onu tənqid etmək məqamı kimi istifadəyə cəhd göstərdilər. N.Usubbəyov onlara üzünü tutaraq dedi: "Mənim bəyannaməmdə nə qədər mübahisəli yerlər və məsələ varsa о xüsusda sözümü
718
Yenə orada, s.263-264 719
Azərbaycan Xalq Cümlıuriyyəti. Parlament, I cild, s.444-445. 209
dedim. Çox mübahisəsiz məsələlər vardır ki, hökumət о xüsusda söz söyləməyi artıq bilir. İrəvan, Lənkəran, Tiflis sözü oldusa о da ondan ötəridir ki, onlar mübahisəlidir. Qarabağ xüsusunda mübahisə yoxdur. Onun üçün də mən mübahisəli olmayan məsələ haqqında bir söz söyləməyi artıq bildim. Müsavat fraksiyasının rəhbəri M.Ə.Rəsulzadə söz alaraq, N.Usubbəyovun mövqeyini müdafiə etdi. О dedi: "Meydanda Lənkəran məsələsi var. Çünki Lənkəran daha əlimizdə deyil, çünki oraya hələ Azərbaycan məmuriyyəti təyin edilməmişdir. Tiflis quberniyasında Borçalı məsələsi var. Çünki orası da bizim hökumət və qüvvətimizin xaricindədir. İrəvan quberniyasının bəzi yerlərinə aid məsələlər var. Çünki hökumət oralara hələ nüfuz etməyib, torpaqlarımız başqa əllərdədir. Halbuki Qarabağ məsələsi belə layənhəll halda deyildir. Oraya general-qubernator təyin edilmişdir. Oradakı hüquqi-mülkiyyəmiz, hətta bir dərəcəyə qədər beynəlmiləl bir halı iktisab eləmişdir. Bir də İrəvan quberniyasının davasını edən hökumətdən qalxıb da Qarabağ məsələsini istizah etmək yersizdir. Çünki İrəvana gedən hökumət təbiidir ki, Qarabağ dağlarını aşıb keçmədən gedəməzdi. Bizcə və hökumətcə Qarabağ məsələsi yoxdur. Necə ki, Bakı məsələsi yoxdur. Buna görə də Qarabağ ünvanı ilə vaqə olan hər növ təklifi rədd edirik". 720
Gəncədə doğulmuş, XX əsrin əvvəllərində Odessa Universitetinin hüquq fakültəsində oxumuş, 1907-ci ildə məşhur türkçü mütəfəkkir İsmayıl bəу Qaspralının "Tərcüman" qəzetinin əməkdaşı olmuşdu. Krımda olarkən, İ.Qaspralının qızı Şəfiqə Soltanla ailə həyatı quran Nəsib bəу 1908-ci ildə Türkiyəyə mühacirət etmiş və 1909-cu ildə Gəncəyə qayıtmışdı. Fevral inqilabından sonra Gəncədə Türk Ədəmi-Mərkəziyyət partiyasını yaradan N.Usubbəyov 1917-ci ilin aprelində Qafqaz müsəlmanlarının Bakı, həmin ilin mayında Rusiya müsəlmanlarının Moskva qurultayının fəal iştirakçısı olmuşdu. M.Ə.Rəsulzadə sonralar onun haqqında yazırdı: "Azərbaycan ideyasını siyasi bir tələb maddəsi şəklində formula etmək şərəfi mərhum Nəsib bəyindir". 721
çox yüksək qiymətləndirirdilər. 1919-cu ilin payızında Qafqaza Britaniya Ali Komissarı təyin edilmiş Oliver Uordrop sentyabrda Bakıya ilk səyahətindən və N.Usubbəyovla keçirdiyi görüşlərdən sonra oktyabrın 2-də Londona göndərdiyi hesabatda yazırdı: "Baş nazir Usubbəyov geniş dünyagörüşə malik, yüksək təhsil görmüş, itiağıllı, liberal ideyalara sədaqətli, səmimi, vicdanlı, qarşısına qoyduğu məqsədə nail olmağa çalışan nəzakətli bir insandır... Baş nazirin ideyaları dini ideyalar deyil, milli ideyalardır. O, bolşevizmə nifrət edir. Onun istədiyi bircə şey varsa, о da ölkəsinin müstəqilliyidir. Onun komandası və kabineti bəzi Avropa ölkələri üçün nümunə ola bilər... Onlar öz işlərini yaxşı idarə edirlər və bütün
720 Azərbaycan parlamentinin iyirmi doqquzuncu iclasının stenoqramı. 14.04.1919.// ARDA, f.895, s.1,i-82, v.70-71 721
Azərbaycan Xalq Cümhuriyyəti ensiklopediyası. II cild. Bakı, 2005, c.441 210
