37
хojalıqqa kirip dizim betin jasawshılardan sorap toltırdı. Bunday baqlawlar soraw-
juwap usılındaǵı baqlaw dep júrgiziledi.
Soraw-juwap usılı
óz náwbetinde úshke bólinedi:
awız-eki usıl;
ózin- ózi registraciyalaw usılı;
korrespondenciya usılı.
Awız- eki usılda arnawlı tayarlanǵan adamlar (esapshılar) baqlanıp atırǵan
puхaralarǵa baqlaw betindegi sorawlardı berip, alǵan juwapların betke jazadı.
Ózin-ózi registraciyalaw usılında
baqlawdı ótkiziwshi shólkemniń
wákilleri arnawlı betlerdi baqlanıp atırǵan puхaralarǵa tarqatadı hám málim
waqıttan soń toltırılǵan betlerdi jıynap aladı. Máselen, hár bir student haqqında
tolıq maǵlıwmatqa iye bolıw maqsetinde esap ekonomika fakulteti dekanatı 1 kurs
studentlerine arnawlı betlerdi tarqatadı. Bul betler studentler tárepinen toltırılıp,
dekanatqa qaytarıp beriledi. Bunday baqlaw ózin- ózi registraciyalaw usılındaǵı
baqlaw dep júrgiziledi.
Korrespondenciya usılında
zárúr maǵlıwmatlar statistika shólkemlerine
ıqtıyarlı korrespondentler tárepinen jiberilip turıladı.
Úyrenilip atırǵan toplam birliklerin óz ishine qamıtıwına qaray statistikalıq
baqlaw jalpı hám jalpı emes baqlawlarǵa bólinedi.
Jalpı baqlaw
toplamdaǵı barlıq birlikler haqqındaǵı zárúrli maǵlıwmatlar
toplanadı. Statistikalıq esabat usı tárizde shólkemlestiriledi. Onı barlıq kárхana,
mekeme hám shólkemler dúziwi hám statistika shólkemlerine tapsırıwı shárt.
Xalıqtıń dizimi, sharwa dizimi hám egin maydanlarınıń esabı usaǵanlar jalpı
baqlawǵa mısal bola aladı.
Dostları ilə paylaş: 
