Budjet nazorati
Tovar moddiy zahiralar saqlanish holatining nazorati
Yüklə 2,32 Mb. Pdf görüntüsü
|
|
3. Tovar moddiy zahiralar saqlanish holatining nazorati
Tovar-moddiy zaxiralarning saqlanish holatini tekshirish asosan inventarizatsiya o’tkazish orqali amalga oshiriladi. Inventarizatsiya, qoida tariqasida, materiallarning mazkur binoda joylashgan tartibi bo’yicha amalga oshiriladi. Inventarizatsiya paytida bir tovar-moddiy zaxiradan ikkinchisiga tartibsizlik bilan o’tishiga yo’l qo’yish kerak emas. Bir moddiy javobgar shaxsdagi turli alohidagi binolarda saqlanayotgan tovar-moddiy zahiralar inventarizatsiyasi ular saqlanayotgan joylar bo’yicha izchillik bilan o’tkaziladi. Boyliklar tekshirib bo’lingandan so’ng xona plombalanadi va komissiya ishlash uchun boshqa keyingi xonaga o’tadi. Tovar-moddiy zaxiralar inventarizatsiya ro’yxatlariga har bir nom bo’yicha nomenklatura raqami, turi, guruhi, artikuli, navi va soni ko’rsatilib alohida kiritiladi. Ishchi inventarizatsiya komissiyasi raisi yoki uning topshirig’i bilan komissiya a’zolari omborxona (saqlash joyi) mudiri va boshqa moddiy javobgar shaxslar ishtirokida xaqiqatda bor bo’lgan tovar-moddiy zahiralarni ularni albatta sanash, tortish yoki o’lchash yo’li bilan tekshiradilar. Ro’yxatlarga qoldiq boyliklar to’g’risida moddiy javobgar shaxslarning og’zaki ma’lumotlarni yoki hisob ma’lumotlarni ularning xaqiqatda boriligini tekshirmasdan kiritish katiy man etiladi. Inventarizatsiya paytida kelib tushgan tovar-moddiy zaxiralar moddiy javobgar shaxslar tomonidan inventarizatsiya komissiyasi a’zolari ishtirokida qabul qilinadi va inventarizatsiyadan keyin reestr yoki tovar hisoboti bo’yicha hisobga kiritiladi. Ushbu tovar-moddiy zaxiralar "Inventarizatsiya paytida kelib tushgan tovar-moddiy zaxiralar" nomli alohida ro’yxatga kiritiladi. Ro’yxatlarda ular qachon, kimdan kelib tushgani, sanasi, kirim xujjatining raqami, nomi, soni, narxi va summasi ko’rsatiladi. Bir vaqtning o’zida kirim xujjatida inventarizatsiya komissiyasi raisining imzosi bilan "inventarizatsiyadan keyin" deb ushbu materiallar yozilgan ro’yxatning sanasi ko’rsatilib yozib qo’yiladi. Uzoq muddatli inventarizatsiya o’tkazilganda istisno tariqasida faqat xo’jalik yurituvchi sub’ektning raxbari va bosh buxgalterining yozma ruxsatnomasi bilan inventarizatsiya jarayonida tovar-moddiy zahiralar moddiy javobgar shaxslar tomonidan inventarizatsiya komissiyasining a’zolari ishtirokida berib yuborilishi mumkin. Ushbu boyliklar "Inventarizatsiya paytida berib yuborilgan tovar- moddiy zaxiralar" nomli alohida inventarizatsiya ro’yxatiga kiritiladi. Ushbu ro’yxat inventarizatsiya paytida kelib tushgan tovar-moddiy zaxiralarga rasmiylashtirilgan xujjatlarga o’xshash komissiyasi raisining imzosi bilan tayyorlanadi. Boshqa xo’jalik yurituvchi sub’ektlarga tegishli bo’lgan va javobgarlik ostida saqlanayotgan tovar-moddiy zaxiralar o’z tovar-moddiy zaxiralari bilan bir vaqtning o’zida inventarizatsiya qilinadi. Ushbu materiallarga alohida inventarizatsiya ro’yxati tuziladi, unda mazkur materiallar jovobgarlik ostida saqlanishiga qabul qilinganligini tasdiqlovchi tegishli xujjatlar ko’rsatiladi. Yo’lda bo’lgan, jo’natilgan, xaridorlar tomonidan o’z vaqtida to’lanmagan, boshqa xo’jalik