Ağacın quruluşu. Ağac cinsləri. Ağac gövdəsinin quruluşu. Ağacın üç əsas hissəsindən, yəni çətir, gövdə və kök hissələrindən inşaat üçün ancaq gövdə hissəsi tətbiq olunur. Gövdənin quruluşunu üç kəsikdə tədqiq etmək olar. Bu kəsiklər eninə kəsikdən, radial (gövdənin oxundan keçən) kəsikdən və tanqental (en kəsikdən, yəni oxundan keçməyən) kəsikdən ibarətdir. Gövdənin eninə kəsiyində ağacın özəyi, oduncağı və qabığı görünür.
Şalban – ağac gövdəsinin müxtəlif uzunluqda olan, budaqlardan belə azad edilən və doğranmadan inşaatda istifadə edilən, habelə mişar materialları və faner hazırlanması üçün və digər məqsədlər üçün tətbiq olunan parçalara şalban deyilir. Şalbanın əsas növləri inşaat şalbanından və kötükdən, malaltlıqlarından və şüvüldən ibarətdir.
İnşaat şalbanı – yuxarısının, yəni ən nazik yerinin diametri 12 sm-dən az olmayan ağac gövdəsi parçalarından ibarətdir. İnşaat şalbanları iynəyarpaq ağaclardan (şam, küknar, qaraşam, sidr, ağşam) və yarpaqlı ağac cinslərindən (ağcaqovaq, tozağacı, cökə, qızılağac, qovaq) hazırlanır. İynəyarpaq cinsli ağac şalbanların standart uzunluğu 4-dən 9 metrə qədər, yarpaqlı ağac cinslərinin isə 3 metrdən yuxarı olur.
