Teqvim2013. pdf

295

Siyasət.Hərbi iş

100 

illiyi

Əli İbrahimov 

1913-1990

OKTY

ABR

Əli İsmayıl oğlu İbrahimov 1913-cü 

il oktyabr ayının 1-də Rusiya imperiyası-

nın Çita vilayətinin Ust-Kara kəndində, 

kəndli ailəsində anadan olmuşdur. 

1929-cu ildə İbrahimovlar ailəsi Ba-

kıya köçmüş,  Ə.İbrahimov Bakı me-

xaniki texnikumuna daxil olmuşdur. 

1932-ci ildə texnikumu texnik-mexanik 

peşəsi ilə bitirən Ə.İbrahimov leytenant 

Şmidt (indiki Səttarxan) adına zavodda 

əmək fəaliyyətinə başlamışdır.

1932-ci ildə Azərbaycan Sənaye İns-

titutunun mexanika fakültəsinə daxil ol-

muşdur. 1937-ci ildə institutu mühəndis-

mexanik kimi bitirmişdir.

1938-1940-cı illərdə  Ə.İbrahimov 

sovet ordusunun Sakit okean donan-

masının tərkibində Olqa limanında 

qulluq etmişdir. 1941-1943-cü illərdə 

Ə.İbrahimov 1 May adına Bakı ma-

şınqayırma zavodunun baş mühəndisi 

vəzifəsində, 1943-1945-ci illərdə o, Ki-

rov adına Bakı qazıma dəzgahları zavo-

dunun direktoru olmuşdur. 

Ə.İbrahimov 1945-1946-cı illərdə 

Bakı Partiya Komitəsi katibinin ma-

şınqayırma sənayesi üzrə müavini ol-

muş, 1946-1948-ci illərdə “Azneftmaş” 

trestinə rəhbərlik etmişdir. 

1948-1950-ci illərdə  Ə.İbrahimov 

Azərbaycan KP MK katibinin müavini, 

sənaye və nəqliyyat şöbəsinin müdiri ol-

muşdur. O, Azərbaycan MK-da işlədiyi 

zaman müəssisələrdə siyasi-kütləvi 

işin yüksəldilməsi, istehsalat planları-

nın yerinə yetirilməsi sahəsində xeyli 

iş görmüş, yüngül, toxuculuq, yeyinti 

nazirliklərinin sənayenin və nəqliyyatın 

başqa sahələrinin müəssisələrinin 

əksəriyyəti plan tapşırıqlarını vaxtın-

dan  əvvəl ödəmişdi. Respublikanın 

dəmiryol, su və avtomobil nəqliyyatında 

vəziyyətin yaxşılaşdırılması  və inki-

şaf etdirilməsi, işgüzar kadrlarla təmin 

olunmasında var qüvvəsini sərf etmiş-

dir.

1950-1953-cü illərdə Azərbaycan 

Nazirlər Sovetinin Dövlət Plan Komis-

siyasının sədri, 1953-1954-cü illərdə 

Respublika Dövlət Plan Komitəsi 

sədrinin birinci müavini, 1954-1963-

cü illərdə Azərbaycan SSR Dövlət Plan 

Komitəsinin sədri, 1963-1965-ci illərdə 

Zaqafqaziya iqtisadi rayonunun Plan 

Komissiyasının sədri, 1965-1970-ci 

illərdə isə Azərbaycan SSR Nazirlər So-

veti sədrinin birinci müavini vəzifəsində 

çalışmışdır. 

Azərbaycan KP MK-nın birinci katibi 

H.Ə.Əliyevin tövsiyəsi ilə Ə.İbrahimov 

1970-1981-ci illərdə Azərbaycan SSR 

Nazirlər Sovetinə sədrlik etmiş və SSRİ 

Nazirlər Sovetinin üzvü olmuşdur. 

Artıq təcrübəli və bacarıqlı  təşkilatçı 

kimi özünü göstərmiş  Ə.İbrahimov 

respublikanın bu məsul vəzifəsində 

Azərbaycan sənayesinin, iqtisadiyya-

tının, mədəniyyətinin hərtərəfli inkişaf 

etməsi işində var qüvvəsi ilə çalışmış, 

böyük əmək sərf etmişdir. 

Ə.İbrahimov 1981-ci ilin yanvarın-

da öz xahişi ilə İttifaq əhəmiyyətli pen-

siyaya getdiyi üçün Azərbaycan SSR 

Nazirlər Soveti sədri vəzifəsindən azad 

edilmişdir.

Ə.İbrahimovun  əmək fəaliyyəti 

dövlət tərəfindən yüksək qiymət-

ləndirilmişdir. O, 3 dəfə “Lenin ordeni”, 

3 dəfə “Qırmızı Əmək Bayrağı” ordeni 

və müxtəlif medallarla təltif edilmişdir. 

Ə.İbrahimov 1990-cı il fevralın 15-də 

Bakı şəhərində vəfat etmişdir.