yurituvchi sub’ektlarning omborlarida bo’lgan tovar-moddiy zaxiralarning inventarizatsiyasi tegishli hisobvaraqlarda bo’lgan summalarni asosiyligini sinchiklab tekshirishdan iborat bo’ladi. Hisobdagi ushbu tovar- moddiy zahiralarning hisobi (yo’lda yuklab jo’natilgan va boshqalar) faqat tegishli ravishda rasmiylashtirilgan xujjatlar bilan tasdiqlangan summada qoldirilgan bo’lishi mumkin: yo’ldagisi bo’yicha material etkazib beruvchilarning hisobvaraqlari, to’lov talabnomalari yoki ularni o’rnini bosuvchi xujjatlar bilan, yuklab jo’natilganlari bo’yicha-xaridorlar tomonidan taqdim etilgan hisobvaraq-fakturalari va to’lov talabnomalarining nusxalari bilan, to’lov muddati kechiktirilgan xujjatlari bo’yicha-albatta bank muassasasining to’lov talabnomalrini kartotekada ekanligi xaqidagi tasdig’i bilan, boshqa tashkilotlarning omborlarida bo’lganlari bo’yicha-inventarizatsiya sanasiga yaqin sanaga qayta rasmiylashtirilgan saqlash to’g’risidagi tilxat bilan, bir shaxardan tovar etkazib beruvchilarning omborlarida bo’lganlari bo’yicha - inventarizatsiya o’tkazish sanasiga qayta rasmiylashtirilgan saqlash to’g’risidagi tilxat bilan. Oldindan ushbu hisobvaraqlarni boshqa ikki yoklama yozuvda kayd qilinadigan hisobvaraqlar bilan solishtirilishi kerak. Masalan, "Yuklab jo’natilgan tovarlar, bajarilgan ishlar va xizmatlar" bo’yicha ushbu hisobvaraqda to’lovi boshqa hisobvaraqlarda aks ettirilgan summaning bor-yo’qligi aniqlanadi ("Turli debitorlar va kreditorlar bilan hisoblashish" va h.k.). Xaridorlar yoki buyurtmachilar tomonidan ularga yuklab jo’natilgan mollar, bajarilgan ishlar va ko’rsatilgan xizmatlar uchun to’lov uzoq muddat kechiktirilganda, ushbu kechiktirish sabablari aniqlanadi, qaysiki inventarizatsiya komissiyasining bayonida aks ettiriladi. Kelib tushgan tovar-moddiy zaxiralarning hisobga kiritilmagani aniqlanganda ularni olgan shaxslardan tushuntirish xatlari talab qilinadi, suiste’mol qilingan hollarda esa materiallar tergov organlariga yuboriladi. Inventarizatsiya ro’yxatlari (dalolatnomalari) yo’lda bo’lgan, yuklab jo’natilgan, xaridorlar tomonidan o’z vaqtida to’lanmagan va boshqa xo’jalik yurituvchi sub’ektlarning omborlarida bo’lgan tovar-moddiy boyliklarga alohida tuziladi. Yo’lda bo’lgan tovar-moddiy zaxiralarning ro’yxatida har biralohida jo’natilgani bo’yicha kuyidagi ma’lumotlar keltiriladi: nomi (xujjatga muvofiq), soni va qiymati (hisob ma’lumotiga muvofiq), yuklab jo’natilgan sana, shuningdek mazkur boyliklar tegishli hisobvaraqlarda hisobga olinishiga asos bo’lgan xujjatlarning ro’yxati va raqamlar. Bunda belgilangan vaqtda etib kelmagan va hisobda yo’ldagi materiallar va tovarlar sifatida sanalgan yuklar bo’yicha ularni qidirish bo’yicha qanday choralar ko’rilganini tekshirish kerak. Yuklab jo’natilgan va xaridor tomonidan muddatida to’lanmagan tovar- moddiy zahiralar ro’yxatida, xar bir alohida yuklab jo’natilgani bo’yicha xaridorning nomi, tovar-moddiy zaxiralarning nomi, yuklab jo’natilgan sanasi, hisobvaraq-faktura yozilgan sana, hisobvaraq-faktura raqami va hisobvaraq-faktura summasi keltiriladi. Boshqa xo’jalik yurituvchi sub’ektlarning omborlarida saqlanayotgan tovar-moddiy zahiralar ushbu boyliklarni javobgarlik ostida saqlash uchun topshirilganligi