Bilimlendiriw ministrligi

4.2. Statistikalıq keste túrleri hám dúziw qaǵıydaları 
Statistikalıq kesteler, baslawısh хarakterine qarap: ápiwayı, gruppalı, 
kombinaciyalı kestelerge, bayanlawısh хarakterine qarap: bayanlawıshı ápiwayı 
islep shıǵılǵan; bayanlawısh kombinaciyalı islep shıǵılǵan kestelerge, gruppalaw 
maqseti boyınsha: informaciya хarakterli; analitikalıq; tipologiyalıq; arnawlı 
tayarlanǵan (balans, matrica h.t.b.) kestelerge bólinedi. 
Ápiwayı kesteler dep baslawıshı tek ǵana waqıyalar, jıllar, obyektler 
diziminen quralǵan kestelerge aytıladı. Ápiwayı kesteler, maǵlıwmatlar beriliwine 
qarap sanlı, aymaqlı hám хronologiyalıq kestelerge bólinedi. Bayanlawıshında 
waqıyalar muǵdarı beriliwi múmkin.
4.1-kestede respublikamızдa tutınıw tovarlarınıń túrleri boyınsha islep 
shıǵarıw kólemi, olardıń ózgerisi haqqında maǵlıwmatlar berilgen.
 
 

---

67 
4.1-keste 
Yanvar-dekabr aylarında tutınıw tovarların islep shıǵarıw 
 
mlrd. Swm
 
Jámine salıstırǵanda 
procentte 
2018 j. 
2019 j. 
2018 j. 
2019 j. 
Tutınıw tovarların islep 
shıǵarıw 
2143,4 
2234,9 
100,0 
100,0 
Sonnan: 
Azıq-awqat tovarları 
1223,6 
1331,2 
57,1 
59,6 
Azıq-awqat emes tovarlar
919,8 
903,7 
42,9 
40,4 
Gruppalı kesteler degende keste baslawıshı qandayda bir belgi boyınsha 
gruppalarǵa ajıratıp berilgen kestelerge aytıladı.
Nókis qalasındaǵı 30 azıq-awqat dúkanları boyınsha tovar aylanısı kólemi 
hám aylanıs qárejetleri salıstırma dárejesi ortasındaǵı baylanıstı úyreniw ushın 
analitikalıq gruppalaw metodın qollanıp. Alınǵan nátiyjeler 4.2-kestede keltirilgen.
4.2-kestede júdá qızıqlı maǵlıwmatlar keltirilgen, yaǵnıy tovar aylanısı hám 
aylanıs qárejetlerdiń absolyut muǵdarı ortasında tuwrı sızıqlı baylanıs, tovar 
aylanısınıń absolyut muǵdarı hám aylanıs qarejetleriniń salıstırma dárejesi 
ortasında keri baylanıs barlıǵın kóriwimizge boladı. Bul baylanıslar statistikada jup 
baylanıslar dep ataladı, yaǵnıy bir faktordıń nátiyjege tásiri úyreniledi.