Bilimlendiriw ministrligi

4.2-keste 
Nókis qalası azıq-awqat dúkanların tovar aylanısı kólemi boyınsha gruppalaw
Tovar aylanısı 
kólemi boyınsha 
dúkanlar gruppası, 
mlrd. Swm 
Dúkanlar 
sanı 
Tovar aylanısı 
kólemi, mlrd. 
swm 
Aylanıs qárejetleri 
Kólemi mlrd. 
swm 
Salıstırma 
dárejesi (%) 
1,8-2,8 
17 
39,2 
2746 
7,01 
2,8-3,8 
5 
16,0 
990 
6,19 
3,8-4,8 
8 
34,2 
2040 
5,95 
Jámi 
30 
89,4 
5776 
6,46 
Ayrım waqıtları waqıya hám hádiyselerdi bir belgi boyınsha gruppalaǵanda 
olardı tolıq úyreniw múmkin emes. Bunday jaǵdaylarda waqıya hám hádiyseler eki 
hám onnan artıq belgileri tiykarında gruppalarǵa ajıratılıp úyreniledi. Bunıń ushın 
birinshi úyrenilip atırǵan hádiyse toplamı bir belgi boyınsha, soń hár bir gruppa 

---

68 
basqa belgi boyınsha kishi gruppalarǵa ajıratıladı. Bunday gruppalaw nátiyjeleri 
tiykarında kombinacion kesteler dúziledi. Eger kerekli belgi boyınsha 
gruppalanǵan keste baslawıshı jáne gruppalarǵa ajıratılsa yamasa keste 
bayanlawıshı gruppalanǵan kóriniste bolsa, onda bul kesteler kombinacion kesteler 
dep ataladı. Olar ápiwayı kestelerge qaraǵanda waqıya hám hádiyselerdiń óz-ara 
baylanısların tolıǵıraq kórsetip beriwge járdem beredi. 
Statistikalıq kesteni dúziwde hám rásmiylestiriwde tómendegi qaǵıydalarǵa 
ámel qılınadı: 
1)
Keste onsha úlken bolmawı kerek. Eger úyrenilip atırǵan toplam júdá 
quramalı bolsa, onda onı bir keste járdeminde emes, bir-biri menen 
baylanısqan eki-úsh kestede kórsetiw kerek. 
2)
Kesteniń ulıwma atı, baslawıshı hám bayanlawıshı anıq, qısqa hám 
túsinikli tilde kórsetiliwi lazım. 
3)
Kestede kórsetkishlerdiń ólshem birlikleri qaysı orınǵa hám waqıtqa 
(dáwirge) tiyisli ekenligi anıq kórsetiliwi lazım. 
4)
Kestede 
kórsetkishler 
birin-biri 
teksere 
alatuǵın, 
«ápiwayıdan 
quramalıǵa» tártibinde jaylastırılıwı kerek, bul bolsa olardı tekseriw imkanın 
beredi. 
5)
Eger keste baslawıshı hám bayanlawıshın gruppalarǵa bóliw lazım bolsa, 
onda baslawıshındaǵı gruppalardı «a», «b», «v» hám taǵı basqalar menen, 
bayanlawıshtaǵı gruppalarda bolsa sanlar menen belgilew maqsetke 
muwapıq. 
6)
Shártli belgilerdi durıs qollanıw lazım. Eger maǵlıwmatlar joq bolsa, úsh 
tochka (...) qoyıladı yamasa «maǵlıwmat joq» dep jazıladı. Hádiyse ulıwma 
júz bermegen bolsa, tire (-) qoyıladı. Esaplanıwı lazım bolmaǵan jerge (х) 
qoyıladı. Úyrenilip atırǵan jıl maǵlıwmatı bolmasa, onıń joqarısına (

) 
qoyıp, qaysı jılǵa tiyisli bolsa, usı jıldı kórsetiw kerek.
7)
Maǵlıwmatlardıń hámmesi birdey anıqlıqta bolıwı kerek (0,1; 0,01; 
0,001 hám taǵı basqa). 

---

69 
8)
Kestelerde keltirilgen maǵlıwmatlar deregi kórsetiliwi kerek. Eger 
tekseriwshiniń ózi esaplaǵan bolsa, qaysı maǵlıwmatlar tiykarında 
esaplanǵanlıǵı kórsetiledi. 
9)
Keste hámme tárepten juwmaqlanǵan kóriniste bolıwı, yaǵnıy barlıq 
gruppa hám ulıwma keste boyınsha juwmaqlar shıǵarılǵan bolıwı kerek.