1-mavzu. Maktabgacha ta’lim muassasasida saxnalashtirish faoliyatining asosiy maqsadi UMUMIY TUSHUNCHA:
Sahnalashtirilgan o‘yinlar shunday o‘yin turlariki, unda bolalar biron-bir ertak yoki hikoya syujeti asosida ma’lum bir rolni bajaradilar. Sahnalashtirilgan o‘yinlarda bolalarga ertak yoki hikoyani o‘qib yoki so‘zlab bergandan keyin ularda asarning g‘oyaviy mazmuniga, hikoyaning tiliga yoki badiiy asarga, uning jarangdorligiga bolalarning qiziqishini kuchaytirish maqsad qilib qo‘yiladi. TOPSHIRIQLAR:
Maktabgacha ta’lim muassasasida sahnalashtirish faoliyatining asosiy maqsadini o’rganish.
Maktabgacha ta’lim muassasasida sahnalashtirish faoliyatida tarbiyachining rolini o’rganish.
Maktabgacha ta’lim muassasasida sahnalashtirish jarayoni tahlil qilish.
Vazifa: Quyidagi jadvalni daftaringizga chizib to’ldiring.
O’tilgan mavzu yuzasidan savol-javob o’tkaziladi.
MUSTAHKAMLASH UCHUN SAVOLLAR: 1. Maktabgacha ta’lim muassasasida sahnalashtirish faoliyatining asosiy maqsadi nima?
2. Maktabgacha ta’lim muassasasida sahnalashtirish jarayoni qanday olib boriladi ?
3. Maktabgacha ta’lim muassasasida sahnalashtirish faoliyatida tarbiyachining roli qanday ?
2 - seminar mashg’uloti
Mavzu: Teatr-sahnalashtirish faoliyatining shakllari ( 2– soat)
UMUMIY TUSHUNCHA:
Rollarni bo‘lishda bolalarning xohishlarinigina emas, balki uni yaxshi bajarishlarini ham e’tiborga olish lozim. Agar bola rolni yaxshi o’ynay olmasa, unday bola bilan alohida shug‘ullanish kerak va bu bolaga ungay rolni ajratish kerak. Sahnalashtirish bolalarni qayta so‘zlashga o‘rgatish usullaridan biridir. Ba’zi bir bolalarda badiiy asarlardan olingan parchani qayta so‘zlab berishga xohish ham, qiziqish ham bo‘lmaydi, ammo unga o‘yin usuli kiritilishi bilan bola asardagi rolga kirib, usha asar mazmunini juda yaxshi aytib berishga harakat qiladi.