ləyaqətli adamlar kimi, hər şeydən daha çox yeni dünyada öz yerlərini tutmağa can atırlar." 722
Dördüncü hökumət kabinetində xarici işlər naziri vəzifəsini tutan Məmməd Yusif Cəfərov artıq xeyli vaxt idi ki, diplomatik fəaliyyətlə məşğul olurdu. O, 1918-ci ilin iyunundan xarici işlər naziri vəzifəsinə təyin olunana qədər Azərbaycan hökumətinin Tiflisdə diplomatik nümayəndəsi olmuşdu. Dövrünün savadlı, istedadlı, geniş dünyagörüşə malik adamlarından olan M.Y.Cəfərovun Gürcüstandakı fəaliyyəti faydalı olmuş, o, burada Azərbaycanın siyasi və iqtisadi maraqlarının qorunması istiqamətində qonşu dövlətlərin, Avropa ölkələri və Türkiyənin nümayəndələri ilə diplomatik danışıqlar aparmış, Tiflisdə keçirilən Zaqafqaziya konfransında Azərbaycanı təmsil etmişdi. 1919-cu ilin payızında Bakıya səfər emiş Tiflisdəki Britaniya Ali Komissarı O.Uordrop xarici işlər naziri M.Y.Cəfərovla görüşündən aldığı təəssüratı Londona göndərdiyi şifrəli teleqramda belə ümumiləşdirirdi: "Keçmiş Rusiya Dövlət Dumasında Kadet partiyasının üzvü və eyni zamanda müsəlman fraksiyasının lideri olmuş M.Y.Cəfərov müharibə və inqilablar dövründə Rusiyanın və Сənubi Qafqazın tarixində böyük rol oynamışdır. O, bacarıqlı və çox tanınmış bir natiqdir". 723
başladıqdan sonra həm nazirliyin mərkəzi aparatında, həm də xaricdəki diplomatik nümayəndəliklərdə bir sıra dəyişikliklər etdi. Aprel ayının 15-də xarici işlər nazirliyi üzrə verilmiş 2 saylı əmrdə nazirliyin şəxsi heyəti və diplomatik missiyaların başçıları öz yerlərinə təsdiq edildilər. Yeni əmrə əsasən, Mir Yusif Vəzirov Ukrayna, Polşa və Krımda, Mahmud bəу Əfəndiyev Batumda, Məmməd Xan Təkinski Ermənistanda, Əbdürrəhim bəу Haqverdiyev Dağlılar İttifaqında, Cəfər bəу Rüstəmov Kuban hökumətində, Əkbər ağa Sadıxov Aşqabadda öz diplomatik fəaliyyətlərini davam etdirməli idilər. 724 M.Y.Cəfərovun Bakıya dönüşündən sonra Tiflisdəki Azərbaycan diplomatik nümayəndəliyinə onun müavini olmuş Fariz bəy Vəkilov başçılıq etməyə başladı. Elə fəaliyyətinin ilk günlərində F.Vəkilov 1919-cu ilin martında ermənilər tərəfindən əsir alınmış müsəlman dinc əhalisinin təcili şəkildə azad edilməsi ilə bağlı müttəfiqlərin komandanlığı qarşısında məsələ qaldırdığını xarici işlər nazirliyinə yazırdı. General Biç ilə söhbətində F.Vəkilov ermənilərin bu azğınlığının qarşısının alınmasını ingilis komandanlığından tələb etmişdi. Eyni zamanda Azərbaycanın Paris Sülh konfransındakı nümayəndə heyətinin başçısı Ə.M.Topçubaşovun
722
Cənab O.Uordropun şifrəli teleqramı. 02.10.1919.// Azərbaycan Xalq Cümhuriyyəti. Böyük Britaniyanın Arxiv sənədləri, s. 188-194 723 Cənab O.Uordropun şifrəli teleqramı. 02.10.1919.// Azərbaycan Xalq Cümhuriyyəti. Böyük Britaniyanın Arxiv sənədləri, s.188 724
Diplomatik missiyaların başçılarının təyin olunması haqqında xarici işlər nazirliyinin əmrindən çıxarış. 15.04.1919.//ARDA, f.970, s.2, i.157, v.1-2 211
Bakıya göndərdiyi diplomatik yazışmaların Batumda Britaniya komandanlığı tərəfindən açılmasına qarşı da o, öz etirazını general Biçə bildirmişdi. 725