to’g’risidagi xujjatlar asosida ro’yxatlarga kiritiladi. Mazkur boyliklarga ro’yxatlarda ularning nomi, soni, navi, xaqiqiy qiymati (hisob ma’lumotlari bo’yicha), yukni saqlash uchun qabul qilib olingan sanasi, saqlash joyi, xujjatlarning raqamlari va sanasi ko’rsatiladi. Mazkur boyliklar javobgarlik ostida saqlanayotgan xo’jalik yurituvchi sub’ektlardan inventarizatsiya ro’yxatlarining nusxalari olinganda, komissiya boyliklarining xaqiqiy sonini (inventarizatsiya ro’yxati nusxasi ma’lumotlari bo’yicha) xujjatlar bilan aniqlangan soni bilan solishtiriladi. Boshqa xo’jalik yurituvchi sub’ektlarda qayta ishlashda bo’lgan tovar- moddiy zaxiralar ro’yxatida qayta ishlovchi korxonaning nomi, boyliklar nomi, soni, hisob ma’lumotlari bo’yicha xaqiqiy qiymati, boyliklarni qayta ishlashga berilgan sana, xujjatlarning raqamlari va sanalari ko’rsatiladi. Foydalanishda bo’dgan inventar va buyumlar ular joylashgan joylar va ular javobgarligida saqlanayotgan shaxslar bo’yicha inventarizatsiya qilinadi. Inventarizatsiya xar bir buyumni ko’rish yo’li bilan o’tkaziladi. Inventarizatsiya ro’yxatlariga inventar va predmetlar buxgalteriya hisobida qabul qilingan ro’yxatga muvofiq nomlar bo’yicha kiritiladi. Ishchilarga individual foydalanishlari uchun berilgan buyumlar inventarizatsiyasida shaxsiy kartochkalar ochilgan, ularning ro’yxatiga tilxat bergan mazkur buyumlarga javobgar bo’lgan shaxslar ko’rsatilib guruhli inventarizatsiya ro’yxati tuzilishiga yo’l qo’yiladi. Ro’yxatda buyumlarning boshlangich qiymati ko’rsatiladi. Agarda ushbu buyumlarning eskirishi ularning xaqiqiy holati bo’yicha hisobga olinsa, unda izohda ishchi inventarizatsiya guruhi tomonidan aniqlangan xar bir buyumning eskirish qiymati yoki eskirishning bir xil miqdori bilan guruhi ko’rsatiladi. Bunday holatda bir xil nomdagi eskirishi turli darajadagi buyumlar ro’yxatga alohida satr bilan yoziladi. Yuvishga va ta’mirlashga jo’natilgan maxsus kiyim va oshxona buyumlari inventarizatsiya ro’yxatiga maishiy xizmat ko’rsatish korxonasining vedomost- nakladnoy va kvitantsiyasi asosida yoziladi. Yaroqsiz xolga kelgan va ro’yxatdan chiqarilmagan buyumlarga ishchi inventarizatsiya komissiyasi tomonidan belgilangan shakldagi dalolatnomalar foydalanish muddati, yaroqsizligi sabablari mazkur buyumlardan xo’jalik maqsadlarida foydalanish mumkinligi ko’rsatilib tuziladi. Tara ro’yxatlarga turlari, maqsadi va sifat holati (yangi foydalanishda bo’lgan, ta’mir talab va h.k.) bo’yicha kiritiladi. Tekshirishdan oldin tara turlari bo’yicha ajratilgan bo’lishi kerak: - yogoch (yashiklar, bochkalar); - karton; - temirli (flyagalar, barabanlar); - tekstil (koplar). Yaroqsiz holga kelgan taraga ishchi inventarizatsiya komissiyasi tomonidan sabablari va taraga javobgar bo’lgan shaxslar ko’rsatilib, dalolatnoma tuziladi. Inventarizatsiya ro’yxati tuzib bo’lingach sanalagn buyumlarning miqdori ,baholari va summalari taksirovka qilinadi, ya’ni arifmetik jihatdan tekshirib chiqiladi. Ro’yxat komissiya azolari tomonidan imzolangach solishtirish vedomostlari tuziladi. Solishtirish vedomostlarida inventarizatsiya yakunlari, ya’ni buxgalteriya hisobi ko’rsatkichlari va inventarizatsiya ro’yxatlari (dalolatnomalari) ma’lumotlari o’rtasidagi farqlar aks