Baki döVLƏt universiteti

İtaliyanın böyük quru və dəniz qüvvələri, insan ehtiyatları var idi. Digər üç dövlət 

isə  həm  coğrafi  vəziyyətinə,  həm  də  güclü  ordusuna  görə  hər  iki  blok  dövlətlərinə  lazım 

gəlirdi.  İtaliya  hökuməti  1914-cü  il  avqustun  3-də  müharibədə  bitərəf  qalacağını  bəyan 

etdi. İtaliya  diplomatiyası  müharibəyə hansı tərəfdən  qoşulmaq barədə “bazarlıq” etməyə 

başladı.  Almanlar  Marna  və  Flandiriyada  məğlub  edildikdən  sonra  İtaliya  Antanta 

dövlətlərinə  müttəfiqlik  haqqında  müraciət  etdi.  Bundan  ötrü  İtaliya  diplomatiyası  şərt 

irəli  sürdü:  Avstriya–Macarıstandan  Trentinonu,  Brenner  aşırımına  qədər  Tirolu,  Triesti, 

bütün İstriya və Dalmasiyanı, alban Valonunu almalı, həmçinin bütün Albaniya üzərində öz 

protektoratlığını  qurmalı,  Osmanlı  imperiyasının  Dodekanes  adalarını  və  Kiçik  Asiyada 

Adaliya rayonunu tutmalı idi.  

 

Uzun danışıqlardan sonra ingilis və fransız diplomatiyası İtaliyanın bütün tələblərini 

yerinə  yetirməyə  razılıq  verdi.  Bundan  sonra  1915-ci  il  aprelin  26-da  İtaliya,  Böyük 

Britaniya,  Fransa  və  Rusiya  Londonda  saziş  bağladılar.  Sazişə  görə  İtaliya  bir  ay  sonra 

Antanta  tərəfindən  müharibəyə  girməli  idi.  Beləliklə,  Üçlər  razılığı  Dördlər  razılığına 

çevrildi. Mayın 23-də İtaliya Avstriya–Macarıstana müharibə elan etdi. Nəticədə Avropada 

dördüncü- İtaliya cəbhəsi yarandı.