M.Y.Cəfərov xarici işlər nazirliyinin operativliyini artırmaq məqsədilə bir sıra struktur islahatların aparılmasına cəhd göstərirdi. Bu məqsədlə o, 1919-cu ilin may ayının 18-də gündəlik informasiyalar üzrə məruzələrin hazırlanması və onların surətlərinin diplomatik nümayəndələrə göndərilməsi haqqında əmr verdi. Əmrdə göstərilirdi: "Dəftərxana direktoruna təklif edilir ki, nazirlik üzrə səliqəli şəkildə gündəlik məlumatlar haqqında məruzələr hazırlanması və onların surətlərinin respublikanın diplomatik nümayəndəlikləri, səfirlik və konsulluqlarına göndərilməsi haqqında sərəncam versin. Eyni zamanda respublikanın bütün diplomatik nümayəndəlikləri və konsulluqları akkreditə olunduqları ölkələrin gündəlik siyasi və dövlət həyatı haqqında eyni məzmunlu məruzələr hazırlayıb nazirliyə təqdim etməli idilər." 726
nazirliyinin dəftərxanasının müvəqqəti ştat cədvəli təsdiq edildi. Sənədə görə dəftərxana diplomatik, ümumi işlər və təsərrüfat şöbələrindən ibarət olmalı idi. Yeni əsasnamədə ilk dəfə olaraq, xarici işlər nazirliyi şöbələrinin vəzifələri dəqiqliklə göstərilirdi. Əsasnaməyə görə, diplomatik şöbəyə nazirliyin katibi rəhbərlik etməli idi. Şöbə diplomatik xarakterli yazışmalar aparmalı, nazirin göstərişi ilə xarici dövlətlərə təqdim edilmək üçün etiraz notaları, cavab notaları, hökumətin adından məktublar hazırlamalı, müxtəlif akt və sənədlərin xarici və türk dillərindən tərcüməsini təşkil etməli, məxfi xarakterli yazışmalar və şifrələnmə işlərini təmin etməli idi. Ümumi şöbəyə gəldikdə isə, bu şöbə mərkəzi və yerli idarələrlə yazışmaları, respublikaya gələn xaricilərin, xaricə gedən Аzərbaycan vətəndaşlarının sənədlərinin qaydaya salınmasını, nazirliyin bütün strukturlarında olan şəxsi heyətin işlərini yoxlamalı, respublikanın müxtəlif idarələrindən parlamentə göndərilən qanun layihələri ilə tanış olmalı, nazirliyin adından qanun layihələri hazırlamalı və rəhbərlik üçün müxtəlif məsələlərə aid hesabatlar tərtib etməli idi. 727
Aparılan struktur islahatlarından sonra xarici işlər nazirliyinin ştat cədvəli 60 nəfərdən ibarət idi. Bura nazir, nazir müavini, məsləhətçi, 4 nəfər dəftərxana, 11 nəfər diplomatik şöbənin, 10 nəfər informasiya şöbəsinin, 10 nəfər ümumi şöbənin, 5 nəfər təsərrüfat şöbəsinin, 17 nəfər arxiv, draqomanat, ümumi qeydiyyat işçiləri daxil idi. 728
Əsasnaməyə görə Azərbaycan Respublikası Xarici İşlər Nazirliyinin kollegial orqanı kimi Şura yaradılmışdı, Şuraya nazir, onun müavini və məsləhətçiləri daxil idi. Şöbə müdirləri Şuraya dəvət edilir və rəhbərlik etdikləri sahələr üzrə hesabatlar verirdilər. Şura nazirliyin fəaliyyəti ilə bağlı ən
725
Gürcüstandakı Azərbaycan Respublikasının diplomatik nümayəndəsinin müavini F.Vəkilovun xarici işlər naziri M.Y.Cəfərova məlumatı. 31.03.1919.//ARDA, f.970, s.1, i.54, v.2 726 Азербайджанская Демократическая Республика. Внешняя политика, с.223 727 ARDA, f.970, s.2, i.80, v.33-34 728 ARDA, f.970, s.2, i.132, v.7-69 212
zəruri məsələləri müzakirə edir və müvafiq qərarlar qəbul edirdi. Məsələn, diplomatik sahədə işləmək arzusu ilə nazirliyə müraciət etmiş bütün şəxslər Şuranın ciddi müzakirəsindən keçirdi. Xarici işlər nazirliyinə işə qəbul edilən şəxs mütləq fransız dilini bilməli və beynəlxalq hüququn əsasları ilə tanış olmalı idi. Xarici işlər naziri M.Y.Cəfərovun 1919-cu ilin avqust ayının 12-də imzaladığı 27 saylı əmrlə nazirliyin yanında Kartoqrafiya və Statistika şöbələri yaradıldı. 