Emal nöqsanları aşağıdakılardır.
Cilalanma izləri məmulatın dibi və kənarı üzrə ayrı-ayrı cilalanmış sahələrdən ibarətdir. Naxışın sərhədlərinin bir-birinə nisbətən qeyri-simmetrik yerləşməsi, naxışın sərhədlərinin bəzilərinin natamam işlənməsi amanı əmələ gəlir. Bundan əlavə naxışın bəzədilməsi zamanı kəsiklər yarana bilər.
Ərimə məmulatın kənarının pardaqlanması zamanı xaricdən və ya daxildən əriyib deyormasiyaya uğraya bilər.
Turşulu pardaqlanmanın izləri məmulatın naxışı və ya üst səthi bəzi yerlərdə tutqunlaşır. Bu nöqsan vaxtından əvvəl aşılanmadan sonra yuyulması və ya turşuda çox qalması nəticəsində əmələ gəlir.
Şüşə məmulatlarının keyfiyyətinin qiymətləndirilməsində alət və laboratoriya üsulundan da istifadə edilir.
Şüşənin zərbəyə davamlılığının təyini. Məmulatın zərbəyə müqaviməti sınağını içərisində getdikcə böyüyən, dəyişən zərbə yükü olan cihazlarda, məmulat dağılana qədər və ya məmulat şüşəsi dağılana qədər zərbə təkrar edilməklə, daimi ağır yüklər vasitəsilə aparılır. Zərbəyə qarşı müqavimət yükün ayrı-ayrı düşməsi zamanı işin cəminin ( kqg/sm) tədqiq olunan nümunənin həcmunə (sm³) nisbəti ilə ifadə olunur. Tədqiqat üçün nümunələr 5x5 sm ölçülü lövhə, ya da tərəfləri 2 sm olan kub şəklində götürülür. Yük nümunənin mərkəzinə sərbəst düşməlidir. Məmulatın zərbəyə davamlılığı nəinki divarının qalınlığından, həmçinin məmulatın öz formasından da asılıdır. Lövhə şəkilli məmulatlar nisbətən az davamlı hesab edilir. Şüşənin zərbəyə davamlığından başqa, çox vaxt şüşənin kövrəkliyi də hesablanır. Kövrəklik aşağıdakı düsturla hesablanır.
X = f •V
P h
Burada, f – sıxılma zamanı davamlılıq həddi kqg/sm;
V – nümunənin həcmi sm³;
Ph – dağılma baş verən zaman işin cəmi, kqg/sm.
Dostları ilə paylaş: |