ettiriladi. Ortiqcha va etishmaydigan tovar-moddiy boyliklar solishtirish vedomostlarida ularning buxgalteriya hisobidagi baxosiga muvofiq keltiriladi. Inventarizatsiya natijalarini rasmiylashtirish uchun inventarizatsiya ro’yxatlari (dalolatnomalari) va solishtirish vedomostlarining ko’rsatkichlari birlashtirilgan yagona registrlar ko’llanishi mumkin. Korxonaga taalluqli bo’lmagan, lekin buxgalteriya hisobida bo’lgan (javobgarlik ostida saklanayotgan, ijaraga olingan, qayta ishlash uchun olingan) boyliklarga alohida solishtirish vedomostlari tuziladi. Solishtirish vedomostlari hisoblash va boshqa texnika vositalaridan foydalanib, xam ko’lda tuzilishi mumkin. Inventarizatsiya va boshqa tekshirishlarda aniqlangan xaqiqatda bor bo’lgan moddiy boyliklar bilan buxgalteriya hisobi ma’lumotlari o’rtasida aniqlangan farqlar kuyidagicha tartibga solinadi: - ortiqcha bo’lgan , moddiy boyliklar va boshqa mulk xo’jalik yurituvchi sub’ektning moliyaviy natijalari tegishincha kiritiladi va hisobiga olinadi yoki budjet tashkilotida ortiqchalikni kelib chikishi sababi va aybdor shaxslar aniqlanib moliyalash (fondlar)ni kuchaytirishiga hisob qilinadi; - boyliklarning belgilangan me’yorlar doirasidagi zarari xo’jalik yurituvchi sub’ekt raxbarining farmoyishi bo’yicha ishlab chiqarish chiqimlari va budjet tashkilotida muomala yoki moliyalashni (fondlar)ni kamayishi hisobdan chiqariladi. Zarar me’yorlari faqat xaqiqatda etishmaslik aniqlangandagina ko’llaniladi. Bunda belgilangan me’yorlar doirasidagi boylik zararlari boyliklarni qayta navlash bo’yicha etishmasligi hisobga kiritilgandan keyin aniqlanadi. Agarda belgilangan tartibda qayta navlash bo’yicha hisobga kiritilgandan keyin xam boyliklar etishmasa, unda tabiiy etishmaslik me’yorlari faqat etishmasligi aniqlangan boyliklar bo’yicha ko’llaniladi. Tasdiqlangan me’yorlar bo’lmaganda etishmaslik me’yordan ortiq miqdordagi etishmaslik deb karaladi; - etishmaydigan boyliklarning me’yordan ortiqcha etishmasligi, shuningdek boyliklarning buzilishidan kelib chiqqan yo’qotishlar javobgar shaxslarga taalluqli bo’ladi. Suiiste’molchilik natijasida bo’lgan etishmasliklar va yo’qotishlar aniqlanganda, etishmasliklar va yo’qotishlar aniqlangandan keyin 5 kun ichida tegishli materiallar tergov organlariga berilishi kerak, etishmaslik va yo’kotilganlik summasiga esa fuqarolik da’vosi qilinadi; - boyliklarning buzilishida me’yorlardan ortiqcha etishmasliklar va yo’qotishlar va etishmasliklar va yo’qotishlarda aniq aybdorlar aniqlanmaganda, unda xo’jalik yurituvchi sub’ekt tomonidan Ishlab chiqarish va mahsulotlar (ishlar, xizmatlar) bo’yicha xarajatlar tarkibi to’g’risidagi Nizomga muvofiq ishlab chiqarish chiqimlari va muomalalariga yoki budjet tashkilotida moliyalash (fondlar)ni kamayishiga hisobdan chiqarish mumkin. Bunda boyliklarning buzilishidan kelib chiqqan me’yordan ortiq etishmaslik va yo’qotishlarni hisobdan chiqarishga taqdim etilgan xujjatlarda bunday etishmasliklar va yo’qotishlarni oldini olish bo’yicha ko’llanilgan chora-tadbirlar ko’rsatilishi kerak. Boyliklarni buzilganligi fakti to’g’risidagi xulosa texnik nazorat bo’limi yoki sifat bo’yicha tegishli inspektsiyalardan olinishi kerak. Me’yordan ortiq bo’lgan etishmaslik va yo’qotishlar hisobdan chiqarish