1919-cu ilin sentyabrında bu şöbələr informasiya bürosu ilə birlikdə nazirliyin dəftərxanasına birləşdirildi. Nazirin əmri ilə müəyyən edildi ki, xarici işlər nazirliyindən bütün informasiyalar dəftərxana müdiri ilə razılaşdırıldıqdan sonra İnformasiya Bürosu tərəfindən verilə bilərdi. Siyasi xarakterli məlumatların isə nazirin icazəsi olmadan verilməsi qadağan edilirdi. 729 İnformasiya Bürosunun tərkibində yaradılan kitabxana 8 bölmədən ibarət olub hüquqi, coğrafi, tarixi, etnoqrafik, mədəniyyət, sənaye, soraqlama və inqilabi ədəbiyyatı əhatə etməli idi. Kitabxananın tarix bölməsində Azərbaycan, Türküstan, Türkiyə, Qafqaz və İslam tarixi ilə bağlı ədəbiyyat toplanmalı, toplanan ədəbiyyatdan diplomatik danışıqlar və yazışmalar zamanı istifadə edilməli idi. 730
Toplanan kitablar və məqalələr, abunə olunan qəzet və jurnallar, müxtəlif kanallarla əldə edilən məlumatlar əsasında hazırlanan arayışlar, kitab və broşurlar Azərbaycanın xaricdə yerləşən diplomatik missiyalarına göndərilirdi. Eyni zamanda bu məlumatlar əsasında "Azərbaycan Respublikası Xarici İşlər Nazirliyinin Xəbərləri" adlı dövrü orqanın buraxılması planlaşdırılırdı. Burada nazirliyin əmrlərinin, hökumətin xarici siyasətlə bağlı sərəncamlarının, siyasi hadisələrin xronikasının, Qafqazda və dünyada baş verən hadisələrin təhlilini əks etdirən məqalələrin, mətbuat icmallarının dərc olunması nəzərdə tutulurdu. Jurnal ayda bir dəfə dörd çap vərəqindən az olmayaraq nəşr olunmalı idi. 731
İstanbulda və Tehranda yeni diplomatik nümayəndəliyin yaradılması haqqında hökumət qarşısında məsələ qaldırmışdı. Hələ 1919-cu ilin mart ayında danışıqlar aparmaq üçün Tehrana İsmayıl xan Ziyadxanov başda olmaqla fövqəladə səlahiyyətli missiya göndərmək məsələsinə хаrici işlər nazirliyi yenidən qayıtdı. Bu missiyaya Azərbaycan hökuməti adından səlahiyyət verilirdi ki, İranın Bakıda və Gəncədə, Azərbaycanın isə Tehranda, Təbrizdə, Rəştdə və Məşhəddə diplomatik nümayəndəliklər açmaq məsələsini, İranla Azərbaycan arasında ticarət, poçt-teleqraf, gömrük, su, dəmir və avtomobil yolları ilə əlaqələr yaradılması haqqında müqavilələrin əsas prinsiplərini, sərhəd xəttinin qorunması üçün birgə tədbirlər görülməsini İran tərəfi ilə müzakirə etsin.
729
ARDA, f.970, s.2, i.120, v.20; i.121, v.31 730
ARDA, f.970, s.l, i.209, v.l 731
ARDA, f.970, s.l, i.103, v.12-13
213
1919-cu ilin birinci yarısında bir sıra xarici ölkələrin Azərbaycanda diplomatik nümayəndəlikləri açıldı. Fevral ayının 5-də Tiflisdə yerləşən Qafqazdakı İsveçrə Milli Şurasının rəhbərliyi Bernə göndərdiyi məktubda Bakıda İsveçrə respublikasının diplomatik nümayəndəsinin təyin edilməsini təklif edirdi. Onlar bu vəzifəyə artıq Bakıda olan Robert de Rianın namizədliyini irəli sürürdülər. 732
Fevral ayının 8-də Ukrayna xarici işlər naziri V.Çexovski Azərbaycan Xarici İşlər Nazirliyinə göndərdiyi məktubda Bakıda Ukraynanın diplomatik nümayəndəliyini açmaq arzusunu ifadə edirdi. Azərbaycan Xarici İşlər Nazirliyi cavabında İ.Kraskovskinin Bakıya diplomatik nümayəndə təyin edilməsinə razılığını verdi və Ukrayna diplomatik missiyasının başçısı öz etimadnaməsini Azərbaycan hökumətinin başçısına təqdim etdi. 733 Fevral ayının 19-da polkovnik Karqaleteli Gürcüstan hökumətinin Azərbaycanda hərbi attaşesi təyin edildi. Tiflisdəki Azərbaycan diplomatik nümayəndəliyində isə bu vəzifəni Yüklə 4,98 Mb. Dostları ilə paylaş:
|