97
Qurğuda əsas alət temperatur yaradan induktordur.
Yüksək elektrik keçiriciliyi qabiliyyətinə və nisbətən
ucuz olmasına əsaslanaraq, işçi induktorlar əsasən mis
materialdan hazırlanır və
seçilən generatora görə bir
və çoxdolaqlı ola bilərlər. Maqnit sahə xətlərinin emal
olunan detala yönəldilməsi üçün əlavə olaraq, detalla
induktor arasında ferrit içliklər tətbiq oluna bilər.
5. Qaz-
alov üsulu ilə əritmə texnikası və
vasitələri
Qaz-alov üsulu ilə qaynaq (həmçinin,
autogen
qaynağı adlanır) zamanı, qaynaq vannası yanıcı qaz-
oksigen və ya yanıcı qaz-hava alovunun birbaşa yerli
təsiri ilə əmələ gəlir.
Bu üsulun üstünlüklərinə- çətin mövqelərdə
qaynağın
mümkünlüyü, yüksək mobillik, boşluqların
asanlıqla doldurula bilməsi, aşağı qalıq gərginlikli və
qaynaq tikişinin kövrəkləşməyə az meyilli olması
daxildir. Qaynaq tikişində
dənəciklərin güclü
böyüməsi və qaynaq sürətinin aşağı olması autogen
qaynağının əsas mənfi cəhətlərindəndir.
Poladların, çuqunların və qeyri-metal materialların
bu üsulla qaynağı mümkündür.
Üsulun iş prinsipi
növbəti şəkildə təqdim
olunmuşdur:
98
Şəkil 5.1. Qaz-alov üsulunun (autogen qaynağı) iş prinsipi.
Qaz-alovu ilə əridərək qaynaq etdikdə, sovuran
yandırıcı başlıq (injektor yandırıcı) tətbiq olunur. Bu
başlıqların funksiyası injektorların işinə əsaslanır.
Qaynaq qazları injektora qədər ayri-ayrılıqda
verilir və
təzyiq uçluğunda en kəsiyinin azalması hesabına
oksigenin axma sürəti artırılır (şək. 5.2.).
Dostları ilə paylaş: 
