Boshlang'ich sinf o’quvchilariga ona haqidagi asarlarni o'rgatishda zamonaviy pedagogik texnologiyalardan foydalanish usullari haqida fikr yuritilgan. Reja: kirish

Mavzuning dolzarbligi. “Mustaqillik - bu hech kimga qaram bo’lmasdan, o’z milliy manfaatlarimizni, uzoq va davomli maqsadlarimizni ko’zlab iqtisodiyotimizni barqaror sur’atlar bilan o’sishini ta’minlash, aholimizning farovonligini, xalqaro maydonda Vatanimizning obro’ -etiborini munosib darajaga ko’tarishdir. Shu bilan birga ertangi kunimizni yanada yuksaltirishga mustahkam zamin yaratishga qurbi-qudrati yetadigan, hech kimdan kam bo’lmasdan hayotga kirib kelayotgan yetuk va barkamol, mustaqil fikrlaydigan yangi avlodni kamol toptirish demakdir”^I
Ona tilini o'qitishdan asosiy maqsad o'quvchilarda o'z ona tilida fikrni to'g'ri, aniq, ravshan va go'zal ifodalay olish ko'nikmalarini shakllantirish va rivojlantirishdan iboratdir.
So'zlarni to'g'ri tanlash, nutqni tinglovchiga qulay tarzda tuza olish insoniy madaniyatning eng asosiy tarkibiy qismlaridan biri hisoblanadi. Shuning uchun har bir so'z, birikma va gapni barcha qirralari bilan to'g'ri, o'rinli ishlata olishni o'rgatish, o'z nutqiga nisbatan ehtiyotkorlik tuyg'usini shakllantirish ona tili mashg'ulotlarining asosiy vazifasi sanaladi.
Biz yangi iqtisodiy, ijtimoiy sharoitda faqat bilimli kishilarni emas, balki ijodkor, tadbirkor kishilarni ham yetkazib berishimiz lozim. «Bilimli kishi» bilan «tadbirkor kishi» orasida farqi bor, albatta. Bilimli shaxs bilimga ega bo'lsa ham, lekin bilimini har vaqt ham amaliy faoliyatda qo'llay olmaydi. Tadbirkor shaxs esa faqat bilimli bo'lib qolmasdan, balki egallagan bilimini sharoitga mos ravishda qo'llay olish ko'nikmalariga ham egadir. Shuning uchun “bilimlining bilimi omborda yotgan sara urug' bo'lsa, tadbirkorning bilimi yerga ekilgan dondir”¹.
O’quvchilarga odob-axloq sifatlarni singdirish maktabda o’qish mashg’ulotlarining bosh vazifasidir. Shuning uchun birinchi soatdan oxirgi mashg’ulotgacha o’qish darslari o'quvchilarda odob-axloq sifatlarni tarbiyalashga xizmat qilishi kerak.
O'quvchilarda odob-axloq sifatlarni rivojlantirishda ona haqidagi asarlarning ahamiyati va o ’ rni ham juda katta bo'lib, o'quvchilar ona haqidagi asarlar orqali ravon, tekis, chiroyli jumlalardan foydalangan holda so'zlashga o'rganish bilan birgalikda, ona va onaning o’gitlari haqida ma’lumotlarni ozlashtirib boradilar.
“Bizning mana shu qisqa - yigirma ikki yillik tariximizda mustaqillikka erishish, milliy davlatchiligimiz, ertangi kunimizni qurishga, yurtimizni turli balo- qazolardan asrashga, O’zbekistonimizni rivojlangan demokratik davlatlar qatoriga kirishi, jahon maydonida munosib obro’ topishida eng asosiy omillar nima deb so’ralsa, men boshqa mezonlarni inkor qilmagan holda, bir fikrni alohida ta’kidlab aytgan bo’lardim: bu yo’ldagi eng muhim omil - bu ham jismoniy, ham ma’naviy jihatdan sog’lom, hech kimdan kam bo’lmasdan, boshini baland ko’tarib yashaydigan, Vatanimizning taqdiri va kelajagi uchun ma’suliyatni o’z zimmasiga olishga, xalqimiz intilayotgan kelajagi buyuk davlatni barpo etishga qodir bo’lgan barkamol avlodimiz, desam ayni haqiqatni aytgan bo’laman ”. Darhaqiqat “Bolaning psixologik va jismoniy rivojlanishdagi eng asosiy davr - bu boshlang’ich sinf davridir” .
Boshlang’ich sinflardagi dars mashg’ulotlarida, xususan o’qish darslarida o’quvchilarga axloqiy sifatlarni shakllantirishda she’riy asarlarning yuqorida ta’kidlaganimezdek ahamiyati katta. ^{I II III}
O’zbek xalqi qadim-qadimdan odob-axloq normalariga qattiq rioya etgan xalqdir. Salom alikdan tortib, toki kattalami hurmatda, kichiklami izzatda ko’rish odobiga muomalasining barcha qirralari o’zbek millatida mavjud va bularni albatta singdirib borish o’qituvchilarning oldida turgan dolzarb vazifalardan biridir. Zero, “O’z ona tilini bilmagan odam o’z shajarisini, o’zining ildizini bilmaydigan, kelajagi yo’q odam. Kishi tilini bilmaydigan uni dilini ham bilmaydi”^I.