Azərbaycanın geologİyası I mühazİrə

Azərbaycan ərazİsİnİn tektonİk rayonlaşdırılması
Azərbaycan ərazisi kifayət qədər mürəkkəb tektonik quruluşa malik olub, bir sıra birinci, ikinci və üçüncü dərəcəli geostruktur elementlərə ayrılır:

	Azərbaycan ərazisində ayrılan əsas tektonik vahidlər
	I Dərəcəli strukturlar	II Dərəcəli strukturlar	III Dərəcəli strukturlar
1	Böyük Qafqaz meqantiklinoriumu	Cənubi şərq və şimal yamacı	Tfan antiklinoriumu, Şahdağ-Xızı antikli­no­­riu­mu, Təngi-Beş­barmaq antiklinoriumu, Qu­sar-Dəvəçi törəmə muldası
		Cənub yamacı	Zaqatala-Qovdağ sinklinoriumu, Dibrar-Yaş­­­­ma sink­linoriumu, Altıağac-Kürkə­çi­dağ antik­linoriu­mu, Vandam antiklinoriu­mu, Şamaxı-Qo­bustan sinklinoriumu, Lən­gə­biz-Ələt qırı­şıq­lığı.
2	Kiçik Qafqaz meqantiklinoriumu	Şimali şərq hissəsi	Qarabağ antiklinoriumu, Göyçə-Həkəri sink­lino­riumu, Misxan-Zəngəzur anriklinoriumu.
3	Ota Kür-Araz meqaçökəkliyi	Alazan-Əyriçay törəmə çökəkliyi, Daşyuz-Əmirvan antik­li­noriu­mu, Acınohur çökəkliyi, Çatma-Göyçay antiklino­riu­­mu, Ceyran­çöl sinklinoriumu, Yevlax-Ağcabədi sinklinoriu­mu,
4	Naxçıvan qırışıqlıq sistemi	Ordubad sinklinoriumu, Şərur-Culfa antiklinoriumu, Nax­çıvan törə­mə çökəkliyi.
5	Talış (Lənkəran) qırışıqlıq sistemi	Astara antiklinoriumu, Lerik-Yardımlı sinklimoriumu, Talış antik­lino­riumu, Cəlilabad sinklinoriumu.
6	Cənubi Xəzər meqaçökəkliyi	Abşeron arxipelaqı qırışıqlıq zonası	Şimali Abşeron arxipelaqı: Şimali Abşeron çökək­liyi, Şimali Abşeron qalxımlar zonası.
			Mərkəzi Abşeron arxipelaqı: Pirallahı-Gəl­gör çö­kəkliyi, Abşeron-Çələkən qalxımlar zonası.
			Cənubi Abşeron arxipelaqı: Abşeron-Qızıl­qum çö­kəkliyi, Ələt-Aydak (Ogurçınsk) qal­xım­lar zonası.

Azərbaycanın ərazisidə yerləşən əsas struktur vahidləri Böyük Qafqaz meqantiklinoriumu, Kür dağlarası çökəkliyi və Kiçik Qafqaz meqantiklinoriumdur.

Böyük Qafqaz meqantiklinoriumu mürəkkəb quruluşlu struktur olub, daxilində qədim strukturlarla yanaşı, cavan törəmə strukturlar da yerləşir. Böyük Qafqaz antiklinoriumunun bü­tün strukturları Girdiman ça­yında kəskin bataraq, şərqdə Xəzər sahillərində periklinal şəklin­də qapanır. Şamaxı-Qobustan sinklinoriumu sahəsində Vəndam antiklinoriumunun gömülmüş da­va­mı Yavandağ-Sanqaçal ağırlıq qüvvəsi maksimumu hesab edilir. Burada, Girdiman və Ağsu çayları arasında Maykop çöküntüləri üzərində qalın (1500 m) Dübrar fasiyalı Tabaşir çöküntü­lə­ri örtüyü (horizontal yerdəyişmə amplitudu 10 km) yerləşir ki, bu da Basqal örtüyü adlanır. Qərbdə Mazım və Girdiman çayları arasında Vəndam antik­li­noriumunun cənubunun xeyli hissəsi çaqıl daşları ilə örtülmüşdür.