bo’yicha taqdim etilgan xujjatlarni rasmiylshtirish uchun aybdor shaxslar yo’qligini tasdiqlovchi yoki aybdor shaxslardan etishmasliklarni undirishni bekor qilish to’g’risida tergov yoki sud organlarining qarorlari, texnik nazorat bo’limi yoki tegishli ixtisoslashtirilgan tashkilotlar (sifat bo’yicha inspektsiyalar va boshqalar)ning boyliklarning buzilganligi fakti to’g’risidagi xulosasi bo’lishi kerak. Qayta navlash natijasida etishmasliklar va yo’qotishlarni o’zaro hisobga kiritish faqat istisno tariqasidagi ko’rinishda aynan bir tekshirish davrida, aynan bir tekshirilayotgan shaxsda, aynan bir nomdagi tovar-moddiy boyliklarga nisbatan va ishonchli shaxsning ruxsati bilan aynan bir xil miqdorda yo’l qo’yilishi mumkin. Yo’l qo’yilgan qayta navlash bo’yicha moddiy javobgar shaxslar ishonchli shaxslarga to’liq tushuntirishlar taqdim etadilar. Qayta navlashdan qiymatning moddiy javobgar shaxslar aybi bilan xosil bo’lgan etishmaslik qiymatning farqiga inventarizatsiya bayonlarida bunday farq aybdor shaxslarga tegishli emasligi sabablari to’g’risida to’liq tushuntirishlar berilishi kerak. Inventarizatsiya natijasida kamomad chiqqan tovar moddiy zaxiralarning chiqim qilinishi ularning kirim qilish manbalari bo’yicha xaqiqiy xarajatlar 231, 241, 251, 261, 271 schyotlari debeti va 06 tovar moddiy zaxiralar schyoti krediti orqali aks ettiriladi. Budjet mablag’lari hisobidan kirim qilingan tovar moddiy zaxiralar kamomadi aniqlansa moddiy javobgar shaxsdan undiriladi va uning qiymati tegishli budjetga o’tkaziladi. Budjetdan tashqari mablag’lar hisobidan kirim qilingan tovar moddiy zaxiralar kamomadi aniqlansa moddiy javobgar shaxs ayibdor deb tanolingan holda undiriladigan summa 170 schyotning debeti va 05, 06 schyotlarning tegishli subschyotlari kreditiga olib boriladi. Budjet tashkilotlarida tashqi audit o’tkazish jarayonida tashkilotda tuzilgan doimiy inventarizatsiya komissiyasi tomonidan o’tkazilgan inventarizatsiyalarning sifati va natijalarini to’g’ri rasmiylashtirilishi alohida o’rganiladi. Buning orqali ichki nazorat tizimi baholanadi va uning natijalaridan foydalanishda tekshiruv riskini pasaytirishi mumkin. Tovar moddiy boyliklarini saqlanishini tekshirishda moddiy javobgar shaxslarni Mehnat ta’tiliga o’z vaqtida va belgilangan tartibda chiqishlari ko’rib chiqiladi. Agarda, moddiy javobgar shaxs bir necha yillar davomida Mehnat ta’tiliga chiqmasdan faoliyat olib borgan bo’lsa, bunday javobgar shaxs zimmasidagi moddiy boyliklar inventarizatsiyasi natijalarini shubha ostiga olish mumkin. Bunga sabab, moddiy javobgar shaxs va uning zimasidagi moddiy boyliklarni hisobini olib boruvchi buxgalterni til biriktirishi extimoli borligidir. Shuning uchun moddiy javobgar shaxslar belgilangan tartibda ta’tilga chiqishi va o’z zimmasidagi boyliklarni qabul-topshirish dalolatnomalarini rasmiylashtirgan holda boshqa shaxsga o’tkazishi zarur. Inventarizatsiyalarni o’tkazish to’liq yoki qisman tashkil qilinishi mumkin. Qisman inventarizatsiyalarni o’tkazish asosan tashqi auditorlar tomonidan amalga oshiriladi. Bunda, tanlab olish mantiqiy jihatdan yo’lga qo’yiladi, yan’i noyob, qimmat va o’g’irliklarga ko’proq moyil bo’lgan tovar moddiy boyliklari olinadi. Yüklə 2,32 Mb. Dostları ilə paylaş:
|