“Azərbaycanın sığorta bazarında fəaliyyətin idarə olunmasının əsas problemləri” mövzusunda
Azərbaycan sığorta bazarının Rusiya ilə müqayisəsi
Yüklə 0,65 Mb. Pdf görüntüsü
|
|
Azərbaycan sığorta bazarının Rusiya ilə müqayisəsi:
Bildirdiyimiz kimi MDB ölkələrindəki ÜDM-in üçdə ikisi və regionda toplanmış sığorta haqlarının hardasa 90 faizi Rusiyanın payına düşür. Bu inkişafın əsas səbəblərindən biri sığorta sektorunda əhalinin maarifləndirilməsi istiqamətində böyük işlərin görülməsidir. Sırf sığorta maarifləndirilməsi xarakterli verilişlər, əhali üçün pulsuz maarifləndirici kurslar sığorta şirkətləri tərəfindən maliyyələşir. Rusiyada sığorta şirkətləri internet üzərindən təklif etdikləri sığorta növləri üzrə müqavilə bağlayarkən məhz hansı məqamlara diqqət yetirilməli olduğuna dair məlumatları, o cümlədən vətəndaşların hüquqlarını müəyyənləşdirən qanun müddəaları, yerləşdiriblər. Həmçinin, səyahətə çıxanlar üçün tibbi sığorta təklif edən sığortaçı potensial müştərilərə müqavilə bağlayan zaman fikir verməli olduğu məqamları ən xırda detallarına qədər açıqlayır, hası ki, sonradan hər hansısa bir hadisə baş verdikdə sığortalanmış şəxs hüququ nəyə çatırsa, onu da tələb edə bilir. Sığorta şirkətləri tərəfindənn belə üsulların tətbiqi Azərbaycan bazarı üçün də zəruridir. Rusiyadan vətəndaş cəmiyyəti institutları vasitəsilə əhalinin maarifləndirilməsi şirkətlərin ümdə addımlarından biri hesab olunsa da, əhalinin maarifləndirilməsi Azərbaycandakı sığorta şirkətlərinin fəaliyyət planında əsas prinsip hesab edilmir və bu yolda mühüm araşdırma mərkəzləri kimi qəbul edilən qeyri- hökumət təşkilatlarının köməyindən istifadə olunmur. (Əliyeva L., 2011) Rusiyada Rusiya Federasiyası Sosial Sığorta Fondu, Rusiya Federasiyasının Pensiya Fondu, həmçinin bir sıra federal və ərazi icbari tibbi sığorta fondları müasir sosial sığorta sisteminin formalaşmasında, Rusiya Federasiyasının Dövlət Məşğulluq Fonduna daxil olan büdcə vəsaitinin təminatında əsas paya sahibdirlər. Ölkəmizdə isə bu tipli ixtisaslı fondların sayı kifayət qədər deyil. Federasiyanın vətəndaşları istənilən ərazidə icbari tibbi sığortadan yararlana bilər, istənilən sığorta şirkətini, eləcə də klinikanı və həkimi öz istəti ilə seçə bilərlər. Bundan başqa, icbari tibbi sığortanın iş 61 yeri ilə bağlılığı tamamilə aradan qaldırılıb, yeni proqrama əsasən işdən azad edilmə və ya iş yerini dəyişmə hallarında sığortanı dəyişməyə ehtiyac qalmır. Yeni proqramın tələblərinə əsasən hər bir sığorta şirkəti sığorta proseslərinə və maliyyə fəaliyyətlərinə dair məlumatları öz internet saytında yerləşdirməlidir. Bütün vətəndaşlarını əhatə edən icbari tibbi sığorta ilə bağlı dövlət siyasətinin icrası üçün icbari tibbi sığortaya dair ərazi və federal fondlar yaradılıb. Tibbi sığortanın iştirakçılarına vətəndaşlar, sığortaçııar, tibbi sığorta təşkilatı və tibb müəssisələri daxildir. Bu sığortanın tərkibinə xroniki xəstəlikləri olan xəstələrin ambulator müalicəsi, əlillər üçün profilaktik xidmətlərin kompleks təminatı, hamilə qadınlar, uşaqlar, əlillər, onkoloji xəstəliklər, ruhi problemi olan xəstələr, insanların reabilitasiyası, müstəqil hərəkət edə bilməyən xəstələrə ev şəraitində tibbi yardım, travmatik vəziyyət, doğum, kəskin zəhərlənmə və s. hallara qarşı tibbi xidmətlər daxildir. (Əliyeva L., 2011) Rusiya ilə müqayisədə Azərbaycanın sığorta bazarında tibbi sığortanın inkişafı çox zəifdir və bu sahədə qonşu ölkənin təcrübələrindən yararlanmağa böyük tələbat var. Yüklə 0,65 Mb. Dostları ilə paylaş:
|